Урганчда 3 нафар эркак канализацияга тушиб вафот этди
Хоразмнинг Урганч туманида 3 нафар эркак уйлардан чиққан канализация сувларини ҳайдаб чиқариш учун мўлжалланган канализация камерасига тушиб, заҳарланиш оқибатида вафот этди. Ҳолат юзасидан жиноят иши қўзғатилди.
Ўзбекистонда мобил алоқа абонентлари сони 27,5 миллионга етди
1 июль ҳолатига кўра, Ўзбекистонда мобил алоқа абонентлари сони 27,5 миллионга, аҳолининг мобил алоқа билан таъминланганлик даражаси қарийб 79 фоизга етган.
Чирчиқ шаҳар ҳокимлиги «Чирчикстрой» меҳмонхонаси бузилмаслигини маълум қилди
Ижтимоий тармоқларда Тошкент вилоятининг Чирчиқ шаҳридаги «Чирчикстрой» меҳмонхонаси биноси бузилиши ҳақидаги хабарлар тарқалди. Шаҳар ҳокимлиги ушбу хабарларни «фейк» деб атаб, объектни бузиш ёки қайта қуриш юзасидан ҳозирги кунга қадар ҳеч қандай расмий ҳужжат қабул қилинмаганини маълум қилди. Қайд этилишича, ушбу ҳудудда замонавий бокс мактабига асос солинади.
Автосаноат монополияси ҳақидаги граффити тўлиқлигича бўяб ташланди (янгиланди)
Inkuzart кўча рассоми Ўзбекистон автомобиль бозоридаги монополия ҳамда машина олиш учун узун навбатларни акс эттирган янги граффити чизди. Сурат тўлиқлигича бўяб ташланди.
ИТБнинг Тошкентдаги йиғилишидан сўнг қиймати $330 млндан ортиқ шартномалар имзоланди
Тошкентда бўлиб ўтган Ислом тараққиёт банки Бошқарувчилар Кенгаши йиғилишида умумий қиймати 280 млн доллардан ортиқ бўлган шартномалар имзоланди.
«Толибон» Панжшер провинциясини ўз назоратига олганини эълон қилди. Қаршилик кучлари буни инкор этмоқда
Афғонистоннинг Панжшер провинциясида бир неча кундан буён «Толибон» ва қаршилик кучлари ўртасида тўқнашувлар давом этмоқда. Толиблар ҳудудда устунликни қўлга киритишганини эълон қилишмоқда, бироқ каршилик кучлари буни рад этди. Ҳаракат вакиллари Панжшердаги қаршилик кучларининг матбуот котибини ўлдирган.
Ҳафтанинг иккинчи ярмида ҳаво ҳарорати пасайиши кутилмоқда
8 сентябрда Ўзбекистон шимолига антитциклон кириб келиб, Волга бўйи ҳудудларидан салқин ҳавони олиб келади. 9−10 сентябрда салқин ҳаво массаси Ўзбекистоннинг барча ҳудудларини қамраб олади. Ҳаво ҳарорати +23…+28 даражагача пасайиши кутилмоқда.
Боёвут тумани ҳокими ўринбосари Саодат Мирзаева вафот этди
Боёвут тумани ҳокимлиги туман ҳокимининг ўринбосари Саодат Мирзаева 51 ёшида вафот этди. У мазкур лавозимда 2020 йил 26 июндан бери ишлаб келаётган эди.
Шавкат Мирзиёев 9 сентябрь куни ЎзЛиДеП қурултойида иштирок этади
Президент Шавкат Мирзиёев 9 сентябрь куни Ўзбекистон либерал-демократик партияси қурултойида иштирок этади. Шунингдек, давлат раҳбари Паралимпия ўйинлари совриндорлари билан учрашиши ҳам мўлжалланмоқда.
5 сентябрь куни Ўзбекистонда 640 кишида коронавирус аниқланди
Кеча кун давомида Ўзбекистонда 640 кишида коронавирус инфекция қайд этилди. 8 нафар COVID-19 бемори вафот этди. Шунингдек, якшанба куни 123 кишида пневмония қайд этилди, 3 нафар пневмония бемори вафот этди.
Тошкент шаҳридаги истироҳат боғлари 24 соат ишлай олади
Ҳукумат қарори билан пойтахтдаги истироҳат боғларига туну кун фаолият юритишига рухсат берилди. 2023 йилгача пойтахтнинг кўкаламзорлаштирилиши даражасини 30 фоизга етказиш белгиланмоқда. 2022 йилдан синов тариқасида ободонлаштириш ва кўкаламзорлаштириш вазифалари аутсорсинг асосида тадбиркорларга берилади.
Паралимпиада-2020. Ўзбекистон Паралимпия ўйинларини 16-ўринда якунлади
Токио-2020 Паралимпия ўйинларида ўзбекистонлик спортчилар 8 та олтин, 5 та кумуш ва 6 та бронза медалини қўлга киритиб, умумжамоа ҳисобида 16-ўринни эгаллашди.
Reuters: Ўзбекистондаги лагерда яшаётган афғон учувчилари ватанга қайтишдан қўрқишмоқда
Ўзбекистондаги лагерда бўлиб турган афғон учувчилари ва бошқалар ватанга қайтишдан хавфсирамоқда, деб ёзмоқда Reuters. «Бизни қайтаришса, 100 фоиз аминманки, бизни ўлдиришади», — дея маълум қилди учувчилардан бири. Reuters лагер тасвирларини ҳам эълон қилиб, афғонлар Ўзбекистонга учиб келган самолёт ва вертолётлар моделлари ҳақида хабар берди.
Яна 3 млн доза хитой-ўзбек вакцинаси олиб келинди
6 сентябрь куни Ўзбекистонга ZF-UZ-VAC2001 вакцинасининг яна 3 млн дозаси олиб келинди. Шундай қилиб, жами вакцина захираси 22 млн 446 минг 540 дозани ташкил қилмоқда.
Ўзбекистон терма жамоаси Швецияга қарши ўртоқлик ўйинида мағлуб бўлди
Футбол бўйича Ўзбекистон терма жамоаси Швеция терма жамоасига қарши ўртоқлик учрашувини ўтказди. Ушбу баҳсда швецияликлар 2:1 ҳисобида ғалабага эришишди.
1-курс талабаларига 6−13 сентябрь кунлари дастлабки таништирув ҳафталиги ўтказилади
1-курсга қабул қилинган талабалар учун 6 сентябрдан дастлабки таништирув ҳафталиги, 13 сентябрдан эътиборан ўқув режага мувофиқ дарс машғулотлари бошланади.
«АрМИ-2021»: VII Халқаро армия ўйинларида Ўзбекистон 2-ўринни эгаллади
Халқаро армия ўйинларида Ўзбекистон Мудофаа вазирлиги жамоаси 4 та олтин, 9 та кумуш ва 4 та бронза медалларини қўлга киритиб, умумжамоа ҳисобида Хитойни ортда қолдириб, 2-ўринни эгаллади. Мусобоқалар давомида Ўзбекистон ҳарбийлари 10 та рекорд натижани қайд этдилар.
Яна 1,5 млн доза хитой-ўзбек вакцинаси олиб келинди
5 сентябрь куни Ўзбекистонга ZF-UZ-VAC2001 вакцинасининг яна 1,5 млн дозаси олиб келинди. Шундай қилиб, жами вакцина захираси 19 млн 446 минг 540 дозани ташкил қилмоқда.
4 сентябрь куни Ўзбекистонда 662 кишида коронавирус аниқланди
Кеча кун давомида Ўзбекистонда 662 кишида коронавирус инфекция қайд этилди. 6 нафар COVID-19 бемори вафот этди. Шунингдек, шанба куни 140 кишида пневмония қайд этилди, 3 нафар пневмония бемори вафот этди.
Паралимпиада-2020. Гулжаной Наимова олтин медални қўлга киритди
Токио-2020 Паралимпия ўйинларида ўзбекистонлик пара-таэквондочи Гулжаной Наимова олтин медални қўлган киритди. Бу Ўзбекистон ҳисобидаги саккизинчи олтин медаль бўлди.
Қўшимча имкониятлардан фойдаланиш учун сайтда рўйхатдан ўтинг