Архив
26 июнь куни эълон қилинган энг муҳим янгиликлар дайжести
Киберхавфсизликда ҳамкорлик ўрнатган Ўзбекистон ва Россия, Туркия мудофаа вазири билан кўришган Шавкат Мирзиёев, зўравонликка учраганларга ёрдам беришнинг маъмурий регламенти, байрам муносабати билан мукофотланган журналистлар ва бошқалар — «Газета.uz»нинг кунлик дайжестида.
Ўзбекистонда зўравонликдан жабрланганлар қаерга мурожаат қилиши керак?
Тазйиқ ва зўравонликка учраганлар «102» телефон рақами орқали ИИВ навбатчилик қисми ёки профилактика инспекторларига, «112» ягона диспетчерлик хизмати ва 1146 «ишонч телефони»га мурожаат қилишлари мумкин. 24 соат ичида ҳимоя ордери расмийлаштирилади.
Президент: «Танқидий материаллар „мудраб“ ётган раҳбарларни „уйғотишга“ ёрдам бермоқда»
Ўзбекистон раҳбари ОАВ ходимларини касб байрами билан табриклади. Унинг таъкидлашича, журналистика нафақат «тўртинчи ҳокимият», балки мудофаа ва хавфсизлик каби ҳал қилувчи соҳага айланиб бормоқда. Президент ахборот майдонини сифатли ва рақобатдош контент билан тўлдириш зарурлигини таъкидлади.
Май ойида газ ишлаб чиқариш янги минимал даражага етди, электр энергияси ҳажми ҳам кескин камайди
Ўзбекистонда май ойида электр энергияси ишлаб чиқариш кескин пасайди (-58%). Газ қазиб олиш ҳажми ҳам 2020 йил августидан бери янги минимал даражага етди — 3,52 миллиард куб метр.
Шавкат Мирзиёев Туркия мудофаа вазири билан хавфсизлик масалаларини муҳокама қилди
Ўзбекистон президенти ва Туркия миллий мудофаа вазири ҳарбий-техника, хавфсизлик, терроризм, радикализмга қарши курашиш соҳаларида ҳамкорликни мустаҳкамлаш, мутахассислар тайёрлаш, қўшма тадбирлар ўтказиш масалаларини муҳокама қилди.
Қозоғистон собиқ иқтисодиёт вазири Куандик Бишимбаевнинг ҳукми ўзгаришсиз қолдирилди
Остона апелляция суди рафиқаси Салтанат Нукеновани қийноққа солиб ўлдирганликда айбланиб, 24 йилга озодликдан маҳрум этилган Қозоғистон собиқ иқтисодиёт вазири Куандик Бишимбаевга нисбатан чиқарилган ҳукмни ўз кучида қолдирди.
Нидерландия бош вазири Марк Рютте НАТОнинг янги бош котиби бўлади
Нидерландия бош вазири Марк Рютте НАТОнинг янги бош котиби бўлади. Сиёсатчи Европа Иттифоқининг нуфузли етакчиларидан бири саналади. У Украинани фаол қўллаб-қувватлайди, АҚШнинг собиқ президенти Дональд Трамп билан тил топиша олади ва низолардан қоча олиш қобилияти учун «Тефлон Марк» лақабини олган.
«Ўзмиллийбанк» Хитой тараққиёт банкининг 2 млрд юань кредит линиясини жалб қилди
25 июнь куни бўлиб ўтган 20-мажлис доирасида «Ўзмиллийбанк» ва Хитой давлат тараққиёт банки ЎМБга 2 млрд юань ажратувчи битимни имзолади.
ИИБ биносида вафот этгани айтилаётган фуқаро иши доирасида бир ходим қамоққа олинди
Бекобод шаҳри ИИБ биносида вафот этгани айтилаётган 43 ёшли эркак иши доирасида бир нафар ички ишлар ходими қамоққа олинди. Марҳумнинг акаси «Газета.uz»га берган интервьюсида бу воқеада жами 8 нафар ходим иштироки бўлганини айтмоқда.
Ўзбекистон ва Россия ИИВлари киберхавфсизлик бўйича тўғридан-тўғри алоқа ўрнатади
Тошкентда Ўзбекистон ва Россия ички ишлар вазирлари миграция оқимини тартибга солиш, кибержиноятчилик ва гиёҳванд моддаларнинг ноқонуний айланмасига қарши кураш бўйича ҳамкорликни муҳокама қилди. Владимир Колоколцевга Ўзбекистон ИИВнинг Мувофиқлаштириш ва мониторинг қилиш маркази ҳам кўрсатилди.
Зўравонликка учраган аёллар ва болаларга ижтимоий хизмат кўрсатишнинг маъмурий регламенти тасдиқланди
Вазирлар Маҳкамаси қарори билан тазйиқ ва зўравонликка учраган хотин-қизлар ва уларнинг вояга етмаган фарзандларига ижтимоий хизмат кўрсатишнинг маъмурий регламенти тасдиқланди.
Қирғизистон ва ЕИ кенгайтирилган шериклик ва ҳамкорлик тўғрисидаги битимни имзолади
Қирғизистон ва Европа Иттифоқи кенгайтирилган шериклик ва ҳамкорлик тўғрисидаги битимни имзолади. Бу, томонлар таъкидлаганидек, ҳамкорликни кенгайтириш учун «янги ҳуқуқий асос» бўлади.
Ким Нам Сок Ўзбекистоннинг IT бўйича Жанубий Кореядаги фахрий элчиси бўлди
2013−2017 йилларда Ўзбекистон АТК вазири ўринбосари лавозимида ишлаган Ким Нам Сок мамлакатнинг IT бўйича Жанубий Кореядаги фахрий элчиси бўлди. У электрон ҳукуматни ривожлантириш бўйича лойиҳалар, республикада АКТни жорий этиш бўйича стандартлар ва тавсиялар ишлаб чиқишда иштирок этган.
Тошкентда 2,1 тонна гиёҳвандлик воситалари ёқиб юборилди (фото)
Янгиҳаёт туманидаги заводда ноқонуний муомаладан мусодара қилинган 2,1 тоннадан зиёд гиёҳвандлик воситалари ёқиш йўли билан йўқ қилинди. Уларнинг асосий қисмини каннабис, марихуана, гашиш ва опий ташкил қилади. Фото.
Artel Dual Inverter технологиясига эга совиткичларнинг янги моделларини тақдим этди
Artel`дан Dual Inverter технологиясига эга совиткичларнинг иккита янги модели тақдим этилди. Ушбу ечим юқори энергия самарадорлиги билан бир қаторда узоқ хизмат муддатини ҳам таъминлайди.
Тошкентда эркак гул сотувчи қизни бўғиб, яна икки йигитни калтаклади
Тармоқларда Шайхонтоҳур туманида эркак гул дўконидаги сотувчи қизни бўғиб, сўнгра уни тинчлантиришга ҳаракат қилган яна икки йигитни ургани акс этган видео тарқалди. Ҳолат бўйича жиноят иши очилди.
Тошкент вилоятида 5 та транспорт воситаси иштирокида ЙТҲ содир бўлди (видео)
Паркент туманида юк машинаси пиёдаларни ўтказиб юбораётган иккита Cobalt, Spark ва Lacetti`нинг орқасидан келиб урди. Воқеа оқибатида ҳеч ким жароҳатланмади.
Пастдарғом туманига ҳоким тайинланди
Шерзод Рахманов Самарқанд вилояти Пастдарғом туманининг янги ҳокими бўлди. У бунгача вилоятнинг Нарпай туманини 2020 йилдан буён бошқариб келаётганди.
2024 йилда 894,2 минг абитуриент ОТМ, коллеж ва техникумларда ўқишга ҳужжат топширди
Бу йил олий ва профессионал таълим муассасаларига киришда тестда қатнашиш учун 894 279 нафар абитуриент ҳужжат топширди. Уларнинг энг кўпи Тошкент шаҳри, Самарқанд, Қашқадарё ва Фарғона вилоятларида рўйхатдан ўтди. Ҳужжат топширганлар сони аввалги йилларга нисбатан анча пасайган.
Asialuxe Travel оилавий таътилни Туркиянинг қайси ҳудудларида ўтказиш мумкинлигини айтиб берди
Asialuxe Travel миллий туроператори нафақат катталар, балки ёш саёҳатчиларни ҳам қизиқтирадиган дам олиш меҳмонхоналари танловини тайёрлади.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг