Ўзбекистонда илк бор минимал истеъмол харажатлари қийматининг дастлабки ҳисоб-китоблари амалга оширилди. Унга кўра, бир киши учун минимал истеъмол харажатлари 440 минг сўмни ташкил этади. Бунда, жон бошига кунлик истеъмол қилинадиган озиқ-овқат (2200 ккал) ва зарур бўлган ноозиқ-овқат товарлар ҳамда хизматлар учун минимал истеъмол харажатлар ҳисобга олинган.
Тойлоқ туманидаги мактаблардан бирида 9-синф ўқувчиси шериклари билан мактаб директор ўринбосарини калтаклади. Ҳолат юзасидан жиноят иши қўзғатилди.
Uzbekistan Airports Ўзбекистондаги барча халқаро аэропортлар билан бошқарув шартномаларини имзолади. Шу тариқа, аэропортларни ягона марказдан ривожлантириш учун ҳуқуқий асос яратилди, деди компания раҳбари Раъно Жўраева.
Бош прокуратура Aндижонда кетмон билан уриб ўлдирилган аёлни собиқ келини эмас, балки у билан турмуш қурган эркак ўлдирганлигини маълум қилди. Ҳозирда у қўлга олинган ва ҳолат юзасидан жиноий иш қўзғатилган.
1 июнь куни президент Шавкат Мирзиёев Сурхондарё вилоятига боради. Вилоятда давлат рахбари икки кун мобайнида бўлиши режалаштирилган.
2021 йилнинг январь-апрель ойларида Ўзбекистонда давлат мулкчилигидаги ташкилотлар томонидан жами 1 трлн 268,2 млрд сўмлик, нодавлат мулкчиликдаги ташкилотлар томонидан 28 трлн 271,8 млрд сўмлик қурилиш ишлари бажарилган.
Якшанба куни Нигериянинг Тегина шаҳридаги мактабга жангарилар ҳужум қилди. 200 нафар мактаб ўқувчилари ўғирлаб кетилди, икки киши жароҳатланди.
Андижонда келин ўз қайнонасини жойнамоз устида кетмон билан чопиб ўлдирганлиги ҳолати бўйича жиноят иши қўзғатилди.
Ўзбекистонда сўнгги кун ичида 211 та янги касалланиш ҳолати қайд этилди. Шунингдек 257 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Сенаторлар қурол ва унинг ўқ-дорилари муомаласи билан боғлиқ янги жавобгарлик чораларини кўзда тутган қонунни рад этдилар. Бу ҳал қилиш зарур бўлган тизимли муаммолар мавжудлиги билан боғлиқ бўлиб, улар ҳал қилинганидан кейин жавобгарлик чоралари ўрнатилиши лозим, дея маълум қилди сенатор Фарҳод Боқиев. У «турли салбий оқибатлар»га олиб келиши мумкин бўлган қатор омилларни санар экан, Қозон шаҳридаги мактабда содир бўлган отишмани мисол қилиб келтирди.
«ВКонтакте», Twitter ва WeChat ижтимоий тармоқлари ўзбекистонликларнинг шахсий маълумотларини қонунга зид равишда қайта ишламоқда, дея маълум қилди «Ўзкомназорат». Инспекция ижтимоий тармоқларга эгалик қилаётган Mail.ru Group, Twitter ва Tencent компанияларига «Шахсга доир маълумотлар тўғрисида"ги Қонуннинг 271-моддаси талабларига амал қилиш, яъни серверларини Ўзбекистонга жойлаштириш бўйича кўрсатма берди.
Ўзбекистон президенти «Яшил ўсиш ва глобал мақсадлар учун ҳамкорлик — 2030» (P4G) халқаро саммитида иштирок этди. Шавкат Мирзиёев минтақада иқлим ўзгаришлари таъсирида трансчегаравий дарёлар оқими ва биологик хилма-хиллик қисқараётгани бўйича хавотирда эканлигини маълум қилди. У «яшил иқтисодиёт»ни барпо этишга ёшларни жалб этиш бўйича махсус дастурни амалга ошириш ташаббусини илгари сурди.
Сирдарё вилоятининг Мирзаобод туманида Тошкент шаҳрининг Учтепа туманида яшовчи фуқаронинг 100% куйиб кетган жасади топилди. Ҳолат юзасидан жиноят иши қўзғатилди.
Ўзбекистонда 1,9 млн дозадан ортиқ вакцина қўлланилди. Шунингдек, сўнгги кун ичида 257 нафар бемор касалликдан соғайиб, Ўзбекистонда соғайиш кўрсаткичи 96 фоизни ташкил этмоқда.
Жамолиддин Узаков «Ўзбекконцерт» давлат муассасасига раҳбар этиб тайинланди. Ушбу лавозимда 2020 йилнинг ноябрь ойидан бери Aнваржон Тожибоев ишлаётган эди.
Қамаши тумани собиқ ҳокими Рашид Муҳаммадиев 57 ёшида вафот этди.
Футбол бўйича УЕФА Чемпионлар лигаси финалида «Челси» жамоаси «Манчестер Сити»ни мағлуб этиб, ўз тарихида ушбу мусобақада иккини марта чемпион бўлди.
Ўзбекистонда маданият ва санъат ходимлари куни белгиланиши, сенаторларнинг Сайлов кодексига ўзгартиш ва қўшимчалар киритишни маъқуллаши, Хоразмдаги иккит авария, ИИВнинг Aндижонда 5 ойлик келиннинг зўрлангани юзасидан расмий маълумоти — «Газета.uz»нинг 29 майдаги энг муҳим хабарлари дайжестида.
Сенаторлар Ўзбекистон Президенти давлат хавфсизлик хизмати тўғрисидаги қонунни маъқулладилар. ПДХХ 2018 йил январида ташкил этилган, бироқ унинг фаолияти давлат раҳбарининг ёпиқ қарорлари асосида тартибга солинар эди.
Сенат Ногиронлар ҳуқуқлари тўғрисидаги конвенцияни ратификация қилди. Шу билан Ўзбекистон ногиронлар учун инфратузилмаларни такомиллаштириш ҳамда уларнинг ҳуқуқларини кафолатлаш бўйича халқаро мажбуриятларни зиммасига олмоқда.
Қўшимча имкониятларга эга булиш учун сайтда рўйхатдан ўтинг