Тошкент вилоятида Sky Camp Bo‘stonliq тоғ фестивали бўлиб ўтади
29 ва 30 июнь кунлари Бўстонлиқ туманида Sky Camp Bo‘stonliq тоғ фестивали бўлиб ўтади. Бу велопойга, трейл югуриш, скайраннинг, йога ва медитацияни ўз ичига олади. Ўзбекистонда биринчи марта трейл югуриш трассасига югурувчиларга шахсий ҳисоб учун очколар олиш имконини берувчи гувоҳнома берилди.
Ўзбекистонда чет эл фуқароларини номақбул деб топиш тартибини жорий этиш таклиф қилинмоқда
Ўзбекистонда чет эл фуқароларини номақбул деб топиш тартибини жорий этиш таклиф қилинмоқда. Бунга мамлакат суверенитети, яхлитлиги ва хавфсизлигига таҳдид солувчи, давлатлараро ва миллий адоватни қўзғатувчи, халқ шаъни, қадр-қиммати ёки тарихини камситувчи чиқиш ва ҳаракатлар сабаб бўлиши мумкин.
«Ўзмиллийбанк» юридик шахслар учун масофавий ҳисоб рақам хизматини таклиф этади
«Ўзмиллийбанк» АЖ юридик мижозлари энди банк мобил иловаси орқали масофавий ҳисобрақам очиш имкониятига эга.
Тошкентда Қурбон ҳайити куни автобус ва метро 3:00 дан иш бошлайди
Қурбон ҳайити муносабати билан 16 июнь куни Тошкентдаги метро ва автобуслар соат 03:00 дан иш бошлайди. Улар соат 10:00 га қадар йўловчиларга бепул хизмат кўрсатади.
АҚШ Россияга қарши иккиламчи санкцияларни кенгайтиради — FT
АҚШ жорий ҳафтада Россияга қарши иккиламчи санкцияларни сезиларли даражада кенгайтиради. Бунда Россия мудофаа компаниялари билан тўғридан-тўғри ишлайдиган РФ ташкилотлари билан операцияларни амалга оширувчи ҳар қандай хорижий банк иши кўриб чиқилади.
Қўшма Штатлар Ўзбекистоннинг ЖСТга аъзо бўлишини тўлиқ қўллаб-қувватлайди — АҚШ савдо вакили Кэтрин Тай
АҚШ савдо вакили Кэтрин Тай Тошкентда қатор вазирлар билан учрашувлар ўтказди. Элчи АҚШ Ўзбекистоннинг ЖСТга аъзо бўлишини қўллаб-қувватлаш ва GSP тизими доирасида савдо имтиёзларини беришни қайта тиклаш ниятини тасдиқлади.
Ҳайит куни Тошкентдаги айрим кўчаларда транспорт ҳаракати соат 7:00 гача чекланади — манзиллар
16 июнда Тошкент шаҳридаги 121 та масжидда Қурбон ҳайити намози ўқилиши кутилмоқда. Шу куни соат 00:00 дан 7:00 гача айрим кўча ва йўлларда автотранспорт воситаларининг ҳаракати тўлиқ чекланади (рўйхат).
Ҳайит куни Тошкентда юк машиналари ҳаракати 10 соатга чекланади
Қурбон ҳайити муносабати билан 16 июнь куни соат 00:00 дан 10:00 га қадар Тошкентда барча турдаги юк транспорт воситаларининг ҳаракати (кириш-чиқиш, шаҳар ичида ҳаракатланиш) тўлиқ тўхтатилади.
Фарғона водийсида 12−13 июнь кунлари сел-сув тошқини юзага келиши мумкин
Кучли ёмғирлар ёғиши кутилаётгани сабабли Наманган, Фарғона ва Андижон вилоятларида 12−13 июнь кунлари сел-сув тошқини кузатилиши мумкин. Ёмғир сувлари тўпланиб, ҳудудларни сув босиши эҳтимоли бор.
Қурбон ҳайити намозининг ўқилиш вақтлари эълон қилинди
Мусулмонлар идораси 16 июнь, якшанба куни Қурбон ҳайити намозининг ҳудудлардаги ўқилиш вақтларини эълон қилди. Шу куни Тошкент метрополитени 03:00 да иш бошлайди ва маълум муддат бепул бўлади.
1 июлдан айрим поездлар чипталари нархи 25 фоизга ошади
1 июлдан маҳаллий йўналишлардаги «Насаф», «Шарқ», «Ўзбекистон» поездлари чипта нархларининг тариф қисми 25 фоизга ошади. Бундан аввал нархлар 20 январдан 20 фоизга кўтарилганди.
Бизнес ва тадбиркорлик олий мактаби Ўзбекистонда соҳани ривожлантиришга ҳиссасини қўшмоқда
Бизнес ва тадбиркорлик олий мактабида аҳоли ва тадбиркорлар янгича ёндашув асосида тадбиркорлик кўникмаларига ўқитилмоқда.
Қарши ва Намангандан Истанбулга тўғридан-тўғри рейслар йўлга қўйилди
Qanot Sharq авиакомпанияси Қарши ва Намангандан Истанбулга мунтазам йўловчи қатновларини йўлга қўйди. Намангандан парвозлар ҳафтанинг сешанба кунлари, Қаршидан эса пайшанба кунлари амалга оширилади.
Япония Бухородаги тиббиёт ташкилотларига 182 минг долларлик тиббиёт жиҳозларини топширди
Япония ҳукумати Бухоронинг Ромитан ва Пешку туман тиббиёт бирлашмаларига умумий қиймати тахминан 182 минг долларлик тиббиёт жиҳозларини топширди. Шифохоналарга рентген диагностика ускунаси ва операция учун мўлжалланган ускуналар етказиб берилди.
Май ойида Ўзбекистон уй-жой бозорида сотувлар 9 фоизга ошди
Май ойида Ўзбекистонда 21,6 мингта уй-жой сотилди, бу апрель ойига нисбатан 9 фоизга кўпроқ ҳисобланади. Икки ойлик ўсишга қарамай, фаоллик даражаси ҳали ҳам бир йил олдинги даражадан паст бўлиб қолмоқда.
Абитуриент ва талабаларни янги ўқув йилида қандай ўзгаришлар кутмоқда? Вазирлик вакили билан суҳбат
ОТМлар учун давлат буюртмаси нима дегани? Унда хусусий ОТМлар ҳам қатнашадими? «Аввал тест, сўнг танлов» тизими қандай ишлайди? Ижтимоий-рағбатлантирувчи ва таълим гранти кимларга берилади? «Газета.uz» тизимдаги ўзгаришлар бўйича Олий таълим, фан ва инновациялар вазирлиги вакили билан суҳбатлашди.
Тошкентда 3 ёшли бола «Зил» уриб кетиши оқибатида вафот этди
Учтепа туманида «Зил» йўлдан ўтаётган 3 ёшли болани уриб кетди. Воқеа оқибатида бола вафот этди.
Май ойида сезилган инфляция даражаси 14 фоизни ташкил этди
Май ойида аҳоли томонидан сезилган инфляция даражаси апрелга нисбатан бироз тезлашиб, 14 фоизни ташкил қилди. Энг юқори кўрсаткич Тошкент шаҳрида кузатилди (17,4 фоиз). Ой давомида аҳоли энг кўп дорилар, бензин ва ёнилғи, шунингдек, қурилиш моллари нархи кўтарилганини сезди.
Қурбон ҳайити муносабати билан қўшимча маҳаллий авиақатновлар йўлга қўйилади
Uzbekistan Airways Қурбон ҳайити муносабати билан 15−18 июнь кунлари қўшимча маҳаллий авиақатновларни йўлга қўяди. Парвозлар Тошкент ва 6 та вилоят ўртасида амалга оширилади.
Uzum Market сотувчилар учун комиссияларни пасайтирмоқда
Uzum Market миллий маркетплейси сотувчиларга қулайлик яратиш мақсадида 15 та маҳсулот гуруҳи учун комиссия ставкаларини пасайтирди.
Қўшимча имкониятларга эга булиш учун сайтда рўйхатдан ўтинг