Архив
Бухоро вилоятидаги каналдан 33 ёшли аёлнинг жасади топилди
11 февраль куни Бухоро вилояти Қоракўл туманидаги маҳалладан оқиб ўтувчи каналдан аёл кишининг жасади топилди. Ҳолат юзасидан туман прокуратураси терговга қадар текшириш ишларини олиб бормоқда.
S7 Airlines авиакомпанияси Екатеринбургдан Фарғонага рейсларни йўлга қўймоқда
Россиянинг S7 Airlines авиакомпанияси Екатеринбург шаҳридан Фарғонага рейсларни йўлга қўймоқда. Таъкидланишича, парвозлар ҳафтада бир марта — чоршанбадан пайшанбага ўтар кечаси амалга оширилади. Парвоз вақти 3 соатни ташкил этиши айтилмоқда.
Сурхондарёда «тез ёрдам»га ишга киритиб қўйиш эвазига $1300 олган шахс ушлангани айтилмоқда
Денов туманида тез тиббий ёрдам муассасаси ҳодими фуқарони ўзи ишлаётган жойга ишга киритиб қўйиш эвазига 1300 долларни олган вақтида қўлга тушгани айтилмоқда. Гумондорга нисбатан жиноят иши қўзғатилди.
Тошкентнинг икки туманида кучли таъсир қилувчи дориларни сотаётган дорихоналар фаолияти фош этилди
Тошкентнинг Яшнобод ва Шайҳонтоҳур туманларида «Зардекс» «Регапен» ва бошқа кучли таъсир қилувчи дори воситаларини ноқонуний сотиб келган дорихоналар фаолияти фош этилди. Ҳолатлар юзасидан жиноят ишлари қўзғатилиб, тергов ҳаракатлари ўтказилмоқда.
Коронавируснинг кунлик ҳолати 250 дан камайди
Чоршанба куни Ўзбекистонда 241 нафар фуқаро коронавирус юқтириб олгани маълум бўлди, бу бир кун олдинги ҳолатга қараганда 55 тага кам (296). Тошкент шаҳрида ҳам кунлик ҳолат 100 дан камайди. 47 кишида эса пневмония аниқланди.
Қашқадарёда ЙПХ ходимларига қаршилик кўрсатган ҳайдовчи 14 суткага қамалди
Қашқадарё вилоятининг Яккабоғ туманида хавфсизлик камарини тақмаган Nexia-3 ҳайдовчиси ва ЙПХ ходимлари ўртасида тортишув юзага келди. Ҳайдовчи 14 суткага қамалди, тортишувда қатнашган бошқа фуқароларга ҳам жазо тайинланди.
Бобур кўчасини реконструкция қилиш режалаштирилмоқда
Тошкентдаги Бобур кўчасини реконструкция қилиш режалаштирилмоқда. Яккасарой тумани ҳокими Анвар Сайфутдинов фуқароларни бинолар фасадини янгилаш, велосипед йўлакларини ташкил этиш, пиёдалар йўлакларини кўкаламзорлаштиришни ўз ичига олган дастлабки лойиҳа билан таништирди. Реконструкция моддий маданий мерос обектлари, жумладан, туман ҳокимлиги, «ТошкентбошпланЛИТИ» ИТИ ва 7-уйга ҳам тааллуқли.
АҚШ геологлари Ўзбекистонда сланец гази ва нефтини қидиради
АҚШ Геология хизмати (USGS) гуруҳи Самарқанд, Жиззах ва Сурхондарёда сланец нефти ва сланец газининг потенциал конларини аниқлаш учун Ўзбекистонга келади. Шунингдек, америкалик мутахассислар билан гидрометрик тармоқлар, статистика, сув ресурсларини ривожлантириш инфратузилмаси, тошқин ва кўчкилар тарихи, қор қопламини биргаликда ўрганиш бўйича ҳамкорлик йўлга қўйилади.
Жаҳон янгиликлари дайжести
Украина атрофида содир бўлаётган сўнгги янгиликлар, Лондонда шаҳзода Чарлзга алоқадор саудиялик тадбиркорга нисбатан тергов бошлангани, Таиланд потахти Бангкок шаҳрининг расмий номи ўзгаргани ва бошқа янгиликлар — «Газета.uz»нинг жаҳон янгиликлари дайжестида.
1-синф ўқувчилари февралда таътилга чиқмайди
Халқ таълими вазирлиги мактабларда қишки таътил кунлари 24 январга қадар узайтирилгани муносабати билан 1-синф ўқувчилари учун февраль ойида белгиланган қўшимча бир ҳафталик таътил берилмаслигини маълум қилди.
16 февраль куни Ўзбекистонда содир бўлган энг муҳим хабарлар дайжести
1999 йил 16 февралда Тошкентда содир бўлган портлашлар, 3,5 йил ичида бир сўмга ҳам хиёнат қилмаганини айтган Жаҳонгир Ортиқхўжаев, реконструкция лойиҳаси маъқулланган Космонавтлар майдони, ваколатлари кенгайтирилган Маданий мерос агентлиги, Навоий кўчасига қайтмайдиган трамвай, Пекин-2022 қишки олимпиадасида иштирокини якунлаган ўзбекистонлик ягона спортчи ва бошқалар — «Газета.uz» нинг 16 февралдаги энг муҳим хабарлари дайжестида.
Долларнинг расмий курси кўтарилди
Долларнинг сўмга нисбатан расмий курси 7,92 сўмга кўтарилиб, 10 845,08 сўмни ташкил қилди. Шунингдек, евро ва рубль курслари кўтарилди.
Космонавтлар майдонини ободонлаштириш лойиҳаси маъқулланди
Маданий мерос агентлигидаги Илмий-эксперт кенгаши Тошкентдаги Космонавтлар майдонини таъмирлашга рухсат берди. Лойиҳа «объектнинг тарихий ва бадиий қийматига таъсир кўрсатмаган ҳолда» амалга оширилиши керак.
Чегара режимини бузган хорижликлар жарима тўласа, Ўзбекистондан чиқариб юборилмаслиги мумкин
Маъмурий жавобгарлик тўғрисидаги кодексга киритилган ўзгартишга кўра, эндиликда давлат чегараси режимини бузиб ўтганда қўлланилган жаримани тўлаган хорижликлар ва фуқаролиги бўлмаган шахслар Ўзбекистондан маъмурий тарзда чиқариб юборилмаслиги мумкин. Шунингдек, чегара зонасини бузишга оид ишлар ДХХ Чегара қўшинлари томонидан кўриб чиқилади.
Ўртачирчиқда бўш банкоматни ўғрилаб, дарёга ташлаб юборган шахслар қўлга олинди
Ўртачирчиқда «Капиталбанк» банкоматини ўғрилаб кетган шахслар ушланди. Терговда маълум бўлишича, гумондорлар банкоматни бузиб очишганда, ичида пул йўқлигини кўриб, уни Чирчиқ дарёсига ташлаб юборган. Ушбу ускунанинг баҳоси 145 млн сўм экани айтилди.
Президент Маданий мерос агентлиги ваколатларини кенгайтирувчи қонунни имзолади
Эндиликда Маданий мерос агентлиги кўрсатмаларига риоя қилмаган шахсларга нисбатан маъмурий ҳуқуқбузарлик тўғрисида баённома тузилиши мумкин. Бунинг учун жарима фуқароларга БҲМнинг — 5 бараваригача, мансабдор шахсларга — 7 бараваргача этиб белгиланди. Шунингдек, моддий маданий мерос объектларини йўқ қилиш ва уларга зарар етказиш учун жиноий жазо кучайтирилди.
«Трамвай замонавий ва жамият олдида масъулиятли»
Трамвайнинг афзалликлари борасида ҳеч қайси мутахассис шубҳа қилмайди. «Дунёда бу масала „ёпилган“», дейди журналист Валентин Богданов. Трамвайнинг йўқ қилиниши сунъий равишда унга нисбат берилган муаммоларнинг ҳеч бирини ҳал қилмади. Жамоат транспорти ўзининг башоратлилиги ва ҳаммабоплигини йўқотди, кўчалар эса янада хавфлироқ бўлди. Трамвай қайтадиган бўлса, «ғилдиракни қайта кашф қилишнинг ҳожати йўқ» — барча линиялар яхши режалаштирилган эди, деб таъкидлайди у.
Навоий кўчасига трамвай қайтарилмайди — Тошкент ҳокимининг биринчи ўринбосари
«Навоий кўчасига трамвай қайтарилмайди», — дея маълум қилди Тошкент ҳокимининг биринчи ўринбосари Бахтиёр Раҳмонов. «Газета.uz» эълон қилган мақоладан кейин ҳокимлик кўчани реконструкция қилиш лойиҳасига ўзгартишлар киритди — у ерга автобуслар учун йўлак қўшилди ва чорраҳалардан бири ўзгартирилди.
Аҳолига 350 минг бош қўй ва эчки тарқатилади
Шавкат Мирзиёев чорвачилик тармоғини ривожлантириш масалаларига бағишланган йиғилишда ўн кун муддатда кооперация асосида аҳолига 350 минг бош қўй ва эчкини тарқатиш ишларини бошлашга топшириқ берди. Бу мақсадларга 100 миллион доллар йўналтирилади. Ундан ташқари, соҳа мутасаддиларига вилоят ва туман ҳокимлари билан бирга бир ҳафта муддатда 67 та йирик қўй ва эчкичилик хўжаликларини ташкил этиш ишларини бошлаш вазифаси қўйилди.
Мирзиёев чорвачилик тармоғида ортда қолаётган ҳудудларни санаб ўтди
Шавкат Мирзиёевнинг айтишича, пандемия ва иқлим ўзгариши шароитида дунё бўйлаб озиқ-овқат маҳсулотлари нархи кўтарилиб бораётган бир вақтда, айрим туман ҳокимларида аҳолининг озиқ-овқатга бўлган талабини қондириш учун қандай тизимли ишларни амалга ошириш кераклиги ҳақида аниқ тасаввур йўқ. Шу сабабли, вилоят ҳокимларига бир ойда ўзгариш қилмаган туман ҳокимларини ишдан олиш бўйича таклиф киритиш топшириғи берилди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг