Президент қарори билан Янги Тошкент шаҳридаги ер участкалари «E-auksion» электрон савдо платформаси орқали сотилади ёки ижарага берилади.
Қозоғистоннинг QazaqGaz компанияси октябрь ойидан Ўзбекистонга Россия гази транзитини бошлашни режалаштирмоқда. Компания барча техник тадбирлар тасдиқланган жадвалга мувофиқ тўлиқ ҳажмда амалга оширилаётганини маълум қилди.
2023−2024 ўқув йили учун давлат ОТМларига ўқишга ҳужжат топширган абитуриентлар сони 1 млн 18 минг нафарни ташкил этди. Бу ўтган йилги кўрсаткичдан қарийб 200 мингтага кам. Талабгорларнинг энг кўпи Миллий университетни танлаган — 36 782 нафар.
Президент август ойида Ўзбекистонда «яшил водород» ишлаб чиқариш мажмуасини қуришни бошлаш бўйича топшириқ берди, дея маълум қилди энергетика вазири Жўрабек Мирзамаҳмудов. Иншоот Саудиянинг ACWA Power компанияси томонидан Чирчиқ шаҳридаги аммиак заводи негизида қурилади.
Тижорат банклари 21 июль куни аҳолидан 1 АҚШ долларини 11 535−11 600 сўмдан сотиб олмоқда, сотув курси эса 11 650−11 670 сўм.
Интерпол қидирувига берилган, тақиқланган экстремистик материалларни тарқатишда айбланган эркак Кореядан Ўзбекистонга депортация қилинди.
Ҳисоб палатаси Қорақалпоғистон Иқтисодиёт ва молия вазирлиги томонидан 14,2 млрд сўмлик асоссиз равишда маблағлар сарфланиши ҳолатларини аниқлади.
Ўзбекистон президенти «Ботир Зокиров ва Навоий кўчалари кесишмасида йўл ўтказгич қуриш зарурлигини» қайд этди (унинг матбуот хизмати келтирган иқтибос). Бу шаҳарда пиёдалар устуворлигини таъминлаш ҳақидаги тамойилга зид бўлган баҳсли қарордир. «Газета.uz» лойиҳани очиқ муҳокама қилишга чақиради.
БМТ Тараққиёт дастурининг Ўзбекистондаги доимий вакили Матильда Димовска тўрт ярим йиллик фаолиятидан сўнг мамлакатдаги миссиясини якунламоқда.
Қирғизистон қўш мақсадли товарлар экспорти устидан назорат кучайтирилганини билдирди. Аввалроқ The Washington Post АҚШ Россияга санкцияларни четлаб ўтишда ёрдами учун мамлакатга қарши санкциялар тайёрлаётганини ёзганди. Қирғизистон МХДҚ санкцияларни хусусий компаниялар бузиши мумкинлигини тан олди.
Кутилаётган +44 даража иссиқ ҳарорат, блогер Asad Algo ўлими юзасидан очилган жиноят иши, АҚШда отишмада вафот этган 15 ёшли ўзбекистонлик йигит, Тошкентнинг айрим кўчаларида кечаси йўл чироқлари ўчирилиши, йўл объектларида 400 га яқин қоидабузарлик ва бошқалар — «Газета.uz»нинг кун дайжестида.
Ўзбекистонда йилнинг биринчи ярмида 2 мингдан ортиқ дарахт ва буталарни ноқонуний кесиш ҳолатлари аниқланди. Табиатга етказилган зарар 3,6 млрд сўмни ташкил этмоқда.
Тошкентда автомобиллар пиёдаларни сиқиб чиқармоқда: тротуар, бекатлар, йўл четларига машина қўйиш одатий ҳолга айланди. ЙҲХББ бунга жиддий эътибор қаратмаяпти. 8 ой аввал пулли тўхташ жойларини жорий этиш режалаштирилган эди, бироқ расмийлар ислоҳотларни кечиктирмоқда. «Газета.uz» муносабати.
Антикоррупция агентлиги жами 6 нафар мансабдор — Бўстон, Қизилтепа ва Яккасарой туманлари ҳокимлари, Антидопинг агентлиги, Ахборотлаштириш бош маркази ва Ипакчилик қўмитаси раҳбарлари тадбиркорлик билан шуғулланаётганини аниқлади. Манфаатлар тўқнашуви ҳолатларига барҳам бериш чоралари кўрилмоқда.
Боёвут туманида февраль ойида ит тишлаган 64 ёшли эркак қутуриш касаллигига гумонланиб, шифохонага ётқизилди. Бироқ фуқаро муолажаларга қарамай вафот этди. Марҳум яшаган манзилда штаб тузилиб, эпидемиологик суриштирув ишлари бошланди.
Қашқадарё вилояти ҳокими Муротжон Азимов Хитойда JAC Motors компанияси билан автомобиль ишлаб чиқаришни йўлга қўйиш имкониятлари юзасидан музокаралар ўтказди. У Хитойнинг яна икки автомобиль ишлаб чиқарувчиси билан учрашмоқчи.
Денов туманидаги I-ХII асрларга оид археологик ёдгорликка 13 млрд сўмлик зарар етказилгани аниқланди. Туман фермер хўжаликларига ер участкаларини бериш комиссияси объектни фуқарога боғдорчилик учун бериб юборган.
21−23 июль кунлари республиканинг барча ҳудудларида чет тилидан ижодий имтиҳоннинг ёзма қисми (тинглаб тушуниш, ўқиш, ёзма иш) бўлиб ўтади. Абитуриентлар бинога имтиҳон бошланишидан 1 соат аввал паспорт ва рухсатнома билан келиши керак.
Ҳаво ҳарорати кескин кўтарилиши сабабли 20 июлдан бошлаб Тошкент шаҳрининг айрим кўчалари ёритиш тизимида чеклов киритилади.
31 июлгача Тошкентдаги Webster университетининг кузги семестрига ҳужжатлар қабули давом этади. Аризалар онлайн қабул қилиниб, 14 кун ичида кўриб чиқилади. Дарслар тўлиқ инглиз тилида олиб борилади.
Қўшимча имкониятларга эга булиш учун сайтда рўйхатдан ўтинг