«Ўзбекистон суд тизимини ҳозирча мустақил дея олмаймиз» — БМТ махсус маърузачиси
Ўзбекистонда суд тизими доирасида президент ва прокуратура ваколатларини қисқартириш, бош прокурорни тайинлашнинг объектив мезонларини ишлаб чиқиш ва адвокатлар фаолиятининг минимал хавфсизлигини таъминлаш. БМТнинг махсус маърузачиси томонидан берилган мустақил ва холис суд тизимини яратиш бўйича тавсияларни кўриб чиқамиз.
Шакар заводлари ишлаб чиқаришни нега тўхтатди
Ўзбекистоннинг иккита энг йирик шакар заводи «Ангрен шакар» ва «Хоразм шакар» хом ашё етишмовчилиги сабабли ишлаб чиқаришни тўхтатиб қўйди. Корхоналарнинг омборларида кунига минг тоннадан реализация қилинадиган 47 минг тоннадан ортиқ шакар захираси мавжуд, шунинг учун танқислик кузатилмайди. «Газета.uz» нинг аниқлашича, маҳаллий ишлаб чиқарувчилар импорт қилувчилар билан рақобат сабабли қийинчиликларга дуч келишмоқда.
Собиқ мудофаа ходими ва унинг рафиқасига суд ҳукми ўқилди
Ўзбекистон Ҳарбий суди собиқ мудофаа ходими А. Ярбабаев ва унинг рафиқаси Е. Ярбабаевани давлатга хоинлик қилганликда айбдор деб топди. А. Ярбабаевга 11 йил 6 ой муддатга озодликдан маҳрум қилиш жазоси тайинланди. Унинг турмуш ўртоғи эса 3 йилга синов муддати белгиланган ҳолда шартли равишда жазодан озод этилди.
Чуст тумани ҳокими ўзгарди
Наманган вилояти Чуст тумани ҳокими бўлиб ишлаб келган Баҳодир Охунов ўз лавозимидан озод этилди ва унинг ўрнига Бекзод Ҳамдамов ҳоким этиб тайинланди.
Монополияга қарши курашиш қўмитаси бошқарма бошлиғи вафот этди
Монополияга қарши курашиш қўмитаси бошқарма бошлиғи Санжар Абдуқодиров 40 ёшида ҳаётдан кўз юмди.
Дам олиш кунлари ҳарорат кўтарилади
Дам олиш кунлари Ўзбекистон ҳудудига иссиқ ва қуруқ ҳаво оқими кира бошлайди. Кундузи ҳарорат +42 даражагача кўтарилиб, ёз ўртасидаги меъёрий об-ҳаводан 4−6 даража юқори бўлади.
Умумий овқатланиш соҳасини қўллаб-қувватлаш тўғрисидаги президент фармони лойиҳаси тайёрланди
ССП умумий овқатланиш соҳасини қўллаб-қувватлаш тўғрисидаги президент фармони лойиҳаси тайёрланганини хабар қилди. Солиқ имтиёзларини узайтириш, кафе ва ресторанларга ёзги терасларини жойлаштириш тартибини жорий этиш ҳамда муассасаларга куну тун ишлашга рухсат бериш режалаштирилмоқда.
Тошкент учун СЎВ аппаратлари ва Damas автомобиллари харид қилинди
Тошкент шаҳар ҳокимлиги ва Соғлиқни сақлаш вазирлиги 40 та СЎВ ва 200 та СИПАП аппаратларини харид қилишди. Тез тиббий ёрдам ва СЭОМлар учун 50 дона Damas русумли автомобиллар сотиб олинган.
Президент маслаҳатчисининг ўринбосари тайинланди
Бухоро давлат тиббиёт институти ректори лавозимида ишлаб келаётган тиббиёт доктори, профессор Амрилло Иноятов президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимига тайинланди.
Фарғона туманига янги ҳоким тайинланди
Шуҳратжон Мўминов Фарғона тумани ҳокими этиб тайинланди. У ҳозирги пайтга қадар Фарғона вилояти ички ишлар бошқармаси бошлиғи ўринбосари вазифасида ишлаб келаётган эди.
Ҳиндистонда коронавирус беморлари сони 1 миллиондан ошди
Ҳиндистон коронавирус билан касалланганларнинг умумий сони 1 миллиондан ошган учинчи давлатга айланиб, АҚШ (3,5 млн дан ортиқ) ва Бразилия (2 млн дан ортиқ) мамлакатларидан кейинги ўринда кетмоқда.
Уйда даволанаётган коронавирус беморлари бепул дорилар билан таъминланади
Коронавирус касаллигидан уйида даволанаётган беморларга керакли дори-дармонлар ҳамда бир марталик тиббий ниқобларни белгиланган меъёрда, бепул етказиб бериш йўлга қўйилади.
Коронавирус ҳолатлари 15,3 мингдан ошди
Коронавирус беморлари сони 283 нафарга ортиб, жами 15349 кишини ташкил этмоқда. Янги ҳолатлар Карантин марказида (93), Тошкент шаҳрида (144), Самарқанд вилоятида (25) ва Сурхондарё вилоятида (21) қайд этилди. Шу билан бирга, яна бир коронавирус бемори вафот этди.
KASHLUX компанияси дўконларида кенг танловли маҳсулотларни харид қилиш мумкин
Ўзбекистон бозорида 20 йилдан бери фаолият олиб бораётган KASHLUX компанияси ўз мижозларига кенг танловли маҳсулотларни таклиф этади. Хусусан, қувурлар, қозонлар, бойлерлар ва бошқа иситиш, вентиляция, шамоллатиш, санитария-техник ускуналар. Ушбу маҳсулотларни компаниянинг Тошкентдаги 5 та савдо дўконларидан харид қилса бўлади.
Кун давомида 485 та коронавирус ҳолати қайд этилиб, умумий кўрсаткич 15 мингдан ошди
Ўзбекистонда кун давомида 485 та коронавирус ҳолати қайд этилиб, умумий кўрсаткич 15 мингдан ошди. 349 киши коронавирусга чалинганлар билан мулоқотда инфекцияни юқтириб олган. 39 та ҳолат эса аҳоли орасида аниқланди.
Россияга газ экспорти тўхтатилди, Хитойга экспорт уч баравар қисқарди
Коронавирус пандемиясининг ташқи бозорларга таъсири сабабли, Ўзбекистонда олинадиган табиий газнинг Хитойга экспорти 3 бараварга қисқарди, Россияга экспорт тўхтатилди.
Хусусий клиникаларга коронавирус беморларини даволашга рухсат берилди
Коронавирус билан оғриган беморлар энди хусусий тиббиёт муассасаларида даволанишлари мумкин. Импорт қилинадиган кислород концентратлари божхона божидан озод этилади.
Коронавирус аниқланганларга яқин жойда бўлганларни огоҳлантирувчи мобил илова ишлаб чиқилди
Ўзбекистонда коронавирус аниқланган беморга 5 метр масофада яқин келган барча фойдаланувчиларга PUSH-хабарнома кўринишида касал билан алоқада бўлганлик эҳтимоли тўғрисида ва кейинги хатти-ҳаракатлар бўйича тавсиялар берадиган мобил илова ишлаб чиқилди.
6 ойда 81,7 млрд сўмлик бюджет маблағларининг ноқонуний сарфлангани аниқланди
Давлат молиявий назорат департаменти 6 ойда 81,7 млрд сўмлик бюджет маблағлари ноқонуний сарфланганини аниқлади. Энг кўп қонунбузилиш ҳолатлари таълим, соғлиқни сақлаш ва маданият соҳаларида, ҳудудлар кесимида Андижон, Қашқадарё, Тошкент, Жиззах, Қорақалпоғистон ва Сурхондарёда қайд этилди. 57,4 млрд сўм бюджетга қайтарилди.
Honeywell Бухоро НҚИЗ учун технологиялар тақдим этади
Американинг Honeywell компанияси Бухоро нефтни қайта ишлаш заводига «Евро-5» стандартидаги бензин ишлаб чиқариш технологиясини тақдим этди. Компания билан технологик ускуналар ҳужжатлари пакетини ишлаб чиқиш бўйича битим ва лицензия шартномаси ҳам имзоланди.
Қўшимча имкониятларга эга булиш учун сайтда рўйхатдан ўтинг