Архив
Тошкентда $20 минг эвазига Ҳаж визасини тайёрлаб бермоқчи бўлганлар ушланди
Тошкентда хусусий фирма раҳбарлари танишлари орқали фуқаро ва унинг онасига Ҳаж визасини тайёрлаб бериш учун 20 минг доллар сўрагани айтилмоқда. Улар 4 минг долларни олган вақтда ашёвий далиллар билан ушланган.
Самарқандда дам олиш кунида телефонига жавоб бермаган ходимларидан тушунтириш хати олган мансабдор жазоланди
Ёшлар ишлари агентлиги Самарқанд вилояти бошқармаси бошлиғи 1,6 млн сўм жаримага тортилди. Бунга агентликнинг 2 та тумандаги бошлиқларига дам олиш кунида қўнғироғига жавоб бермагач, тушунтириш хати ёздиргани сабаб бўлди.
Марказий банк капиталга бўлган талабни қондириш учун банкларга бирлашишни тавсия қилди
1 сентябрдан бошлаб Ўзбекистонда банкларнинг устав капитали ҳажми 200 млрд сўмни ташкил қилиши керак бўлади. Ҳозирча саккизта банк бу талабга жавоб бермайди. Марказий банк капиталлашув талаблари бажарилмаса, лицензия бекор қилиниши ҳақида огоҳлантирди ва уларга бирлашишни тавсия қилди.
Ўзбекистон Бутунжаҳон туризм ташкилотининг 25-сессияси президенти ва иккита қўмита аъзоси этиб сайланди
София шаҳрида бўлиб ўтган Бутунжаҳон туризм ташкилоти Европа комиссиясининг иғилишида Ўзбекистонга ташкилотнинг 25-юбилей сессиясида мезбон сифатида президентлик қилиш ваколати берилди. Сессия 16−20-октябрь кунлари Самарқанд шаҳрида бўлиб ўтади.
Экологияга зарар етказиш ва ҳайвонларга нисбатан шафқатсизлик учун жарималар оширилади
Ўзбекистонда атроф-муҳитга зарар етказиш билан боғлиқ жиноятлар оғир жиноятлар тоифасига киритилади. Шунингдек, ҳайвонларга шафқатсиз муносабатда бўлиш ва чиқиндиларни белгиланмаган жойларга ташлаш учун жарималар миқдори сезиларли даражада оширилади.
Ўзбекистон аҳолиси ҳавонинг юқори даражада ифлосланишидан огоҳлантирилади
Ўзбекистонда 2025 йил охиригача ҳавонинг юқори даражада ифлосланишидан аҳолини эрта огоҳлантириш тизими пайдо бўлади. Бунинг учун ҳудудларда атмосфера ҳавосининг ифлосланишини назорат қилувчи автоматлаштирилган станциялар ўрнатилади, корхоналардан тозалаш ускуналарини ўрнатиш талаб этилади.
Термизнинг собиқ ҳокими ва яна 17 кишига оид жиноят иши судда кўрилмоқда
35,6 млрд сўм маблағни ўзлаштиришда гумонланган Термизнинг собиқ ҳокими Исроил Худойбердиев ҳамда унинг икки ўринбосарига оид жиноят иши судда кўриб чиқилмоқда. Ишга жами 18 киши айбланувчи, 200 киши жабрланувчи ва гувоҳ сифатида жалб қилинган. Иш ҳажми катталиги сабабли суд яна 4 ой давом этади.
Тошкентда Марказий Осиё атроф-муҳит ва иқлим ўзгариши университети очилади
Янги ўқув йилида Тошкентда Марказий Осиё атроф-муҳит ва иқлим ўзгаришларини ўрганиш университети — Green University очилади. Университет минтақанинг экологик муаммоларига ечим таклиф қила оладиган мутахассисларни тайёрлайди.
«Аҳолининг қўлида 12 млрд долларга яқин маблағ бор» — МБ раиси
Марказий банк раиси аҳолининг қўлида қарийб 12 млрд доллар пул борлиги, банк сектори буларнинг барчасини жалб қила олмаслиги, лекин банкка пулларни топшириш тенденцияси мавжудлигини таъкидлади.
Улуғбек Ташходжаев Адлия вазирлиги ҳузуридаги Персоналлаштириш агентлиги директори бўлди
Вазирлар Маҳкамасидан Адлия вазирлиги ҳузурига ўтказилган Персоналлаштириш агентлигига Улуғбек Ташходжаев директор бўлди.
