«Уч ҳафта умрим қолган эди»: Қозоғистонлик бемор саратон касаллиги билан қандай курашганини айтиб берди
Туркиянинг Anadolu клиникаси саратон касаллигига чалинган беморга қандай ёрдам бергани ҳақида ўртоқлашди. Ўзбекистонлик беморлар шифохонанинг Тошкентдаги ваколатхонасида бепул консультацияга ёзилишлари мумкин.
Давлат хизматлари портали (ЯИДХП) 21−24 март кунлари ишламайди
Сервер қурилмаларини кўчириш ишлари сабаб 21−24 март кунлари Ягона интерактив давлат хизматлари портали (my.gov.uz) хизматлари амалга оширилмайди. Давлат хизматлари, нотариуслар, лицензиялаш ва тадбиркорлик субъектларини рўйхатдан ўтказиш марказлари тизимлари вақтинча ишламайди.
Қорақалпоғистондаги колонияда 47 нафар маҳкумнинг жарроҳлик амалиётига эҳтиёжи борлиги аниқланди — омбудсман
Омбудсманнинг Қорақалпоғистондаги вакили 27-сонли манзил колонияда мониторинг ўтказди. Барча маҳкумлар тиббий текширувдан ўтказилганда уларнинг 47 нафарига «Остеомиелит», «Остеохондроз» ташҳислари қўйилди. Уларга стационар даво муолажалари буюрилди.
Ўзбекистон энг бахтли давлатлар рейтингида 47-ўринни эгаллади
Ўзбекистон World Happiness Report`нинг энг бахтли мамлакатлар рейтингида 7 поғона кўтарилиб, 47-ўринни эгаллади. Мамлакат МДҲ давлатлари орасида энг юқори бахт даражасига эга. Ўзбекистонликларнинг энг бахтлилари кексалар, энг бахтсизлари эса 30−44 ёшдагилардир (аксар мамлакатларда бунинг тескариси).
Янги вагонлар ишлаб чиқиш бўйича дизайнер ва муҳандислар ўртасида танлов эълон қилиш керак — президент
Президент Ўзбекистонда электропоездлар ва метро поездлари ишлаб чиқариш лойиҳаси билан танишди, поездлар дизайнини ўзгартириб, йўловчиларга қулайликни оширишни буюрди. «Ўзбекистон темир йўллари» раҳбари ушбу поездлар импорт қилинаётганларидан анча арзон эканини айтди.
Ўзгидромет ва Uzum миллий экотизими ҳамкорлик меморандумини имзолади
Uzum миллий рақамли экотизими ва Ўзбекистон Гидрометеорология хизмати ҳаво сифатини мониторинг қилиш бўйича лойиҳаларни биргаликда амалга оширишга келишиб олди.
Тошкентда ҳаво сифатини мониторинг қилувчи Air Tashkent портали ишга тушди
Энди Тошкентдаги ҳаво сифатини Air Tashkent порталида ҳам кузатса бўлади. Ҳокимлик ҳузуридаги Рақамли ривожланиш департаменти пойтахтга 10 та ҳаво сифатини назорат қилувчи станция ўрнатди (режада яна 30 та). Шунингдек, сайтда Тошкентда бўлган ёнғинлар, қозонхоналар манзили ва бошқа маълумотлар бор.
«Қайсидир корхона фикри билан бирданига чеклов киритилмайди». Рақобат қўмитаси — BYD импортини чеклаш сўрови ҳақида
Рақобат қўмитаси раиси ўринбосари Фаррух Карабаев BYD компанияси Ўзбекистон ҳукуматидан электромобиллар импортини чеклашни сўраганига изоҳ берди. «Қайсидир хўжалик субъекти фикри билан бирдан чеклов қабул қилинмайди, мувозанатли қарор қабул қилинади», — деди у. Қўмита ўз таклифини бериши айтилди.
Дам олиш кунлари Тошкентда қаерларга бориш мумкин? (21−24 март)
7 та кинопремьера, савдо марказлари ва боғлардаги байрам тадбирлари, болалар учун шоулар, театрдаги спектакллар, кўргазмалар, юмористик тадбирлар, ижодий маҳорат дарслари, Наврўз байрами ва дам олиш кунларидаги бошқа тадбирлар — Afisha.uz жамланмасида.
Нина Канделаки аёллар тадбиркорлигини ривожлантириш ҳақида гапириб берди
Herbalife минтақавий вице-президенти Нина Канделаки компания аёллар тадбиркорлигини қандай қўллаб-қувватлаётгани ҳамда Herbalife билан ҳамкорликнинг афзалликлари ҳақида ўртоқлашди.
Ўзбекистоннинг 6 та вилоятида қор кўчиш хавфи эълон қилинди
Ўзбекистонда 21−27 март кунлари кутилаётган ёғингарчилик ҳамда ҳаво ҳароратининг ўзгаришлари сабабли республиканинг бир қанча ҳудудида қор кўчиш хавфи эълон қилинди. Қамчиқ довонида қор ёғиши мумкин.
Тошкентдаги Ёшлар боғи лойиҳаси қандай кўринишда? (фото)
Сергели туманида 75 гектар майдонда 92 млн долларли Ёшлар боғи қурилмоқда. У ҳудуд жиҳатдан «Янги Ўзбекистон» боғидан сўнг иккинчи ўринда туради. Унда хиёбонлар, амфитеатр, дам олиш жойлари, экстремал спорт майдончалари ва ижарага бериладиган томорқалар бўлади. Лойиҳани якунлаш муддати — 2026 йил.
Рақобат қўмитаси «Ўзбекнефтгаз» «заправка»ларининг хусусийлаштирилиши масаласини ўрганмоқда
Рақобат қўмитаси UNG Petro ёнилғи қуйиш шохобчалари тармоғи хусусийлаштирилиши бўйича келишувни ўрганаётганини маълум қилди. Қўмита расмийси бозор концентрациясига таъсир қилувчи битимлар олдидан қўмита розилиги олиниши кераклиги, лекин қонунчиликда баъзи истиснолар борлигини айтди.
Назарбоевнинг жияни Самат Абиш январдаги намойишлар бўйича шартли қамоқ жазосига ҳукм қилинди
Қозоғистон Миллий хавфсизлик қўмитаси раҳбарининг собиқ биринчи ўринбосари, собиқ президент Назарбоевнинг жияни Самат Абиш 2022 йил январидаги намойишлар бўйича саккиз йиллик шартли қамоқ жазосига ҳукм қилинди. Суд унинг болалари борлиги ва пушанмонлигини енгиллаштирувчи ҳолатлар сифатида тан олди.
Chery автомобиллари Euro-5 ва Euro-6 халқаро экологик стандартларига жавоб беради
Chery Euro-5 экологик синфига мансуб бўлган — Arrizo 6 Pro ва Tiggo 8 Pro бензинли автомобилларини ҳамда Euro-6 экологик синфига мансуб — Tiggo 7 Pro ва Tiggo 8 Pro Max автомобилларини таклиф қилади.
Ўзбекистон ва Қирғизистон чегарасида иккита яширин ерости йўли аниқланди
Қирғизистоннинг Андижон билан чегарадош ҳудудида 2 та яширин ерости йўли аниқланди. Йўлаклардан товар-моддий бойликларни бир давлатдан бошқа давлатга олиб ўтишда фойдаланилган.
Даврон Хидоятов ва Александр Сахапов «Ўзавтосаноат» раҳбари ўринбосарлари бўлди
Даврон Хидоятов «Ўзавтосаноат» бошқарув раисининг инновация ва инвестициялар бўйича ўринбосари, Александр Сахапов эса сотувни ривожлантириш ва маркетинг бўйича ўринбосари этиб тайинланди. Хидоятов ўтган ҳафта 2021 йилдан буён ишлаб келаётган Чирчиқ шаҳри ҳокими лавозимидан кетганди.
Хoliqjon Vines ва унинг шериклари йўл белгисига қасддан шикаст етказгани учун қамалди
Ижтимоий тармоқларда Хoliqjon Vines тахаллуси билан танилган вайнер Холиқжон Самадов 7 суткага, унинг шериклари эса 5 суткага қамалди. Улар Бухорода автомобилда йўл белгисига қасддан шикаст етказиш ҳолати тасвирланган видео тарқатган.
Ҳафта охири ёғингарчиликсиз ва илиқ ўтиши кутилмоқда
Наврўз байрамида ёғингарчилик кузатилиб, ҳарорат пасайса-да, 23−24 март кунлари Ўзбекистоннинг барча ҳудудида қуёшли об-ҳаво бўлади. Ҳарорат кундузи +17…+20, баъзи жойларда 22 даража илиққачани ташкил этади.
Қўқон аэропорти 1 апрелдан ўз фаолиятини тиклайди
Қўқон аэропортини реконструкция қилиш ишлари якунланди. 20 март куни аэропорт биринчи техник парвозни қабул қилди, мунтазам парвозлар эса 1 апрелдан бошланади. Аэропорт 2001 йилдан бери фуқаролик самолётлари учун ёпилган ва ҳарбий ҳаво кучлари томонидан фойдаланилган.
Қўшимча имкониятлардан фойдаланиш учун сайтда рўйхатдан ўтинг