Қозоғистон Миллий хавфсизлик қўмитасининг собиқ раҳбарига нисбатан иккита янги жиноий иш қўзғатилди
Қозоғистон Миллий хавфсизлик қўмитасининг собиқ раҳбари Карим Масимовга нисбатан йирик миқдорда пора олиш ва жиноий йўллар билан топилган пулларни ювишда гумонланиб, иккита янги жиноий иш очилди.
«Ўша пайтда ухлаётган эдим». «Газета.uz» ўқувчилари ўз карталаридан катта миқдорда пул ечиб олингани ҳақида хабар берди
11 ноябрда айрим Ўзбекистон фуқароларининг банк карталаридан катта миқдорда пул ечиб олинди. Номаълум шахслар SMS-кодлар ҳимоясини четлаб ўтган. «Газета.uz» жабрланувчиларнинг сўзларини эълон қилмоқда. Аввалроқ МБ ва Humo банклардан бирига хакерлар томонидан бузиб кирилганини рад этган эди.
«Ота-оналарнинг дардини кўриб йиғладим. Улардан бири менинг ҳам фарзандим бўлиши мумкин эди». Дониёр Ғаниев — «Док-1 Макс» ҳақида
Депутат Дониёр Ғаниев «Док-1 Макс» иши бўйича судда ота-оналарнинг дардини кўриб йиғлаганини айтди. Шундан келиб чиқиб, у ССВ раҳбари Амрилло Иноятовдан «қандай ҳулоса чиқардинглар, сиёсий жавобгарлик бўладими, бундай қўпол хато қайта такрорланмайди деб ваъда бероласизларми?» дея сўради. Видео.
Chery Uzbekistan ишга туширилганининг бир йиллигини нишонлади
Chery Uzbekistan ишга туширилганининг бир йиллиги муносабати билан тантанали кеча ташкил этди. Маросимда бренднинг асосий намояндалари ва меҳмонларга қизиқарли шоу намойиш этилди, танлов ва ютуқли ўйинлар ўтказилди.
$500 млнлик буғ-газ электр станцияси қурилиши лойиҳаси бўйича давлат ва Cengiz Enerji мажбуриятлари белгилаб олинди
Президент Жиззах вилоятида 550 МВтлик буғ-газ электр станциясини қуриш тўғрисидаги қарорни имзолади. Инвестор ва лойиҳа компанияси 500 млн долларлик инвестиция жалб этиш мажбуриятини олади, давлат компаниялари эса 25 йил давомида электр энергияси сотиб олиш, газ ва сув етказиб беришни кафолатлайди.
Непал ҳукумати «ижтимоий уйғунликни» бузгани учун TikTok`ни блоклади
Непал ҳукумати мамлакатда TikTok фаолиятини чеклашга қарор қилди. Платформа контенти «ижтимоий уйғунликни бузувчи, оилавий ҳамда ижтимоий муносабатларга путур етказувчи» деб топилди.
Ўзбекистон банкларига ҳужум бўлгани ва Humo карталаридан йирик миқдорда пул ўғирлангани рад этилди
Humo тўлов тизими хакерлар Ўзбекистон банкларига ҳужум қилгани ва Humo карталаридан йирик миқдорда пул ўғирлагани ҳақидаги хабарларни рад этди. Марказий банк ҳам банклар ва тўлов тизимларига ҳеч қандай киберҳужум бўлмаганини билдирди.
Депутатлар Ачилбай Раматовнинг парламент сўровига жавобидан қониқмади
Қонунчилик палатаси депутатлари бош вазир ўринбосари Ачилбай Раматовнинг йўл ҳаракати хавфсизлиги бўйича юборилган парламент сўровига жавобидан қониқмаганини қайд этди. «Етарлича маълумотлар тақдим этилмагани учун» Раматов 1 декабргача қўшимча жавоб бериши керак.
Тошкентда ногиронлиги бўлган ёшлар учун Media Plus лойиҳаси ташкил этилди
Тошкент шаҳрида 18 ёшга тўлган, ногиронлиги бўлган ёшлар учун медиасаводхонликни ўргатувчи Media Plus лойиҳаси ташкил этилди ва бу курсда 20 киши 2 ой давомида таҳсил олди. «Газета.uz» ушбу ижтимоий лойиҳани қўллаб-қувватлади.
Сурхондарёда ҳоким ёрдамчиси фирибгарликда айбланмоқда. У фуқаролар номига кредит олган бўлиши мумкин
Қумқўрғон туманида ҳоким ёрдамчиси фуқароларнинг номига иссиқхона ташкил этиш учун 4 марта (жами 132 млн сўм) кредит олиб, пулларни ўзига қарашли МЧЖга ўтказгани айтилмоқда. Унга нисбатан жиноят иши қўзғатилди ва лавозимидан озод этилди.
«Снос»лар бўйича қарздорлиги бор ҳокимликларга бюджетнинг ошириб бажарилган қисмидан маблағ сарфлаш тақиқланади
Ҳокимликларга аҳоли ва бизнесдан «снос» ёки мулкни олиб қўйиш бўйича қарзи бўлган ҳолатда, бюджет даромадларининг прогноздан ошириб бажарилган қисмидан маблағ сарфлаш тақиқланади. Ўзбекистон ҳукумати қонун ҳужжатларига бу бўйича тегишли ўзгартиришлар киритади.
Россиянинг Ozon маркетплейси Ўзбекистонда сотувларни йўлга қўйди
Россиянинг Ozon маркетплейси Ўзбекистон ҳудудида фаолият бошлади. Компания 2024 йилда мамлакатда ўзининг логистика инфратузилмасини, жумладан, омбор мажмуалари ва етказиб бериш хизматларини, шунингдек, брендланган топшириш пунктларининг франшиза тармоғини ривожлантириш ниятидалигини маълум қилди.
Тошкентда дарахт машина устига қулаши оқибатида йўловчи вафот этди
Янгиҳаёт туманида ҳаракатланиб кетаётган Nexia-3 устига дарахт қулаб тушди. Оқибатда 26 ёшли йўловчи қиз бош мия очиқ жароҳати билан вафот этди. Экология бўлими дарахт соғлом бўлгани, ёмғир сабабли таги бўшаб қолганини билдирди.
2024 йилда хусусий секторда «декрет пули» ҳажми қисқараётганига изоҳ берилди
Иқтисодиёт ва молия вазирлиги 2024 йилги давлат бюджети лойиҳасида «декрет пули» прогнози қисқарганини изоҳларкан, 2023 йилда хусусий секторда ишлаётган 130 минг аёлга 300 млрд сўм ажратиш режалаштирилгани, бироқ 9 ойда атиги 12 минг аёлга 24,6 млрд сўм нафақа берилганини қайд этди.
Тошкент вилоятида қалбаки 250 млн сўм мусодара қилинди
ДХХ Бекобод туманида 250 млн 800 минг сўм миқдоридаги 100 минг сўмлик қалбаки купюралар сотилишининг олдини олди.
Марказий банк Oson`нинг лицензиясини тиклади
Марказий банк Brio Group МЧЖнинг (Oson бренди) тўлов ташкилоти фаолиятини амалга ошириш учун лицензиясини тиклади. Компания лицензиясининг амал қилиш муддати 17 октябрда тўхтатиб қўйилганди. Ундан аввал эса Oson`га қонун талабларини бузгани учун жарима санкцияси қўлланган.
Хитойдаги Осиё либослари кўргазмасига 86 мингдан ортиқ киши ташриф буюрди
Хитойнинг Ханчжоу шаҳрида ХIХ Осиё ўйинларига бағишлаб ўтказилган «Ранг-баранг Осиё: Осиё либослари кўргазмаси»ни 86 мингдан ортиқ киши томоша қилди. Унда Ўзбекистоннинг 20 та музей экспонати, жумладан, анъанавий ўзбек сўзанаси, чопон ва заргарлик буюмлари намойиш этилди.
Вазирлик, идора ва ҳокимликлар эълон қилиниши лозим бўлган маълумотларнинг фақат ярмини очиқлаяпти
Антикоррупция агентлиги 93 та вазирлик, идора ва ҳокимликда эълон қилиниши лозим бўлган маълумотларнинг фақат 52 фоизи очиқланаётганини аниқлади. Аксарият ҳолларда бюджет ва бюджетдан ташқари маблағлар харажатларига оид маълумотлар бўйича жиддий камчиликларга йўл қўйилган.
Россия билан урушда 70 минг Украина аскари ҳалок бўлди — The Economist
АҚШ ҳисоб-китобларига кўра, Россия билан урушда 70 минг Украина аскари ҳалок бўлган, яна 120 минг нафари яраланган. The Economist мақоласида Украинада ишсизлик урушдан олдинги даражадан юқорилигича қолаётгани, қурилиш, тоғ-кон саноатида кўпроқ хотин-қизларнинг меҳнатга кириб келаётгани қайд этилган.
Хотин-қизларни иш билан таъминлаган тадбиркорларга давлат гранти ажратилади
Маҳаллаларда хотин-қизлар бандлигини таъминлаш марказларини очган тадбиркорларга давлат гранти ажратилиб, 1 нафар аёл учун 3 млн сўмдан ошмаган миқдорда пул тўланади. Маблағлар Оила ва хотин-қизлар жамғармаси ҳисобидан молиялаштирилади.
Қўшимча имкониятлардан фойдаланиш учун сайтда рўйхатдан ўтинг