Архив
Собир Шукуров Давлат тилини ривожлантириш департаментига мудир бўлди
ЎзА раҳбарининг биринчи ўринбосари Собир Шукуров Вазирлар Маҳкамасининг Маънавият ва давлат тилини ривожлантириш масалалари департаменти мудири лавозимига тайинланди. 2019 йилда давлат тилини ривожлантириш мақсадида ташкил этилган департамент раҳбари лавозими ноябрдан бери вакант эди.
Ўзбекистонда уран, литий ва бошқа ноёб металларни қазиб олиш ҳажми оширилади
Президент ҳузуридаги тақдимотда геология соҳасини ривожлантириш, фойдали қазилмалар захиралари ва ерости сув ресурсларини кўпайтириш, уран, литий, алюминий, магний ва бошқа ноёб металларни қазиб олишга инвестицияларни жалб этиш масалалари муҳокама қилинди.
Хориждан қайтган мигрантлар учун Реинтеграция марказларини ташкил этиш режалаштирилмоқда
Жамоатчилик муҳокамасига қўйилган президент қарори лойиҳасига мувофиқ, туман ва шаҳар аҳоли бандлигига кўмаклашиш марказлари ҳузурида хориждан қайтиб келган меҳнат мигрантларининг Реинтеграцияси марказларини ташкил этиш таклиф этилмоқда. Марказлар мигрантларга иш топиш, ўз бизнесини бошлаш, субсудия ва имтиёзли кредитлар олишда кўмаклашади.
«Ўз уйимизни ёқиб юбормасдан туриб, қайта тикланувчи энергияга ўтишимиз керак» — Антониу Гутерриш
Экстремал об-ҳаво ҳолати — Ердаги иқлим ўзгаришининг кундалик «юзидир», дейилади Жаҳон метеорология ташкилотининг янги ҳисоботида. Глобал энергия ишлаб чиқаришни зудлик билан ўзгартириш орқалигина иқлим ҳалокатининг олдини олиш мумкин. БМТ қайта тикланадиган энергия манбаларига ўтиш режасини таклиф қилди.
Депутат Twitter блокланиши сабаби юзасидан сўров юборди
Депутат Расул Кушербаев «Ўзкомназорат» га Twitter блокланишини асослантирилган ҳолда тушунтириб бериш ва тармоқдан чекловни олиб ташлаш чораларини кўриш масаласида сўров киритди. Унинг сўзларига кўра, бу каби чекловларнинг ижобий тарафидан салбий оқибатлари кўпроқ.
19 май куни Ўзбекистонда содир бўлган энг муҳим хабарлар дайжести
Ўзбекистонга олиб келинадиган футбол бўйича Жаҳон кубоги, маҳаллий бюджетлар очиқлиги талабларини бузган пойтахт ва 7 та ҳудуд ҳокимиятлари, Навоийда 1,4 млрд сўмга қиммат нархда сотиб олингани спорт анжомлари, Ўзбекистонда қуриладиган 2606 км бетон қопламали ички йўллар, логистика мамлакатда заиф нуқта эканлигини айтган Туризм ва маданий мерос вазири ва бошқалар — «Газета.uz»нинг 19 майдаги энг муҳим хабарлари дайжестида.
Ҳуқуқ ҳимоячилари «Аҳмадбой», Отабек Сатторий ва Фозилходжа Арифходжаев сақланаётган колонияларга борди
6,5 ва 7,5 йилга озодликдан маҳрум этилган блогерлар Отабек Сатторий ва Фозилходжа Арифходжаев Навоий вилоятидаги колонияларда сақланмоқда. Отабек қурилиш молларига нақш босаётган бўлса, Фозилходжа уста бўлиб ишлаяпти. Бу ерда шунингдек, «Аҳмадбой» номи билан танилган Аҳмаджон Турсунбоев ўз жазосини ўтамоқда. Омбудсман ва инсон ҳуқуқлари ҳимоячиларидан иборат ишчи гуруҳ маҳкумларни сақлаш шароитлари билан танишди.
«Логистика биз учун заиф нуқта». Азиз Абдуҳакимов туризмни ривожлантириш ҳақида
Туризм ва маданий мерос вазири Азиз Абдуҳакимов Ўзбекистон яқин вақт ичида тез-тез бориб туриладиган мамлакатлардан бирига айланиши, бироқ, ҳозирда «транспорт логистикасидек заиф нуқтаси» борлигини таъкидлади. У шунингдек, ШҲТга аъзо давлатлар доирасида ички туризмни ривожлантириш учун «Ягона туристик бренд» яратиш кераклигини айтди. Бундан ташқари, ШҲТ мамлакатлари доирасида туристик компаниялар ва сайёҳларга кешбэк тақдим этиш таклифи илгари сурилди.
Долларнинг расмий курси март ойи ўрталаридан бери илк бор 11100 сўмдан пастга тушди
Марказий банк белгилайдиган АҚШ доллари курси март ойи ўрталаридан бери илк бор 11100 сўмдан пастга тушди. Охирги икки ойда миллий валюта барқарор равишда мустаҳкамланиб бормоқда.
Андижонда ўқитувчи ўқувчини калтаклагани юзасидан изоҳ берилди
Пахтаобод туманида мактаб ўқитувчисининг 10-синф ўқувчисини уришига ўқувчининг педагог кўрсатмасига қўпол равишда жавоб қайтаргани сабаб бўлгани аниқланди. Ҳолат Андижон вилоят ИИБ томонидан ўрганилмоқда.
«Сиёсий шартларимиз йўқ». ХХР элчиси — Хитой кредитлари ҳақида
Хитойнинг Тошкентдаги элчиси Цзян Янь Хитой кредитлари мамлакатларни «қарз тузоғига» тушишига сабаб бўлаётгани ҳақидаги хабарларни асоссиз деб атади. «Ғарб банклари ёки халқаро молия муассасалари қарз берса — пишлоқ, Хитой қарз ёки кредит берса — тузоқ. Одамлар баъзида фарқига бормайдилар», — деди у.
Tashkent Opera Fest 2022 тадбири 29 майгача узайтирилади
Tashkent Opera Fest 2022 доирасида шаҳарнинг турли бурчакларида концертлар ва исталган инсон қатнашиши мумкин бўлган флешмоблар ўтказилади.
Бокс бўйича Ўзбекистон аёллар терма жамоаси ЖЧда 2 та медални қўлга киритди
Бокс бўйича жаҳон чемпионатида ўзбекистонлик Азиза Ёқубова ва Моҳира Абдуллаева бронза медалини қўлга киритди. Бу ўзбек бокс мактаби тарихида катталар ўртасидаги жаҳон чемпионатларда қўлга киритилган илк медаллардир.
Андижонда ўз жонига қасд қилишга уринган 5 ўқувчи қутқариб қолинди
Андижон вилоятида 2022 йилнинг дастлабки уч ойида 10 нафар мактаб ўқувчиси ўз жонига қасд қилган. Улардан 5 нафарининг ҳаёти қутқариб қолинган.
БМТ Россияни Украинанинг денгиз портларидан дон олиб чиқишига рухсат беришга чақирди
Украина 20 млн тоннадан ортиқ донни сотиши мумкин эди, бироқ уруш бошланганидан бери мамлакат денгиз портлари тўсиб қўйилган, дея қайд этди БМТ. Ташкилотнинг билдиришича, етказиб бериш қайта тикланмаса, Жанубий Осиё ва Африкада озиқ-овқат инқирозини енгиш қийинлашади, озиқ-овқат нархлари кўтарилишда давом этади.
Германиянинг SAP компаниясига Ўзбекистонда минтақавий офис очиш таклифи билдирилди
Германиянинг ташкилотлар учун дастурий таъминот ишлаб чиқарувчи SAP компаниясига Ўзбекистонда ўзининг минтақавий офисини очиш таклиф этилди.
Ўзбекистонга футбол бўйича Жаҳон кубоги олиб келинади
ФИФАнинг махсус турнеси доирасида Ўзбекистонга футбол бўйича Жаҳон кубоги олиб келинади. 6 июнь куни ўтказиладиган тақдимот доирасида футбол юлдузлари — Кристиан Карамбё ва Карлес Пуйолнинг иштирок этиши кутиляпти.
Афғонистоннинг Ўзбекистон ва Тожикистондан электр энергияси учун қарзи $100 млндан ошди
Афғонистон Ўзбекистон ва Тожикистондан электр энергияси учун $100 млндан ортиқ қарзи борлиги очиқланди. Энергетика ва сув ресурслари вазирлиги қарзни тўлашда ушбу мамлакатларга пул ўтказишдаги қийинчиликлар тўсқинлик қилаётганини қайд этди. Ўзбекистон Энергетика вазирлиги Афғонистон томони ўтган йил давомида электр энергияси учун қарзни тўлиқ тўлаганини маълум қилди.
Аномал иссиқ ва қуруқ кунлар сони ортиб бормоқда — Ўзгидромет
Ўзбекистонда сўнгги йилларда аномал иссиқ кунлар сони йилига меъёрдаги 15−30 кундан 25−40 кунгача кўпайди. Қурғоқчилик даври давомийлиги кўп йиллик ўртача 30−70 кундан 50−80 кунгача кўтарилди, дея хабар қилди Ўзгидромет.
Тожикистонга КХШТ қўшинлари киритилиши мумкин
КХШТ қўшинлари Қозоғистон мисолида Тожикистонга Тоғли Бадахшон автоном вилоятидаги вазиятни юмшатиш мақсадида киритилиши мумкин. Қирғизистонлик эксперт Артур Медетбековнинг фикрича, Тожикистон раҳбари вазият ташқи террорчилар томонидан издан чиқарилаётганини исботласа Эмомали Раҳмон режимини сақлаб қолиш учун КХШТ қўлланилиши мумкин.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг