Архив
Алишер Усмоновнинг холдинги «Капиталбанк» акциялари сотилганини эълон қилди
Россиялик миллиардер Алишер Усмоновнинг USM холдинги Ўзбекистондаги «Капиталбанк» акцияларини сотилганини эълон қилди. Холдинг таркибидаги «Телекоминвест» (Россия) ва FINANCE TCI (Ўзбекистон) компаниялари февраль ойида «Капиталбанк»даги улушини 61,54 фоизга етказган эди.
Энди тадбиркорлар ўз товарларида ишлаб чиқарилган жой номини кўрсатиши мумкин
Президент «Географик кўрсаткичлар тўғрисида»ги қонунни имзолади. Унга кўра, тадбиркорлар ўз товарларида ишлаб чиқарилган жой номини кўрсатиши мумкин. Талабгорлар географик кўрсаткичдан фойдаланиш ҳуқуқини рўйхатдан ўтказиш учун Интеллектуал мулк агентлигига мурожаат қилиши лозим. Ҳуқуқ 10 йил давомида амал қилади, географик кўрсаткични бошқа давлатларда ҳам рўйхатдан ўтказиш мумкин.
Замонавий фандаги «лохотрон»
Қандай қилиб Scopus базасидаги журналларда (ва юқори импакт-факторли журналларда) мақола эълон қилиш талаби Ўзбекистонда кенг кўламли фирибгарлик, кўзбўямачилик ва илм-фанни таҳқирлашга олиб келди — бу ҳақда файласуф ва антрополог Валерий Хан мақоласида. Мақола аввал эълон қилинган «Ҳамма SCOPUS`да мақола чиқарсин!» мақоласининг давомидир.
Японияга махсус мақомда борган ишчилар 5 йилдан кейин оиласини ҳам олиб кетиши мумкин
Ўзбекистон ва Япония ўртасида имзоланган меморандумга мувофиқ, япон тилини билиш даражаси бўйича тест синовларидан ва мутахассислиги бўйича амалиёт имтиҳонидан ўтганларга «махсус малакали ишчилар» мақоми берилади. Улар Японияда 14 турдаги соҳада 10 йилгача ишлаши, 5 йилдан сўнг ўз оиласини ҳам олиб кетиши ва ўз бизнесини бошлаши мумкин бўлади. Уларга камида 1800−2000 доллар маош тўланади.
Самарқандда $50 минг эвазига ДХХга ишга киритиб қўймоқчи бўлган шахс ушлангани айтилмоқда
Самарқанд вилоятида фуқарони Давлат хавфсизлик хизмати идораларига ноқонуний тарзда ишга киритиб қўйишга уринган шахс 50 минг доллар олган вақтида ушлангани айтилмоқда. Қолаверса, Наманган, Сирдарё, Қашқадарё вилоятларида ҳам ички ишлар идоралари ва Миллий гвардияга ишга киритиб қўйишга ваъда берган шахслар қўлга олинди.
«Ҳеч нарса қилиб бўлмаслиги — бу уят». Ўзбекистонликлар айни пайтда Россияда содир бўлаётган воқеалар ҳақида
«Газета.uz» Россияда халқаро санкциялар эълон қилинганидан сўнг рубль кескин қадрсизланиб, нақд пул ва валюта тақчиллиги кузатилаётган, нархлар кескин ошган шароитда яшаётган ўзбекистонликлар билан суҳбатлашди. Улар санкциялар ва курснинг тушиб кетиши даромадлари ҳамда улар ишлаётган компанияларга қандай таъсир кўрсатгани, атрофидаги ҳолат ва Москвадаги вазият ҳақида сўзлаб беришди.
Фото: Исломободда Шавкат Мирзиёев ва Имрон Хон музокаралар ўтказди
Пайшанба куни Исломободда бўлиб ўтган музокаралар якунида Ўзбекистон президенти ва Покистон бош вазири Стратегик шериклик тўғрисидаги қўшма декларацияни, икки давлат вазирлари эса 10 га яқин ҳужжатни имзолади. Қолаверса, Шавкат Мирзиёев Имрон Хонга Урдуча-ўзбекча муштарак сўзлар луғатини совға қилди. «Термиз — Мозори Шариф — Кобул — Пешовар» темир йўл минтақалар қиёфасини бутунлай ўзгартириб юборишини таъкидланди. Ташрифнинг биринчи куни «Газета.uz» материалида.
АҚШ Алишер Усмонов ва россиялик бошқа тадбиркорларга қарши санкциялар жорий қилди
Россиялик сиёсатчилар, тадбиркорлар ва уларнинг оила аъзолари Россиянинг Украинадаги ҳарбий ҳаракатлари муносабати билан АҚШнинг янги санкциялари рўйхатидан жой олди. Улар орасида миллиардер Алишер Усмонов ҳам бор. Унинг мулки, жумладан супер яхтаси ва самолётидан фойдаланишга тақиқ қўйилди.
Украинадаги Запорожье атом электр станцияси ўққа тутилди
Европадаги энг йирик Запорожье АЭСи ҳудуди Россия қўшинлари томонидан ўққа тутилди, атом электр станцияси яқинида ёнғин чиқди. Станциянинг асосий жиҳозларига зарар етмаган. Украина президенти Европани «уйғонишга» чақирди. МАГАТЭ можаро туфайли юзага келган ҳар қандай авария жиддий оқибатларга олиб келиши мумкинлиги ҳақида огоҳлантирган эди.
