«Ҳимоя ордерини ҳеч ким олмаса керак, деб ўйлагандим». Танзила Нарбаева — тазйиққа учраган аёллар ҳақида
Сенат раиси тазйиқ ва зўравонлик қурбони бўлган аёллар ҳақида гапирар экан, ҳимоя ордерини ҳеч ким олмасада керак, деган фикрда бўлганини айтди. «Айниқса Ўзбекистонда, узоқ қишлоқларда яшаётган аёллар уйимдаги гап-сўзлар кўчага чиқмасин дейди. Бу тизим қандай ишлар экан деб ўйласам, 1 йил ичида 15 минг аёл ҳимоя ордерини олибди», — деди у. Шунингдек, ҳимоя ордерини эркаклар ҳам олиши мумкинлиги, қолаверса унинг муддатини бир ойдан узоқроққа чўзиш ҳамда бу борадаги қонунчиликни кучайтириш масалалари кўриб чиқилаётгани маълум қилинди.
Шавкат Мирзиёев ва Владимир Путин Афғонистондаги вазият ривожини муҳокама қилдилар
Россия ва Ўзбекистон президентлари Афғонистоннинг шимолий ҳудудларидаги аҳвол ёмонлашиши муносабати билан Марказий Осиёдаги вазиятнинг ривожини муҳокама қилдилар.
1 августдан тўй ва маросимларда фақат 50 киши қатнашиши мумкин
Республика махсус комиссияси қарори билан 1 августдан бошлаб тўй ва маросимларни 50 кишидан кўп бўлмаган ҳолда ташкил этишга рухсат берилди.
Ўзбекистонда барча турдаги оммавий тадбирлар вақтинча тўхтатилди
Ўзбекистонда оммавий тадбирлар, концерт, фестиваль, театр ва кино дастурлари вақтинча тўхтатилди. Спорт мусобақалари мухлисларсиз ўтказилиши мумкин.
Жаҳон янгиликлари дайжести
Дунё бўйлаб содир бўлаётган табиий офатлар, БААнинг эмлаш даражаси бўйича дунёда биринчи ўринни эгаллагани, Индонезияда чет элликлар учун кириш қоидалари кучайтирилгани ва бошқа янгиликлар — «Газета.uz»нинг жаҳон янгиликлари дайжестида.
Тошкентдаги қишлоқ хўжалиги техникалари заводлари Чирчиқда ташкил этиладиган кластерга кўчирилади
Тошкентдаги қишлоқ хўжалиги техникалари заводлари ва «ЎзКлаас Агро» Чирчиққа кўчирилиб, саноат кластери усулида ягона майдонда жойлаштирилади. Кластерни ташкил этишга 500 миллиард сўм ажратилади. Бу маблағ тармоқ корхоналарининг бино-иншоотлари ва майдонлари аукцион савдоларида сотилиши ҳисобидан қайтарилади.
Тошкент ёғ-мой комбинатидаги давлат улуши сотувга чиқарилди
«Моя мечта», «Душка» ва бошқа номлар остида ёғ, маргарин, майонез каби маҳсулотлар ишлаб чиқараётган Тошкент ёғ-мой комбинати устав капиталидаги 55,96 фоизлик давлат улуши биржа савдоларига қўйилди.
5 июль куни Ўзбекистонда содир бўлган энг муҳим хабарлар дайжести
Ўзбекистонда ижтимоий тармоқлар фаолияти чекланганидан сўнг мобил VPN бирданига оммалашиши, президентнинг жорий ҳафтадаги иш графики, Шавкат Мирзиёев ва Эмомали Раҳмониинг телефон орқали мулоқоти, лотин ёзувидаги алифбога ўтиш бўйича топшириқ — «Газета.uz»нинг 5 июлдаги энг муҳим хабарлари дайжестида.
Бензин нархи йил бошидан буён 17 фоизга қимматлашди — Статистика қўмитаси
Ўзбекистонда бензин нархи олти ой ичида 17 фоизга, пропан эса июннинг ўзида 8,7 фоизга қимматлашди.
Июнда 0,2 фоизлик дефляция қайд этилди. Бир ой ичида нархлар қандай ўзгарди?
Июнь ойида мавсумий омиллар ҳисобига 0,2 фоизлик мавсумий дефляция кузатилди. Озиқ-овқат маҳсулотлари 0,9 фоизга арзонлашди, мева-сабзавот маҳсулотлари ва тухум нархи сезиларли пасайди. Ноозиқ-овқат маҳсулотлар 0,5 фоизга, хизматлар эса 0,2 фоизга қимматлашди.
Бош вазир лотин ёзувидаги алифбога ўтишни тезлаштириш бўйича топшириқ берди
Ҳукумат лотин ёзувига асосланган ўзбек алифбосига ўтишни тезлаштириш бўйича топшириқ берди. 1 августга қадар давлат органлари барча кўчалар, пешлавҳалар ва турли блакларнинг лотин ёзувида бўлишини таъминлаши керак. Олдинроқ ушбу вазифани 2022 йил декабрига қадар бажариш кўзланган эди.
Шавкат Мирзиёев ва Эмомали Раҳмон Афғонистон билан чегараларни ҳимоя қилишни кучайтириш тўғрисида келишиб олдилар
Шавкат Мирзиёев ва Эмомали Раҳмон минтақада Афғонистон йўналишидаги аҳволнинг ёмонлашиши ва кескинликнинг кучайиши билан боғлиқ вазиятнинг ривожланишини муҳокама қилдилар. Томонлар Афғонистон билан чегарани қўриқлашни кучайтиришда куч ишлатар тузилмалар ва ҳуқуқни муҳофаза қилиш идоралари ўртасидаги ҳамкорликни янада мувофиқлаштиришга тайёрлигини тасдиқладилар.
Давлат компанияларига давлат харидларини тендерсиз амалга ошириш тақиқланди
Давлат компаниялари учун индивидуал тарзда давлат харидларини тендерсиз ўтказишнинг мавжуд талаблари бекор қилинди. Уларга давлат харидлари ўтказилиши тўғрисидаги эълонлар ва давлат харидлари натижалари тўғрисидаги ахборотни махсус ахборот портали ва ОАВда эълон қилиш мажбурияти юклатилди.
Долларнинг расмий курси бироз пасайди
Долларнинг расмий курси 19,94 сўмга пасайди ва жами 10 593,60 сўм этиб белгиланди. Евро ва рубль курслари эса бироз кўтарилди.
Тошкентда Matiz йўл айланмасидан пастга тушиб кетди
Яшнобод туманида Matiz уч қаватли йўл айланмасининг иккинчи қаватидан пастга тушиб кетди. Oқибатда ҳайдовчи тан жароҳатлари билан касалхонага ётқизилган.
Ер ости метроси қурилишида қарийб 900 млн сўм талон-торож қилинган — Транспорт прокуратураси
Тошкент метросидаги носозликлар ортидан Транспорт прокуратураси метрополитен фаолиятини ўрганиб, инсон омилига боғлиқ бўлган 650 та камчиликни аниқлади. Метродаги муаммоларни ҳал этиш учун давлат бюджетидан маблағ ажратилгани айтилди. Қолаверса, «Тошкент метрополитени» йўловчилар сонини ошириб, кунлик даромадни 560 млн сўмга чиқариш, рекламадан тушадиган даромадни эса 6 ойда 4,1 млрд сўмга етказишни режа қилаяпти.
Жиноий даромадларни легаллаштиришга қарши курашиш бўйича қўшимча чора-тадбирлар тасдиқланди
Ҳукумат жиноий даромадларни легаллаштиришга қарши қўшимча чора-тадбирларни тасдиқлади. Банклар, фонд биржалари, адвокатлар ва нотариуслар шубҳали операциялар тўғрисида Бош прокуратура ҳузуридаги Иқтисодий жиноятларга қарши курашиш бўлимига хабар беришлари мажбурий этиб белгиланди.
Олимпия ва Паралимпия ўйинларида қатнашадиган Тошкент вилоятилик спортчиларга мукофотлар топширилди
Токио-2020 ёзги Олимпия ҳамда Паралимпия ўйинларига йўлланмаларни қўлга киритган бир гуруҳ Тошкент вилояти спортчиларига уй, Spark русумли автомобиллар ҳамда пул мукофотлари топширилди. Аввалроқ, Шавкат Мирзиёев мусобақадан олдин спортчиларнинг кайфиятини кўтариш кераклиги ҳақида айтган эди. «Қанча уларни эътироф этсак уларда ғалабага эҳтиёж пайдо бўлади», — деган эди президент.
Тожикистон яна мингдан ортиқ афғон ҳарбийларини қабул қилди
5 июлга ўтар кечаси «Толибон» кучлари Афғонистоннинг Бадахшон провинциясидаги олтита округни ўз назоратига олди. Тожикистон қўшни давлат ҳудудига чекинган Афғонистон ҳукумат қўшинларининг 1000 дан ортиқ ҳарбий хизматчиларини қабул қилди.
Жума кунидан бошлаб ҳаво ҳарорати пасаяди
Ҳафтанинг катта қисми давомида ҳаво ҳарорати +41…+43, жанубда ва чўл ҳудудларида +44…+46 даражагача бўлиши кутилмоқда. Жума кунидан бошлаб республика ҳудудига салқин ҳаво массалари кириб келади ва иссиқ аста-секин пасайишни бошлайди.
Қўшимча имкониятлардан фойдаланиш учун сайтда рўйхатдан ўтинг