Архив
100 га яқин Тожикистон фуқароси Россия қамоқхоналаридан Украинага урушга жўнатилган — Тожикистон ИИВ
Тожикистон Ички ишлар вазирлиги раҳбарининг айтишича, Россия қамоқхоналарида жазо ўтаётган 100 га яқин давлат фуқаролари Россия армиясига жалб қилиниб, Украинадаги урушга юборилган.
«Болам юра ва гапира олмайди» — «Док-1 Макс»дан заҳарланган боланинг отаси
Суд Marion Biotech дорилари, жумладан, «Док-1 Макс» сиропини ичиши оқибатида 65 бола вафот этгани билан боғлиқ ишни кўриб чиқишни бошлади. Жабрланганлардан бирининг отаси фарзанди ногирон бўлиб қолгани, юра ва гапира олмаслигини айтди. Дори-дармонларни ўз пулимизга олдик, дейди у.
Тошкентда калтакланган Zo‘r TV журналистлари иши бўйича жиноят иши қўзғатилди
Тошкентда қулаган тўсинлар ҳақида репортаж тайёрламоқчи бўлганида калтакланган Zo‘r TV журналистлари иши бўйича жиноят иши қўзғатилди. «Ўзбекистон темир йўллари» телеканал ходимларига ҳужум қилган иш бошқарувчи ишдан олинганини маълум қилганди.
Тошкент вилоятида юк машинаси билан тўқнашган Matiz ҳайдовчиси ҳалок бўлди
Оҳангарон туманида Matiz ўзи билан бир йўналишдаги юк машинасининг орқа қисмига урилди. Оқибатда енгил автомобиль ҳайдовчиси ҳалок бўлди.
Кўприк тўсинлари қулагани ҳақида репортаж тайёрламоқчи бўлган Zo’r TV журналистлари калтакланди
Zo’r TV мухбири ва оператори Тошкент аэропорти яқинидаги йўл ўтказгич тўсинлари қулагани ҳақида репортаж тайёрламоқчи бўлганида калтакланди. Оператор бурни синган ҳолда касалхонага ётқизилган. АОКА мазкур ҳужумни қоралади. «Ўзбекистон темир йўллари» эса зўравон ишдан бўшатилганини маълум қилди.
14 август куни Ўзбекистонда содир бўлган энг муҳим воқеалар дайжести
Машина шартномалари бўйича UzAuto Motors ваъдалари, 2022 йилги бюджет ижроси, «газ иттифоқи» бўйича баёнотлардан хавотир олаётган Туркманистон, ИИББдан ўлиги чиққан фуқаро бўйича жиноят иши, Zo’r TV журналистига ташлангани учун ишдан олинган ЎТЙ ходими ва бошқалар — «Газета.uz»нинг кун дайжестида.
На Россия, на Ўзбекистондан расмий таклифлар келиб тушгани йўқ — Қозоғистон уч томонлама газ иттифоқи ҳақида
Қозоғистон Энергетика вазирлиги уч томонлама газ иттифоқи тузилаётгани ҳақидаги хабарлар юзасидан берган изоҳида на Россия, на Ўзбекистон томонидан расмий таклифлар бўлмаганини маълум қилди. Аввалроқ Туркманистон бу борадаги хавотирларини билдирган эди.
Фуқаролар учун 2022 йилги бюджет ижроси эълон қилинди. Асосий маълумотлар
Иқтисодиёт ва молия вазирлиги фуқаролар учун 2022 йилги бюджет ижроси юзасидан маълумотларни эълон қилди. Фойда солиғи ўтган йилгидан камайди, билвосита солиқ тушумлари прогнозга нисбатан паст бўлди. «UzGasTrade»га газ нархи ўртасидаги тафовутни қоплаш учун 6,6 трлн сўм ажратилди.
Тошкентда автобус бетон тўсиққа урилиши оқибатида ҳайдовчи ва 3 йўловчи жароҳатланди
Сергели туманида 184-сонли автобус ҳайдовчиси бошқарувни йўқотиши оқибатида аввал столбага, сўнг бетон тўсиққа урилди. «Тошшаҳартрансхизмат» ҳодиса оқибатида фақат ҳайдовчи, ЙҲХБ эса жами 4 киши жароҳатланганини маълум қилди.
Тошкент вилоятида экоинспекторни калтаклаган шахсга нисбатан жиноят иши қўзғатилди
Оҳангарон туманида сомондан бўшаган ерлар ёқиб юборилганини ўрганиш учун борган инспектор калтакланди. Ходимга куч ишлатган фуқарога нисбатан жиноят иши очилди. Инспекторнинг аҳволи яхши деб баҳоланмоқда.
Юнусободда тадбиркор икки чинорни кестириб ташлади
Тошкент шаҳар Юнусобод туманида мебель ишлаб чиқариш билан шуғулланувчи тадбиркор икки дона чинор дарахтини кестириб ташлади. Оқибатда табиатга 204 млн 105 минг сўм зарар етказилди.
UzAuto Motors 2024 йилдан автомобилларни уч ой ичида етказиб беришга ваъда бермоқда
UzAuto Motors компанияси Lacetti, Cobalt, Damas ва Labo автомобиллари учун барча шартномалар тўлангани, йил охиригача 50 мингдан ортиқ автомобиль эгаларига топширилишини маълум қилди. 2024 йилдан эса автомобиллар шартнома тузилган кундан бошлаб уч ой ичида етказиб берилиши ваъда қилинмоқда.
Омбудсман Тошкент шаҳри ИИББда гумонланувчи ўлган ҳолатни назоратга олди
Ўзбекистон қийноққа қарши ўзининг мустаҳкам позициясига эга, деди омбудсман Тошкент шаҳри ИИББда гумонланувчининг ўлганига муносабат билдираркан. Унинг сўзларига кўра, жиноят учун жазо муқаррар, лекин бу жазо суд орқали тайинланиши керак.
Қирғизистон Қозоғистонга суғорма сув етказиб беришни тўхтатди
Қирғизистон сув камайиши фонида Қозоғистоннинг Жамбил вилоятига суғорма сувни етказиб беришни тўхтатди. Қозоғистон Экология вазирлиги ҳудуд далаларида сув тақчиллиги сабабли «ноқулай вазият» юзага келгани, мамлакатда суғориладиган ерлар инвентаризациядан ўтказилиши ҳақида хабар берди.
Тошкентдаги иссиқлик тармоқлари техник аудитдан ўтказилмоқда
Veolia Energy Tashkent компанияси пойтахтдаги иссиқлик тармоқларида техник аудит ўтказмоқда. Бу маълумотлар иссиқлик тармоқларининг техник ҳолатини аниқлаш имконини беради ва Тошкент шаҳридаги иссиқлик таъминоти тизимини модернизация қилиш бўйича инвестиция дастурини оптималлаштиради.
Туркманистон Россиянинг Ўзбекистон ва Қозоғистон билан «газ иттифоқи» бўйича баёнотлардан хавотир билдирди
Туркманистон Россиянинг Ўзбекистон ва Қозоғистон билан «газ иттифоқи» бўйича баёнотлардан хавотирда. Уларда иттифоқ кенгайиши мумкинлиги айтилган, аммо кимлар ҳисобига экани тушунарсиз, Туркманистон қувурлари орқали эса бошқа давлат гази транзити режалаштирилмаган, деди «Туркмангаз» расмийси.
«Уммон» гуруҳининг собиқ солисти Зоҳид Рисқиевга суд ҳукми ўқилди
Суд инсон ҳалок бўлган ЙТҲни содир этганликда айбланган «Уммон» гуруҳининг собиқ солисти Зоҳид Рисқиевга нисбатан шартли равишда 2 йил синов муддати бериб, озодликда қолдирди, қолаверса, уни 3 йилга транспорт воситасини бошқариш ҳуқуқидан маҳрум қилди.
Банкларда доллар курси 12 050−12 120 сўм этиб белгиланди
Тижорат банклари 14 август куни аҳолидан 1 АҚШ долларини 11 980−12 020 сўмдан сотиб олмоқда, сотув курси эса 12 050−12 120 сўм.
Тошкент вилоятида дарахтга урилган Spark ҳайдовчиси ҳалок бўлди
Қибрай туманида дарахтга урилган 18 ёшли Spark ҳайдовчиси воқеа жойида ҳалок бўлди, бир йўловчи шифохонага ёткизилди. Воқеага йўлнинг хавфли бурилиш қисмида ҳайдовчининг бошқарувни йўқотиши сабаб бўлган.
Ўқувчи қизларга тегажоғлик қилган мактаб психологи муддатидан олдин озодликка чиқди
Nemolchi.uz лойиҳаси 3−5-синф ўқувчиларини ахлоқсиз ҳаракатлар қилишга мажбурлаган ва 2 йилга озодликдан маҳрум этилган мактаб психологи Азад Гасанов муддатидан олдин озод этилгани ҳақида хабар берди. Тошкент шаҳри таълим бошқармаси эса у ҳозирда ҳеч қайси мактабда ишламаётганини маълум қилди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг