Долларнинг расми курси 9 сўмга арзонлади ва жами 10 514 сўм этиб белгиланди. Шунингдек, рубль курси ҳам бироз пасайди, евро эса кўтарилди.
Фарғона вилоят судида 22 нафар «Сўх воқеалари» иштирокчиларига нисбатан суд жараёни якунига етиб, суд ҳукми ўқилди. Уларнинг барчаси Жиноят кодексининг 244-моддаси (оммавий тартибсизликлар) бўйича айбдор деб топилиб, 5, 4 ва 2 йилгача муддатга озодликдан маҳрум этиш ҳамда озодликни чеклаш жазолари тайинланди.
«Ўзкомназорат» томонидан таклиф этилаётган қонун лойиҳасига кўра, Ўзбекистон фуқароларининг шахсий маълумотларини сақлаш қоидаларини бузган маълумотлар базаси эгалари ёки операторларига жарима солинади ва бундай сайтларнинг иши чеклаб қўйилади.
АҚШ президенти Жо Байден суҳбат давомида Россия раҳбари Владимир Путинни «қотил» деб ҳисоблайдими ёки йўқми деган саволга ижобий жавоб берди ва Россия раҳбарияти Америка сайловларига аралашгани учун «жавоб беради» дея ваъда берди. Россия Ташқи ишлар вазирлиги Россия элчисини маслаҳат учун АҚШдан чақириб олди.
Илк бор судьялик лавозимига тайинланиш учун ўтказилган очиқ танловда 172 нафар номзоддан 73 нафари судьялик лавозимига номуносиб деб топилди. Шунингдек, 2020 йилда 27 нафар судьянинг ваколати муддатидан илгари тугатилди. Етти нафар судья эса коронавирус туфайли вафот этган.
Президент Чиноз туманида Эшонобод маҳалласи аҳолиси билан суҳбатлашди. Давлат раҳбари айтишича, «Чиноз туманида ишсиз бўлиши керак эмас. Ери кенг, одамлари меҳнаткаш». «Ўзгаришларни истасак, ҳаммамиз онгли равишда ўзгаришимиз керак», — деди Шавкат Мирзиёев. Шундан сўнг, президент текстил корхонасини ҳам кўздан кечирди.
ОФК 2022 йилги U-23 Осиё чемпионати Ўзбекистонда бўлиб ўтишини расман эълон қилди. Осиё чемпионати 2022 йилнинг 6−25 сентябрь кунлари давомида бўлиб ўтади.
2021/2022 ўқув йили учун республика олий таълим муассасаларининг бакалавриати таълим йўналишларига кириш тест синовларида 1,6 млн нафар абитуриент иштирок этиши кутилмоқда. Шунингдек, маълум қилинишича, тест синовлари бу йил ҳам стадион ва ҳиёбонларда ўтказилиши мумкин.
Президент Шавкат Мирзиёев Тошкент вилоятига ташрифи чоғида ОАВ вакиллари билан суҳбатлашди. У яна бир бор уларга ишонишини ва бор ҳақиқатни рўю-рост айтишлари лозимлигини таъкидлади. Бундан ташқари, вилоятга ташрифдан асосий мақсад нимада эканлигини очиқлади. «Тошкент вилоятида „туманбай“ ишлаш бўйича тажриба ўтказамиз», — деди президент.
Сирдарё вилоятининг Боёвут туманида кучли шамол эсиши оқибатида банк биносининг томи қулаб тушди. Бир неча маҳаллаларда электр таъминоти узилган.
Texnopark компаниясининг матбуот котиби Наргиз Шоисламова ушбу компания томонидан ишлаб чиқарилаётган Osten ақлли газ ҳисоблагичлари ҳақида маълумот берди (реклама ҳуқуқлари асосида).
Президент Шавкат Мирзиёев Тошкент вилоятининг Чиноз туманига келиб, сув хўжалигида амалга оширилаётган ишларни кўздан кечирди.
Президент Наманган вилоятига ташрифи давомида тавсия қилган Достонбек Абдуқаҳҳоровнинг номзоди Наманган шаҳар ҳокими ўринбосарлигига маъқулланди. У мазкур лавозим билан бирга, шаҳар Маҳалла ва оилани қўллаб-қувватлаш бўлими бошлиғи сифатида ҳам ишлайди. Давлат раҳбари унга Наманганнинг янги тажрибаси бўйича ишлашини айтган эди.
Тошкентда йил охиригача 629,4 мингдан зиёд газ истеъмолчиларига «ақлли» газ ҳисоблагичларни ўрнатиш режалаштирилмоқда.
Шанба куни Ўзбекистон бўйлаб ёмғир ёғиши кутилмоқда, момақалдироқ бўлиши ва шамол тезлиги 17−22 м / с гача кучайиши мумкин. Ҳарорат +10… +15 даражагача пасаяди.
Туркий тилли давлатлар ҳамкорлик кенгашининг норасмий саммити 31 март куни Туркистонда бўлиб ўтади. Унда кенгашга аъзо барча давлатлар раҳбарлари, жумладан, Ўзбекистон президенти иштирок этади.
Ёлқин Тўйчиевнинг «Фариданинг икки минг қўшиғи» фильми Лос-Анжелесда (АҚШ) Халқаро Осиё кинофестивали мукофотига сазовор бўлди.
Нурмат Отабеков сўнгги кунларда коронавирус билан касалланганлар сони ортгани хақидаги кўрсаткичлар «вакцинацияга ундаш экани» ҳақидаги фикрларга муносабат билдирди. «Эмлашга жалб қилиш учун атайин касаллик бўрттириб кўрсатиляпти, деган гапларда мантиқ йўқ», — деди у. Бундан ташқари, Баҳодир Юсупалиев вакцинация пайтида ножўя таъсирлардан суғурталаниш масаласига тўхталиб ўтди.
Андижон туманида тиббиёт бирлашмасига қарашли бинода ёнғин чиқди. 100 кв. м майдон, том ва шифт ёнган, 20 бемор эвакуация қилинган.
ЖССТ AstraZeneca вакцинасини қўллашга рухсат бергани, Байден муҳожирларни AҚШга ноқонуний киришга уринмасликка чақиргани, Қозоғистонда аҳолининг 60 фоизи «Спутник V» ва маҳаллий вакцина билан эмланиши ва бошқа янгиликлар — «Газета.uz»нинг жаҳон янгиликлари дайжестида.
Қўшимча имкониятларга эга булиш учун сайтда рўйхатдан ўтинг