3−4 март кунлари 720 нафар ўзбекистонлик Украинадан эвакуация қилинди
3−4 март кунлари Польшадаги Катовице аэропорти орқали 720 нафар Ўзбекистон фуқароси эвакуация қилинди. Шундай қилиб, Украинадан ватанга қайтарилганлар сони 2579 нафарга етди. Яна 1500 нафарга яқин ўзбекитонликлар Польшада қолмоқда. «Ишонтириб айтамизки, барча фуқаролар мамлакатимизга қайтарилади», — дейилади ТИВ хабарида.
БМТ ҚБОК Ўзбекистоннинг фуқаросизликка барҳам бериш бўйича саъй-ҳаракатларини юқори баҳолади
2021 йилда Ўзбекистон рўйхатга олинган 70 минг нафар фуқаролиги бўлмаган шахсларнинг 33 минг нафарига фуқароликни бериб, фуқаросизликни қарийб икки баробарга камайтирди. БМТ Қочқинлар бўйича олий комиссарлиги ушбу саъй-ҳаракатларни юқори баҳолаб, фуқаросизликка чек қўйиш тинчлик, хавфсизлик ва мажбурий кўчирилишлар олдини олишга хизмат қилишини таъкидлади.
UNICEF Афғонистонга Термиз орқали $2,3 млнлик гуманитар ёрдам юборди
UNICEF Сурхондарё вилоятидаги «Termez Cargo Centre» логистика марказидан оғир ижтимоий шароитда яшаётган афғонистонлик оилалар учун 16 та юк машинасида 2,3 млн долларлик инсонпарварлик ёрдамини юборди.
Украина ва Россия гуманитар йўлаклар ҳақида келишиб олди
Музокараларнинг иккинчи раунди натижасида Украина ва Россия тинч аҳолини эвакуация қилиш ва жанговар майдонларга дори-дармонларни етказиб бериш учун гуманитар йўлакларни ташкил этишга, шунингдек, «гуманитар коридор секторида эҳтимолий вақтинчалик ўт очишни тўхтатишга» келишиб олди.
3 март куни Ўзбекистонда содир бўлган энг муҳим хабарлар дайжести
Покистонга ташриф буюрган Шавкат Мирзиёев, Украинадан эвакуация қилинган 1859 нафар ўзбекистонлик, Ўзбекистонда 2050 йилда табиий газ, кўмир ва нефтдан ёқилғи сифатида фойдаланишдан воз кечиши, дам олиш кунида кутилаётган чанг тўзони, янги таҳдид ва хавфларни бартараф этиш юзасидан фикр алмашган Ўзбекистон ва Қозоғистон, спорт вазирига тайинланган ўринбосарлар ва бошқалар — «Газета.uz» нинг 3 мартдаги энг муҳим хабарлари дайжестида.
Россияда фаолиятини тўхтатган ёки қисман чеклаган глобал компаниялар — рўйхат (янгиланди)
Apple, BMW, Lego, Ikea, Canon, FedEx каби логистика, рақамли технологиялар, онлайн-дўконлар, етказиб бериш хизматлари ва бошқа соҳаларда фаолият юритувчи глобал компаниялар Украинадаги уруш ортидан Россияда ўз фаолиятини тўхтатмоқда.
«Қишлоқдаги қиш — ҳаётимдаги қийин танловлардан бири». Холида Мусурмонова фотоҳикояси
Баҳор кириб келган бўлса-да, қишниг совуқ ҳавоси ҳали тугагани йўқ. Қишлоқ аҳолиси ўз уйларини ўтин, кўмир ва тезак билан иситишда давом этмоқда. Қиш қаҳратон келса, ўтин захираси сумалак пиширишга етмасдан, тамом бўлади. Ижодкор Холида Мусурмонова Ўзбекистондаги қишлоқлардан биридаги қиш ҳақида ҳикоя қилади.
Ўзбекистон банклари рубль сотиб олиш ва сотишни бошлади
Ўзбекистонда банклар ўзининг валюта айирбошлаш шохобчаларида Россия рублини алмаштиришни бошлади. Марказий банк уларга валюта курсини белгилашда сотиб олиш ва сотиш курслари ўртасидаги «мақбул бўладиган фарқ даражасини» сақлаб қолишни тавсия қилди.
Молдовага ўтган ўзбекистонликлар кейинроқ қайтарилади — ТИВ
ТИВ расмий вакили Украинадан Молдовага ўтган 200га яқин ўзбекистонликларни ватанга қайтариш масаласи кейинроқ ишлаб чиқилишини маълум қилди. Ҳозирда Польша орқали эвакуация қилиш устувор эканлиги таъкидланди.
Ўзбекистон 2050 йилда табиий газ, кўмир ва нефтдан ёқилғи сифатида фойдаланишдан воз кечади — Энергетика вазирлиги
Энергетика вазири ўринбосари Шерзод Хўжаев Ўзбекистон 2050 йилга бориб табиий газ, кўмир, нефт маҳсулотларидан ёқилғи сифатида фойдаланишдан тўлиқ воз кечишини маълум қилди. Унинг сўзларига кўра, анъанавий энергетика манбаларидан тўлиқ воз кечилиб, қуёш ва шамол энергетикасига ўтилади. 2030 йилгача 5000 МВтли шамол ва 7000 МВтли қуёш электр станцияларини ишга тушириш режа қилинган.
«Эхо Москвы» радиоси ва сайти тугатилади
«Эхо Москвы» директорлар кенгаши кўпчилик овози билан радиоканал ва сайт фаолиятини тугатишга қарор қилди. Бош муҳаррир Алексей Венедиктов қарор унинг иштирокисиз қабул қилинганини айтди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг