Январда сезилган инфляция 19,5 фоизга етиб, расмий инфляция билан фарқ 7,3 фоизни ташкил этди
Марказий банк аҳоли томонидан сезилган инфляция маълумотларини эълон қилишни қайта бошлади. Январь ойида бу кўрсаткич 19,5 фоизгача ўсган, бу пандемияси чўққисига чиққан 2020 йил июль ойидан бери энг юқори кўрсаткич. Аммо унда расмий инфляция билан фарқ камроқ бўлганди.
Тошкент ва Самарқанд 2024 йилда МДҲ пойтахтлари бўлади
2024 йилда Самарқандга МДҲнинг маданий пойтахти, Тошкентга эса ёшлар пойтахти мақоми берилади. Қолаверса, Ҳамдўстлик давлатлари ўртасида имконияти чекланган болалар спартакиадаси ўтказилади.
Аctivist судга адвокати киритган апелляция шикоятини қайтариб олди
15 суткага қамалган Аctivist лойиҳаси муаллифи, блогер Ҳожиакбар Носиров адвокатининг судга киритган апелляция шикоятини кўрмасдан қолдиришни сўраб ариза ёзди. Шу сабаб суд апелляция тартибида иш юритишни тугатиш ҳақида қарор чиқарди.
Андижон ҳокимлиги Шуҳрат Абдураҳмоновга тегишлилиги айтилган видео бўйича муносабат билдирди
Тармоқларда Шуҳрат Абдураҳмоновга тегишли дея тахмин қилинаётган интим видео тарқалганди. Вилоят ҳокимлигига кўра, видео бўйича прокуратура органларига белгиланган тартибда шикоят аризаси юборилган. Видеони тарқатган шахсларни аниқлаш ва уларга нисбатан чора кўриш бўйича амалий ишлар бошланган.
Жаҳон банки Ўзбекистондаги жамоат биноларининг энергия самарадорлигини ошириш учун 143 млн доллар ажратди
Жаҳон банки жамоат биноларининг энергия самарадорлигини ошириш ва «яшил» энергияга инвестицияларни жалб қилиш учун 143 млн доллар кредит ажратди. Шунингдек, ландшафтлар барқарорлигини ошириш ва ўрмонларни қайта тиклаш учун 142 млн доллар тақдим этди.
Ўзбекистонга ҳавони мониторинг қилувчи 6 та автоматик станция келтирилди
Ўзбекистонга 6 та ҳавони мониторинг қилиш автоматик станцияси келтирилди. Энди ҳавонинг ҳолати тўғрисидаги маълумотлар реал вақт режимида monitoring.meteo.uz платформасида тақдим этиб борилади.
Айрим қурилиш материаллари импорти 2025 йилгача божхона тўловларидан озод этилди
Президент фармони билан Ўзбекистонга цемент, фанера, қолип ва бошқа қурилиш материалларини олиб кириш 2025 йилгача божхона тўловларидан озод қилинди. Аввалроқ давлат раҳбари ушбу чора уй-жой қурилиши таннархини пасайтиришга қаратилгани ҳақида айтганди.
Бухоро ва Навоий вилоятларида ҳам чанг-тўзонли об-ҳаво кузатилмоқда. Видео
14 апрель тонггида Хоразм вилоятида кузатилган кучли шамол ва чанг-тўзонли об-ҳаво Бухоро ҳамда Навоий вилоятларига ҳам ўта бошлади. Қизиқтепа туманида ноқулай ҳаво натижасида кўрунувчанлик 100−150 метргача қисқарди.
Ўзбекистонда дам олиш кунлари салқин бўлади
Каспий денгизидан Туркманистон орқали салқин ва нам ҳаво массаларининг кириб келиши муносабати билан дам олиш кунлари кундузи ҳаво ҳарорати +25 даражагача, кечаси эса +15 даражагача пасаяди. Шамолнинг тезлиги 25−28 м/с гача кучайиши мумкин.
Қорақалпоғистонда ўқувчиларга берилаётган егулик ичидан таблетка чиққани айтилмоқда. Бу биринчи марта эмас
Элликқалъа туманидаги 5-мактабда ўқувчиларга берилаётган озиқ овқат маҳсулотлари ичидан таблетка чиққанидан норози ота-оналарнинг хабари тармоқларда тарқалди. Ҳолат СЭС назоратига олинди. Аввалроқ, Хўжайли ҳамда Кегейли туманидаги мактаблардан бирида ҳам егулик ичидан турли буюмлар чиққанди.
Банкларда доллар курслари деярли ўзгаришсиз қолди
Тижорат банклари 14 апрель куни аҳолидан 1 АҚШ долларини 11 365 — 11 410 сўмдан сотиб олмоқда, сотиш курси эса 11 420 — 11 485 сўм.
ОАВлар Андижон вилояти ҳокими ишдан бўшатилгани ҳақида ёзди, бироқ хабар расман тасдиқланмади
Қатор интернет нашрлари, жумладан, давлат ОАВлари Андижон вилоятини қарийб 10 йил бошқарган Шуҳрат Абдураҳмоновнинг ишдан бўшатилгани ҳақида хабар берди. Аввалроқ унга тегишли дея тахмин қилинган интим видео тарқалганди. Ишдан олингани расман тасдиқланмади. Нашрлар ўз хабарларини рад эта бошлади.
Ҳайдовчилик гувоҳномасини my.gov.uz орқали расмийлаштириш тартиби жорий этилади
Миллий ҳайдовчилик гувоҳномасини Ягона интерактив давлат хизматлари портали (my.gov.uz) орқали ҳам ариза берувчиларнинг бевосита иштирокисиз расмийлаштириш тартиби жорий этилади.
Афғонистонга қўшни давлатлар унинг ҳудудида янги лойиҳаларни амалга ошириш тарафдори эканини билдирди
Афғонистонга қўшни давлатлар — Ўзбекистон, Эрон, Хитой, Покистон, Россия, Тожикистон ва Туркманистон — ТИВ раҳбарлари учрашувида томонлар ушбу давлатдаги инфратузилма ва ижтимоий-иқтисодий лойиҳаларда иштирок этишга тайёр эканлигини билдирди. Учрашувда Афғонистон ТИВ раҳбари ҳам нутқ сўзлади.
Хоразмда кучли шамол кузатилди
Хоразм вилоятининг Урганч шаҳри ва туманларида эрта тонгда чанг аралаш кучли шамол кузатилди. Айрим туманларнинг электр таъминотида узилишлар юзага келди.
13 апрель куни Ўзбекистонда содир бўлган энг муҳим хабарлар дайжести
Янги ҳафта бошидан яна ёмғир, картадан картага пул ўтказмалари солиққа тортилмаслиги, АҚШ санкциялари остида қолган Ўзбекистон фуқаролари ва компаниялар, Аграр университетнинг 21 ёшли талабаси вафот этгани, чигирткаларга қарши трансчегаравий кураш ва бошқалар — «Газета.uz»нинг кун дайжестида
Тошкент вилоятида эркак 13 ёшли қизни зўрлаганликда гумон қилинмоқда
Эркак 2019 йилнинг ёзида 13 ёшли қизни зўрлаганликда гумон қилинмоқда. Воқеадан сўнг қиз бу ҳақда ота-онасига айтишга журъат эта олмаган. Кейинроқ улар бундан хабардор бўлгач, ҳуқуқ-тартибот идораларига қайта-қайта ариза билан мурожаат қилган. Жиноят иши 2023 йилнинг 4 апрелига келибгина очилган.
Индонезияда уч нафар ўзбекистонлик изолятордан қочиб кетди
Индонезияда терроризмда айбланиб қўлга олинган уч нафар ўзбекистонлик тергов изоляторидан қочиб кетди. Қочиш чоғида улардан бири дарёда чўкиб кетди, бир қўриқчи ҳалок бўлди. Ҳуқуқ-тартибот идоралари ходимлари ўша куниёқ икки қочоқни қўлга олди.
Картадан картага пул ўтказмалари солиққа тортилмайди — Солиқ қўмитаси
Картадан картага (p2p) пул ўтказмалари учун солиқ жорий этилгани ҳақида хабарлар Солиқ қўмитаси томонидан рад этилди.
АҚШ санкциялари остида қолган Ўзбекистон фуқаролари ва компаниялар
АҚШ Алишер Усмоновнинг USM холдинги ва унга алоқадор компанияларга қарши санкциялар киритди. Улар орасида «Оҳангаронцемент», Ucell улушига эга бўлган Digital Invest ва Ўзбекистондаги маркалаш тизимининг оператори ва бошқалар бор. Шунингдек, Ўзбекистон фуқаролари ҳам санкциялар остида қолган.
Қўшимча имкониятлардан фойдаланиш учун сайтда рўйхатдан ўтинг