Архив
Ўзбек депутатлари россиялик депутатнинг Россияда мигрантларнинг болалари учун мактаблар қурилиши ҳақидаги баёнотига жавоб қайтарди
Россиялик депутат Михаил Делягинга кўра, ўзбекистонлик мигрантларнинг болалари учун хусусий мактаблар қуриш таклифи Россия фуқароларига нисбатан «камситиш» ва бу Россиянинг йўқ бўлишига олиб келиши мумкин. Ўзбекистонлик депутатлар бу айбловлар «муносабатларда ҳушёрликка даъват этишини» таъкидлади.
Болалар боғчасига йўлланма олиш тартиби соддалашди
Болалар боғчасига йўлланма олиш учун энди Давлат хизматлари марказига бориш шарт эмас. Йўлланмани шакллантиришда ота-онага боғча раҳбарига кўрсатилиши керак бўлган SMS код юборилади. Бу вақтни ва ҳисоб-китобларга кўра, йилига 6 тонна қоғозни тежайди.
Нима тайёрлаймиз: Нон
Нонни фақат тандирда эмас, қозонда ҳам ёпиш мумкин. Қовурилган пиёз солиб ёки хамиртурушсиз тайёрласа ҳам бўлади. Zira.uz туркча, ирландча, японча сутли нонларни тайёрлаш усулларини тақдим этади. Рецепт.
UNG Petro Тошкентда Аи-100 бензинини сотишни бошлади
Тошкент шаҳрида UNG Petro тармоғидаги («Ўзбекнефтгаз») ёнилғи қуйиш шохобчаларида импорт қилинган Аи-100 бензинини сотиш бошланди. Унинг нархи 1 литри учун 15,8 минг сўмни ташкил этмоқда.
Канада Ҳиндистондан 41 дипломатни чақириб олди
Канада 41 нафар дипломатини дахлсизлик ҳуқуқи бекор қилиниш хавфи туфайли Ҳиндистондан чақириб олди. Канада бош вазири Канада сикхлар жамоаси етакчисининг ўлдирилишида Ҳиндистон разведка хизматлари иштироки ҳақида маълум қилганидан сўнг икки давлат ўртасидаги муносабатлар кескинлашди.
Ўзбекистонда сайтларни бузиш ҳолатлари бўлганми? Хавфсизлик бўйича эксперт изоҳи
Ўзбекистонда қатор сайтлардан фойдаланувчи маълумотлари сизиб чиққани маълум бўлди. ONESEC директори Дмитрий Палеевнинг «Газета.uz»га айтишича, гап бузиб кириш ҳақида эмас, балки стилерлар — браузерлардан аутентификация маълумотларини ўғирлайдиган вирусларнинг эски базаси ҳақида бормоқда.
Тошкентда дам олиш кунлари қаерларга бориш мумкин?
Олтита кинопремьера, Eco-niyat ярмаркаси, Offroad-тадбири, Rhythm of the Dance шоуси, Мот концерти, Tashkent Modernism. Index кўргазмаси, болалар учун кўнгилочар дастурлар ва дам олиш кунларидаги бошқа қизиқарли тадбирлар — Afisha.uz жамланмасида.
Шаҳар кўчаларида кундузи юк машиналар ҳаракатланишини чеклаш таклиф этилмоқда
Вазирлар Маҳкамаси қарори лойиҳасида маҳаллий аҳамиятга эга умумий фойдаланишдаги автомобиль йўллари, шаҳарлар ва бошқа аҳоли пунктларининг кўчаларида оғир юкларни ташувчи автотранспорт воситалари ҳаракатини соат 08:00 дан 22:00 га қадар чеклаш таклиф этилмоқда.
MUNIS лойиҳаси амалга оширилишига қаратилган панель сессия бўлиб ўтди
InnoWeek.Uz-2023 халқаро инновацион ғоялар ҳафталиги доирасида «MUNIS лойиҳасининг амалга оширилиши: жорий ва келгуси режалар» мавзусидаги панель сессияси ташкил қилинди.
Тошкент аэропорти эстакадасида белгиланган вақтдан кўп турган машиналарга жарима ёзилади
1 ноябрдан Тошкент аэропорти эстакадасида белгиланган вақт (енгил автомобиллар 5 дақиқа, туристик автобус ва микроавтобуслар 10 дақиқа)дан кўп турган машиналарга жарима ёзилади. Жарима сариқ чизиқда тўхтаган ҳайдовчиларга ҳам белгиланади.
«Док-1 Макс» иши: Ўзбекистонлик мансабдор Ҳиндистоннинг яна 11 та дорисини қайта рўйхатдан ўтказиш учун 88 минг доллар сўрагани айтилди
«Док-1 Макс» иши бўйича судда ўзбекистонлик амалдорлар ҳиндистонлик яна бир ишлаб чиқарувчининг 11 та дори воситасини қайта рўйхатдан ўтказиш учун 88 минг доллар талаб қилиб, олдиндан 50 минг доллар олгани маълум қилинди.
Қишлоқ хўжалигидаги сувнинг 36 фоизи тупроқли канал ва ариқларда йўқолади — президент
Ўзбекистон қишлоқ хўжалигида йил давомида 39 млрд куб метр сув истеъмол қилинган. Шундан 36 фоизи ёки 14 млрд куб метри тупроқ ўзанли канал ва ариқларда йўқолган, деди президент. Яна 5−6 млрд куб метр сув суғоришнинг эскирган усуллари туфайли йўқотилмоқда.
Бензин тақчиллигига олиб келадиган омиллар йўқ — Рақобатни ривожлантириш қўмитаси
Рақобатни ривожлантириш қўмитаси бензин сотиб олишдаги чекловлар туфайли тақчиллик эҳтимоли борлиги ҳақидаги хабарларни рад этди. Қўмитага кўра, 17 октябрдан бензин хариди лимити 5 тоннадан 10 тоннага оширилган. Тақчиллик ва нархларнинг ошишига йўл қўймаслик бўйича ишчи гуруҳлар тузилади.
Байден: «ҲАМАС каби террорчи ва Путин каби тиранлар ғалаба қозонишига йўл қўймаймиз»
АҚШ президенти Жо Байден аҳолига телемурожаатида ҲАМАС ҳамда Россия президенти Владимир Путин «демократияни бутунлай йўқ қилмоқчи»лигини ва Америка террорчилар ва золимларнинг ғалаба қозонишига йўл қўймаслигини айтди. У америкаликларни Украина ва Исроилни қўллаб-қувватлашда давом этишга чақирди.
Ўзбекистонда пахта нархини эркин бозор белгилайди — қишлоқ хўжалиги вазири
Фаоллар фермерлар ва кластерлар ўзаро тенг муносабатга киришолмаслиги, фермерларда нарх бўйича тортишиш имкони йўқлигини таъкидлашганди. Бунга жавобан, қишлоқ хўжалиги вазири Азиз Воитов пахта нархини бозор иқтисодиёти қонунлари бўйича харидорлар ва сотувчилар белгилашини маълум қилди.
Шавкат Мирзиёев Тошкент шаҳрига ташриф буюрган Хавфсизлик кенгашлари котибларига мурожаат йўллади
Шавкат Мирзиёев «минтақавий хавфсизликка қарши таҳдидлар кучайиб, янги хатарлар вужудга келаётган» даврда Тошкентда ўтказилаётган Туркий давлатлар ташкилотига аъзо давлатлар Хавфсизлик кенгашлари котибларининг 2-йиғилиши иштирокчиларига мурожаат йўллади.
Фото: АҚШ университетлари ярмаркаси Тошкент ёшларида катта қизиқиш уйғотди
Илк бор Тошкентда АҚШда ўқишга қизиқувчи ёшлар учун EducationUSA минтақавий форуми ва Американинг 50 дан ортиқ университетлари иштирокида ярмарка бўлиб ўтди. Тадбирда 1200 га яқин ёшлар қатнашди.
Самарқандда 3 нафар фарзандини ўлдирган эркак умрбод озодликдан маҳрум қилинди
Самарқанд вилоятида Исроилда ишлаб келаётган турмуш ўртоғи билан телефон орқали жанжаллашгандан сўнг 3 нафар вояга етмаган фарзандини ўлдирган 36 ёшли эркак умрбод озодликдан маҳрум қилинди.
Дам олиш кунлари баъзи ҳудудларда ёмғир ёғиши кутилмоқда
Шанба, якшанба кунлари Ўзбекистонда ҳаво булутли бўлади. Айрим жойларда ёмғир ёғиши мумкин, ҳарорат кечалари +12, кундузи +23 даража атрофида бўлади.
Тошкент шаҳри ва вилоятида фуқароларга АҚШга юборишни ваъда қилганлар ушланди
Тошкент шаҳри ва Тошкент вилоятида танишлари ёрдамида 16 ва 10 минг доллар эвазига АҚШга ишлаш учун юборишни ваъда қилганлар қўлга олинди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг