Ўзбекистон илк марта Халқаро меҳнат ташкилоти Маъмурий кенгашига сайланди
Ўзбекистон Халқаро меҳнат ташкилоти Маъмурий кенгаши аъзоси ўринбосари бўлди. Танзила Нарбаева буни ўзгаришлар натижаси деб атади ва қарор давлат органлари, касаба уюшмалари ва иш берувчиларнинг муносиб меҳнат тамойилларини тарғиб қилиш борасидаги ҳаракатларини кучайтиришни талаб қилишини айтди.
Тошкентда Captiva уриб юборган эркак ҳалок бўлди
Тошкент шаҳри Яшнобод туманида Captiva билан тўқнашув оқибатида 39 ёшли пиёда ҳалок бўлди. Ҳайдовчи маст эди. Машина дўкон девори олдида ўтирган эркакни босиб кетган.
Ўзбекистонда 24 ёшли йигит ноткоин сотгани учун 10 суткага қамалди
Чилонзор тумани суди Telegram орқали ноткоин йиғиб, уни 800 минг сўмга сотган 24 ёшли ТерДУ талабасини 10 суткага қамаш тўғрисида ҳукм чиқарди. Криптоактивлар айланмасидаги қонунчиликни бузишда айбланган сурхондарёлик йигит бу иши ноқонуний эканини билмаганини таъкидлади.
Ўзбекистон илк марта БМТ Иқтисодий ва ижтимоий кенгашига сайланди
Ўзбекистон илк марта БМТ Иқтисодий ва ижтимоий кенгаши (ECOSOC) аъзолигига сайланди. 54 та аъзодан иборат кенгаш БМТнинг иқтисодий ва ижтимоий фаолиятини мувофиқлаштиришга масъул ҳисобланади.
Тошкент аэропортида 4 аёлни фоҳишалик учун Туркияга юбораётган аёл ушланди
Тошкент вилояти Бўстонлиқ туманида яшовчи 42 ёшли аёл 4 аёлга яхши даромад топадиган иш топиб беришни ваъда қилиб, уларни Туркияга фоҳишаликка юбораётгани аниқланди. Улар Тошкент халқаро аэропортида тўхтатиб қолинди.
Дания бош вазири Метте Фредериксен ҳужумга учради
Дания бош вазири Метте Фредериксенга Копенгагенда бир эркак ҳужум уюштирди. Унинг аҳволи яхши экани, аммо воқеадан «жуда ҳайратда» экани қайд этилди. Ҳужум қилган шахс қўлга олинди.
Жиззахда автотрейлер ва 3 та юк машинаси иштирокида ЙТҲ содир бўлди
Ғаллаорол туманида MAN юк автомобилида носозлик кузатилиб, 2 та юк машинаси ва UzAuto Motors автотрейлери билан тўқнашди. Компания 4 та Cobalt ва 3 та Equinox техник шикастланганини билдирди. Юк машиналари ҳам жиддий зарарланган, ҳайдовчилар жароҳат олмаган. 2 километрли тирбандлик ҳосил бўлган.
Samsung Electronics ходимлари компания тарихида биринчи марта иш ташлаш эълон қилди
Жанубий Кореянинг Samsung Electronics касаба уюшмаси компаниянинг 55 йиллик тарихида биринчи марта иш ташлаш уюштирди. Ходимлар иш ҳақини оширишга ҳаракат қилмоқда.
АҚШ «хорижий агентлар тўғрисидаги» қонун туфайли ўнлаб Грузия фуқароларига қарши виза санкциялари жорий қилди
АҚШ «хорижий агентлар тўғрисида»ги қонун қабул қилиниши муносабати билан ўнлаб Грузия фуқароларига, жумладан, Грузия парламенти аъзолари ва хавфсизлик ходимларига нисбатан виза чекловларини жорий қилди. Ҳукмрон «Грузия орзуси» партияси вакили «ҳеч ким санкциялардан қўрқмайди», дея жавоб қайтарди.
Шахматчи Абдималик Абдисалимов Sahibkiran Amir Temur Cup ғолиби бўлди
Тошкентда соврин жамғармаси 20 минг долларни ташкил қилувчи Sahibkiran Amir Temur Cup мусобақасида ўзбекистонлик гроссмейстер Абдималик Абдисалимов ғолиб чиқди.
Корея Республикасининг Ўзбекистондаги янги элчиси тайинланди
Корея Республикаси президентининг Ўзбекистонга ташрифи арафасида Вон До Ён ушбу мамлакатнинг Тошкентдаги янги элчиси этиб тайинланди.
ИИВда учувчисиз қурилмалардан фойдаланиш тузилмаси яратилади
Шавкат Мирзиёев ИИВ Жамоат хавфсизлиги департаментининг Мувофиқлаштириш марказига ташриф буюрди. У ходимлар кибержиноятларнинг олдини олиш учун технологияларни яхши билиши кераклигини таъкидлади. У, шунингдек, вазирликда учувчисиз қурилмалардан фойдаланиш бўйича тузилма яратиш вазифасини ҳам қўйди.
Тошкентда дарахтга урилган Lacetti ҳайдовчиси ҳалок бўлди
Тошкент шаҳрининг Элбек кўчасида Lacetti автомашинаси дарахтга урилди, ҳайдовчи воқеа жойида ҳалок бўлди. Тўқнашув оқибатида машина бутунлай вайрон бўлган.
Путин Ўзбекистон мисолида Россиянинг империалистик амбициялари йўқлигини таъкидлади
Владимир Путин Россияда империалистик амбициялар йўқлигини айтиб, бу позицияни Ўзбекистон мисолида тушунтирди. «Агар кимдир бизни қандайдир империалистик амбицияларда гумон қилса, тасаввур қилинг: Совет Иттифоқини тикласак, бизда асосан исломий аҳоли бўлади», — деди у.
Президент Яккасаройдаги сув спорти саройида бўлди
Шавкат Мирзиёев Тошкент шаҳрининг Яккасарой туманидаги янги сув спорти саройини кўздан кечирди. 50 метрли бассейнга эга мажмуа бир вақтнинг ўзида 100, кунига эса 1000 дан ортиқ одамга хизмат кўрсата олади. Унда профессионал спортчилар ҳам, ҳаваскорлар ҳам машқ қилиши мумкин.
Россиянинг «Интер РАО» компанияси кузда Ўзбекистонга электр энергияси етказиб беришни бошлаши мумкин
Россиянинг «Интер РАО» энергетика компанияси Ўзбекистонга электр етказиб беришни бошлаши мумкин. Компания кузатув кенгаши раиси Александра Панинанинг айтишича, кузгача Қозоғистон қанча ҳажмни транзит қилиши мумкинлиги аниқроқ ишлаб чиқилади.
Qanot Sharq Тошкентдан Будапештга тўғридан тўғри рейсларни йўлга қўймоқда
30 июндан Qanot Sharq авиакомпанияси «Тошкент — Будапешт — Тошкент» мунтазам қатновларини йўлга қўяди. Дастлабки рейслар ҳафтада бир марта якшанба кунлари амалга оширилади, 4 сентябрдан эса чоршанба кунлари қўшимча рейслар парвозларни бошлайди.
Инвестициялар вазирига 2 нафар ўринбосар в.б. тайинланди
Бош вазир инвестициялар, саноат ва савдо вазирига ўринбосар вазифасини бажарувчилар сифатида Шохрух Гуламов ҳамда Акрам Алиевни тайинлади.
Ҳеч бир давлат ЖСТга аъзоликни сиёсий иродасиз амалга ошира олмаган — ЖСТ бош директори
Жаҳон савдо ташкилоти бош директори Нгози Оконжо-Ивеалага кўра, ҳеч бир мамлакат ташкилотга аъзоликни сиёсий иродасиз амалга ошира олмаган. «Ўзбекистон ҳукуматида кучли сиёсий иродани кўряпман», — деган бош директор аъзоликка даъвогарлар орасида биринчи бўлиб Ўзбекистонга келганини қайд этди.
Шуҳрат Ризаев Кинематография агентлигига раҳбар бўлди
Шуҳрат Ризаев Кинематография агентлиги раҳбари этиб тайинланди. У бунга қадар агентлик директори ўринбосари лавозимида ишлаб келаётганди. Ташкилотнинг аввалги раҳбари Фирдавс Абдухолиқов Ислом цивилизацияси маркази директори бўлган.
Қўшимча имкониятларга эга булиш учун сайтда рўйхатдан ўтинг