Тошкентда йўлнинг қатнов қисмида қизга турмушга чиқишни таклиф қилган йигит 3 суткага қамалди
Чилонзор метро бекати яқинидаги пиёдалар ўтиш йўлагининг ўртасида автомобиллар ҳаракатига халақит қилиб, йўлдан ўтаётган қизга турмушга чиқишни таклиф қилган йигит ва бу ҳолатни тасвирга олган таниши 3 суткага қамалди.
Ўзбекистонда манзилли кўкаламзорлаштириш дастури амалга оширилади
Ўзбекистонда ҳар йили манзилли кўкаламзорлаштириш инвестиция дастури амалга оширилади. Давлат ташкилотлари ва ҳокимликлар йил охиригача барча шаҳар ва туманларда ўз боғларини яратади. Ҳар бир йирик саноат корхонаси эса «яшил белбоғ»лар ташкил этиши керак бўлади.
Геосиёсий вазиятлар туфайли 2022 йилда Ўзбекистонда ҳисобрақам очган норезидентлар сони 60 мингтадан ошди
Марказий банк раиси Мамаризо Нурмуратов Сенат ялпи мажлисида Ўзбекистонда 2022 йилда ҳисобрақам очган норезидентлар сони геосиёсий вазиятлар туфайли 60 мингтадан ошганини маълум қилди. Улар мамлакат банкларидаги ҳисобларига 892 млн доллар эквивалентида маблағ қўйган.
Wonder Women ва Kotex бренди Ўзбекистонда аёлларни қўллаб-қувватлаш бўйича махсус лойиҳани йўлга қўйди
Ўзбекистон ва Қозоғистонда «Демак, мен ҳам қила оламан!» шиори остида ўтказилаётган Wonder Woman ва Kotex акцияси доирасида оммавий маърузалар ўтказилиб, оммавий ахборот воситаларида фаол ёритилмоқда.
«Вазият жуда оғир». Азиз Абдуҳакимов — Ўзбекистон экологияси ҳақида
Ўзбекистонда Экология, атроф-муҳитни муҳофаза қилиш ва иқлим ўзгариши вазирлиги ташкил этилди. Вазир Азиз Абдуҳакимов «Газета.uz»га берган интервьюсида мамлакатдаги мураккаб экологик вазият ва президентнинг янги фармонида назарда тутилган чора-тадбирлар ҳақида гапириб берди.
«Анчадан бери учрашмагандик». Шавкат Мирзиёев Европа кенгаши раҳбари билан музокаралар ўтказди
Шавкат Мирзиёев Марказий Осиё ва Европа Иттифоқи етакчиларининг иккинчи саммити доирасида Европа кенгаши президенти Шарль Мишель билан музокаралар ўтказди. Улар товар айирбошлаш ҳажмини ошириш, савдони диверсификация қилиш, GSP+ имтиёзли савдо режими муддатини узайтириш кабиларни муҳокама қилдилар.
Улуғбек Юсупов «Ўзархив» агентлиги директори бўлди
Вазирлар Маҳкамасидан Адлия вазирлиги ҳузурига ўтказилган «Ўзархив» агентлигига Улуғбек Юсупов директор этиб қайта тайинланди.
Ўзбекистонда ҳудудларнинг экологик паспорти ва рейтинги жорий қилинади
Президент фармони билан 2024 йил якунигача ҳудудларни экологик баҳолаш бўйича индикаторлар асосида eco-indicator.uz рейтинги шакллантирилади. Шунингдек, ҳар бир ҳудуднинг экологик паспорти эълон қилинади.
Шерзод Рабиев адлия вазири ўринбосари этиб тайинланди
Юристлар малакасини ошириш маркази директори лавозимида ишлаб келган Шерзод Рабиев адлия вазирига ўринбосар бўлди. Вазир ўринбосарлари Актам Мухаммадиев ва Тўлқин Абдусатторов бошқа ишга ўтгани муносабати билан вазифаларидан озод этилди.
Уяли алоқа, теле ва радиоканалларга давлат божини тўлашда имтиёз берилади
Сенатда телекоммуникациялар соҳасида айрим фаолият турларини амалга оширганлик учун давлат божи миқдорлари мақбуллаштирилишга қаратилган қонун маъқулланди.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг