Афғонистон 67 та вагондаги нефтни сифатсиз деб Ўзбекистонга қайтармаган, харидор пулини 100% тўлаган — «Ўзбекнефтгаз»
Афғонистон стандарт агентлиги Ўзбекистондан импорт қилинган 67 та вагон нефтни сифатсиз деб қайтарилганини маълум қилди. «Ўзбекнефтгаз» эса нефтни Ўзбекистон эмас, харидор ўзи Афғонистонга олиб киргани, нефть учун пул 100% тўланганини қайд этди.
Ҳафта салқин бўлади
Ўзбекистонда дам олиш кунлари кузатилган салқин об-ҳаво жума кунгача давом этади. Ҳарорат +30…+35 даража атрофида бўлади. Ҳафта ўртасига бориб кунлар бироз исиши мумкин. Айрим жойларда қисқа ёмғир бўлиши кутилмоқда.
Ҳукумат бюджет дефицитини белгиланган чегарада ушлаб туролмаяпти. Даромадлардан кўра харажатлар 2,5 млрд доллар кўп
Ўзбекистон давлат бюджети харажатлари даромадларидан 29 трлн сўмга (2,5 млрд доллар) кўпроқ бўлди. 2023 йилда профицит прогноз қилинганига қарамай дефицит деярли 6,2 фоизни ташкил этди. Бу маълумотларни эълон қилаётиб Иқтисодиёт ва молия вазири Жамшид Қўчқоров «дефицит» сўзини ишлатмади.
Банкларда доллар курси 11 720 сўмгача кўтарилди
Тижорат банклари 7 август куни аҳолидан 1 АҚШ долларини 11 600−11 660 сўмдан сотиб олмоқда, сотув курси эса 11 700−11 735 сўм.
Oson ва Payme фаолиятида узилишлар кузатилмоқда
Ўзбекистондаги иккита йирик тўлов хизмати ўз фаолиятидаги узилишлар ҳақида хабар берди. Oson Uzcard ва Humo карталари тизимдан вақтинча узилганини маълум қилди. Payme`да ҳам Uzcard ва Humo орқали пул ўтказмалари ишламаяпти.
Дзюдочи Музаффарбек Тўрабоев Masters турнирида олтин медални қўлга киритди
Венгрияда ўтган Masters турнирида ўзбекистонлик дзюдочи Музаффарбек Тўрабоев ғолибликни қўлга киритди. Сўнгги бор бу турнирда терма жамоадан олтин медални 2011 йилда Ришод Собиров ютганди. Бу йилги турнирни Ўзбекистон 1 та олтин ва 2 та бронза билан якунлади.
Тошкентда кўп қаватли уйда содир бўлган ёнғин сабабли 20 киши эвакуация қилинди
Якшанба куни Мирзо Улуғбек туманидаги кўп қаватли уйларнинг бирида ёнғин содир бўлди. Уни ўчириш жараёнида 20 нафар фуқаро хавфсиз жойга эвакуация қилинди. Ҳодиса оқибатида ҳеч ким жароҳат олмади.
Ўзбекистон терма жамоаси футболчиси Аббос Файзуллаев Россиянинг ЦСКА клубига ўтди
Ўзбекистоннинг энг яхши ёш футболчиси Аббос Файзуллаев «Пахтакор» жамоасидан Россиянинг ЦСКА клубига ўтди. 19 ёшли ярим ҳимоячи билан 3 йиллик шартнома имзоланди ва ушбу муддат узайиши мумкин.
«Бизга шундай ИИБ ходимлари керак». Абитуриентни елкасида кўтарган ходим тақдирланди
Тармоқларда Андижонда ногиронлиги бўлган абитуриентни елкасида кўтарганча имтиҳон жойига олиб борган ички ишлар ходими сурати тарқалди. Уни вилоят ҳокими Шуҳрат Абдураҳмонов тақдирлади. «Андижонимизнинг ИИБ ходими қанақа эканлигини мана шу болам кўрсатиб қўйди», — деди ҳокимлик раҳбари.
Жиззахда болалар боғчаси мудираси пичоқлаб ўлдирилди
Фориш туманидаги қишлоқлардан бирида болалар боғчаси мудираси маҳалладоши томонидан пичоқлаб ўлдирилди. Ҳолат юзасидан жиноят иши қўзғатилиб, гумонланувчи қўлга олинган.
Мисрда ЙТҲга учраган ўзбекистонлик аёл икки ойлик даволанишдан сўнг ватанига қайтарилди
Июнь ойи бошида Мисрда ЙТҲга учраган Ўзбекистон фуқароси икки ойлик даволанишдан сўнг ватанига қайтарилди. Унга Ўзбекистон элчихонаси, Миср Соғлиқни сақлаш вазирлиги ва Uzbekistan Airways компанияси томонидан ёрдам кўрсатилди.
Cobalt, Lacetti ва Damas сотуви шартнома тузиш тикланганидан бир кун ўтиб тўхтатилди
UzAuto Motors шартнома тузиш қайта очилганидан бир кун ўтиб Cobalt, Lacetti ва Damas автомашиналарининг сотувини тўхтатди. Кўпгина автосалонларда ушбу машиналарни сотиб олиш бўйича шартнома тузиш учун узун навбатлар пайдо бўлди.
Ўзбекистоннинг 9 та ҳудудида зилзила сезилди
Якшанба куни тонгда Афғонистонда содир бўлган зилзила Ўзбекистоннинг 9 та ҳудудида сезилди. Унинг кучи 3−4 баллни ташкил этди.
Нукус воқеаларини бартараф этишда ноқонуний ҳаракат қилган 3 нафар ички ишлар ходими қамалди
1−2 июль кунлари содир бўлган Нукус воқеаларини бартараф этишда ноқонуний хатти-ҳаракатлар қилган 3 нафар ички ишлар ходимига суд ҳукми ўқилди. Уларнинг икки нафари қийноққа солишда айбланиб 7 йилга, яна бир нафари ўлаётган одамга ёрдам кўрсатмагани ва ёлғон гувоҳлик бергани учун 3 йилга қамалди.
Ibrat Farzandlari тил ўргатиш лойиҳаси доирасида мобил илова ишлаб чиқилди
Ёшлар ишлари агентлиги томонидан ташкил этилган Ibrat Farzandlari — хорижий тилларни бепул ўргатишга мўлжалланган лойиҳа доирасида Ibrat Academy иловаси ишлаб чиқилди.
«Яшил макон» лойиҳасида масъулиятсизлик қилган 29 нафар раҳбар жавобгарликка тортилиши мумкин
Бош прокуратуранинг қайд этишича, «Яшил макон» лойиҳаси доирасида хизмат вазифаларини лозим даражада бажармаган 29 нафар маҳаллий давлат ҳокимияти органлари ва идоралар раҳбарлари қонунчиликда белгиланган жавобгарликка тортилиши мумкин.
Алексей Навальний 19 йилга озодликдан маҳрум этилди
Қаттиқ режимдаги колонияда 9 йиллик қамоқ жазосини ўтаётган россиялик мухолифатчи Алексей Навальний 19 йилга махсус режимли колонияга ҳукм қилинди. Унинг айтишича, у умрбод қамоқ жазосини ўтаётганини жуда яхши тушунади ва 19 рақами эса русларни қўрқитиш учун мўлжалланган.
Azon.uz фаолиятини тўхтатди
Ислом дини мавзусига ихтисослашган Azon.uz сайти ўз фаолиятини тўхтатди. Бу ҳақда лойиҳа асосчиси Мубашшир Аҳмад маълум қилди. Нашрнинг ижтимоий тармоқлардаги веб-сайти ва саҳифалари очилмай қолди. Azon TV YouTube саҳифаларидан диний видеолар олиб ташланди.
ФВВнинг ёнғин назорати органларига қўшимча ваколатлар берилди
Вазирлар Маҳкамаси қарори билан ФВВ давлат ёнғин назорати органларига объектларда бир йилда кўпи билан бир мартадан текширув ўтказиш ваколати берилди. Шунингдек, 50 нафардан кўп одам тўпланадиган объектларда ҳар чоракда камида бир маротаба мониторинг ва профилактика тадбирлари ўтказилади.
Davr Bank 2023 йилнинг биринчи ярмида рекорд даражадаги даромадни қайд этгани ҳақида хабар берди
Davr Bank кредит портфели 25% га, депозит портфели эса 21% га ўсди. Банк прогноз қилишича, йил охирига қадар фойда тахминан 40 млн долларни ташкил этади.
Қўшимча имкониятлардан фойдаланиш учун сайтда рўйхатдан ўтинг