Тошкентда ШҲТ Минтақавий аксилтеррор тузилмаси кенгаши йиғилиши бўлиб ўтди. Ташкилот аъзолари Қирғизистонда аксилтеррор машқлари ҳамда интернетдан террористик, сепаратистик ва экстремистик мақсадларда фойдаланишнинг олдини олиш бўйича биринчи қўшма ахборот операциясини ўтказишга келишиб олинди.
Хоразмдаги оилавий меҳрибонлик уйи раҳбари ўқувчиларни тунги клубларда фоҳишалик йўли билан пул ишлашга мажбурлаган бўлиши мумкин, дея маълум қилди қизлар ўқиган мактаб директори. Мактаб ўқитувчиси жабрланувчилардан бирини асраб олмоқчи бўлган, бироқ расмийлар унга рухсат бермаган.
Хитойга ташриф буюрган Франция президенти Эммануэль Макрон мамлакат етакчиси Си Цзиньпинни Россиянинг Украинага қарши урушини тўхтатишга ёрдам беришга чақирди. ХХР раҳбари тинчлик музокаралари эрта бошланишига умид билдириб, томонларни вазминликни сақлаш, тинч аҳолига ҳужумлардан қочишга чақирди.
Олий Мажлис Сенати Маданий мерос агентилигига муаммо ва камчиликлар юзасидан ёзма равишда асослантирилган тушунтириш бериш талаби қўйилган парламент сўрови юборди.
Ташқи ишлар вазири ўринбосари Баҳром Аълоевнинг маълум қилишича, Украинада ҳарбий ҳаракатлар бошланганидан буён 6030 нафар ўзбекистонлик махсус рейслар орқали эвакуация қилинди. Йил давомида хориждаги фуқаролар учун 200 мингдан ортиқ консуллик операцияси амалга оширилди.
Ўзгидромет 8−11 апрель кунлари Ўзбекистоннинг 9 та вилоятида ҳамда тоғолди ва тоғли ҳудудларда сел-сув тошқин ҳодисалари юзага келиши эҳтимоли ҳақида огоҳлантирди. Жойларда шамол кучайиб, айрим ҳудудларда дўл ёғиши ҳам мумкин.
Шавкат Мирзиёев иштирокидаги сессияда Сирдарё вилояти ҳокими лавозимига 2022 йил ноябрь ойидан бери ҳоким вазифасини бажариб келаётган Акмал Маҳмудалиев номзоди тасдиқланди.
Тошкент вилоятидаги Чимён тоғларида 8−11 апрель кунлари қор кўчиш хавфи эълон қилинди.
Шавкат Мирзиёев Сирдарё вилояти аҳолиси фаровонлигини ошириш бўйича 5 та ташаббусни илгари сурди. 20 та йўналишдаги лойиҳаларга имтиёзлар жорий этилади, 11 та туман ва шаҳар саноатга ихтисослашади, вилоят йирик логистика хабига, Гулистон шаҳри эса «Инновацион медицина хаби»га айлантирилади.
Элликқалъа туманида каналдан сув чиқиши оқибатида 8 гектар далани сув босган. Ўрганишлар давомида мазкур ҳудуддаги фермер каналга ноқонуний сув олиш трубасини ўрнатган ва ўша трубалар қўйилган қисимдан сув сизиб чиққан. Натижада, канал қирғоғи емирилиб сув чиққан. Ҳолат бўйича ўрганиш бошланган.
Сенаторлар «Жиноят кодексига коррупцияга оид жиноятлар учун жавобгарлик муқаррарлигини таъминлашга қаратилган ўзгартиш ва қўшимчалар киритиш тўғрисида»ги қонунни маъқуллади. Энди ушбу жиноятларда айбдор деб топилганлар жазо муддатидан илгари озод қилинмайди ва енгил жазога алмаштирилмайди.
2023−2026 йилларда Ўзбекистон таълим тизимини ислоҳ қилиш бўйича йўл харитаси ишлаб чиқилди. Халқаро ташкилотлар уч йиллик ислоҳотлар учун 580 млн доллардан кўпроқ ажратишни режалаштирган. «Газета.uz» Ўзбекистон расмийлари ва халқаро ташкилотлар вакилларидан бу қанчалик самара бериши ҳақида сўради.
Самарқанд шаҳрида АҚШ ва Канадага фуқароларни ноқонуний равишда жўнатмоқчи бўлиб, улардан пул олган шахслар қўлга олинди.
Шанба ва якшанба кунлари Ўзбекистоннинг қатор ҳудудларида қисқа муддатли ёмғир ёғиб, момақалдироқ кузатилади. Баланд тоғларда ёмғир қорга айланиши мумкин. Ҳарорат кечалари +7…+12 даража, кундузи +22…+27 даражани ташкил этади.
«Ташаббусли бюджет» лойиҳасининг 2023 йилдаги 1-мавсумига овоз бериш 7 апрелда якунланди. Жами 1666 та лойиҳа ғолиб деб топилди ва уларни амалга ошириш учун 1,6 трлн сўмга яқин маблағлар йўналтирилади. Ҳудудларда одатдагидек одамлар байрам қилишни бошлаб юборди.
Сирдарёни саноат, тадбиркорлик, қишлоқ хўжалиги, таълим ва тиббиёт соҳаларида «илғор инновациялар ҳудуди»га айлантириш режалаштирилган, деди вилоятга ташриф буюрган Ўзбекистон президенти Шавкат Мирзиёев.
Жаҳон банки Ўзбекистон ялпи ички маҳсулотининг 2023 йилда 5,1 фоизга ўсишини прогноз қилди. Бу Европа ва Марказий Осиё минтақасидаги энг юқори кўрсаткич. Россиянинг Украинадаги уруши ва санкцияларнинг оқибатлари озиқ-овқат ва энергия нархларига таъсир қилишда давом этади.
Танзила Нарбаева болалар ва аёлларни зўравонликдан ҳимоя қилиш тўғрисидаги қонунни илғор деб атади, уни қабул қилишдаги қийинчиликларни қайд этиб, фаолларга миннатдорлик билдирди. 2021−2022 йилларда аёл-қизларга нисбатан 72 мингта зўравонлик ҳолатлари бўлган, уларнинг 85 фоизи оилада содир этилган.
Тошкент вилоятида авария ҳолатидаги 23 та кўп квартирали уй бузилиб, ўрнига янгиси қурилиши режалаштирилмоқда. Янги уйлар битгунга қадар хонадон эгалари 11 ой туман/шаҳар ҳокимлиги ва ташаббускорлар маблағи ҳисобидан ижарада яшаб туради.
7 апрель куни президент Сирдарё вилоятига ташриф буюради. Давлат раҳбари халқ депутатлари вилоят кенгашининг сессиясида иштирок этади, корхоналар фаолияти билан танишади.
Қўшимча имкониятларга эга булиш учун сайтда рўйхатдан ўтинг