Мигрантларнинг пул ўтказмалари аҳоли бирламчи ва иккиламчи даромадлари ўсишини таъминлади
Марказий банк маълумотларига кўра, 2021 йилнинг 9 ойи якунлари бўйича савдо баланси манфий сальдоси 10,1 млрд долларни, бирламчи ва иккиламчи даромадларнинг ижобий сальдоси 4,8 млрд долларни ташкил этган. Натижада савдо баланси манфий сальдоси хориждан пул ўтказмалари ҳисобига қисман қопланган.
Ўзбекистон фуқароси Туркияда сиёсий ва ҳарбий жосусликда айбланиб, қўлга олинди
Туркияда чечен мухолифатчиларига қуролли ҳужум уюштиришга тайёргарлик кўрганликда айбланаётган тўрт нафар россияликлар, шунингдек Украина ва Ўзбекистон фуқаролари қўлга олинди. Бундан ташқари, улар сиёсий ва ҳарбий жосусликда ҳам айбланмоқда.
Ўзбекистонга 912 минг доза Sinovac вакцинаси олиб келинди
21 октябрь куни Ўзбекистонга COVAX дастури доирасида Sinovac вакцинасининг 912 минг дозалик партияси олиб келинди. Мамлакатга келтирилган ва ишлаб чиқарилган вакциналар миқдори 34 млн дозадан ошди.
Ўзбекистонда Хотин-қизлар маслаҳат гуруҳлари ташкил этилмоқда
Ўзбекистонда Латвия тажрибаси асосида хотин-қизлар, ёшлар, кексалар ва ногиронлиги бўлган шахсларга ёрдам кўрсатувчи маслаҳат марказлари ташкил этилмоқда. Маслаҳат гуруҳлари фаолияти Ўзбекистоннинг етти туманида тажриба тариқасида йўлга қўйилади.
Жаҳон янгиликлари дайжести
Россияда яна карантин чекловлари ўрнатилгани, Европарламентнинг Алексей Навальнийни мукофотлагани, Facebook ўз номини ўзгартирмоқчи экани, Буюк Британияда коронавируснинг «дельта» штаммидан ҳам кучлироғи тарқалгани, биткоин нархининг рекорд даражага етгани ва бошқа янгиликлар — «Газета.uz»нинг жаҳон янгиликлари дайжестида.
Президент ўзбек тилига қизиқишни кучайтириш учун кучларни сафарбар этишга чақирди
Шавкат Мирзиёев ўзбек тили байрами муносабати билан табригида «Ватанимизда яшаётган барча фуқароларимиз учун азиз ва қадрли тилга айланиши учун барча куч ва имкониятларни сафарбар этиш»га чақирди. Мамлакатда яшаётган турли миллат вакиллари ва чет элликлар учун махсус дарслик, луғат ва қўлланмалар, видео ва аудиоматериаллар ҳажмини ошириш бўйича ишларни янада кучайтириш зарур, деди у.
20 октябрь куни Ўзбекистонда содир бўлган энг муҳим хабарлар дайжести
Янги қарор қабул қилинган қарорлар, Олий Мажлис Сенатининг йигирманчи ялпи мажлиси, 1869 йилда қурилган Хўжа Порсо жоме масжиди бузиб ташланиши — «Газета.uz»нинг 20 октябрдаги энг муҳим хабарлари дайжестида.
Мирзиёев — Ортиқхўжаевни ҳоким этиб тайинланишининг сабаби ва Тошкентнинг келажаги ҳақида
Шавкат Мирзиёев Жаҳонгир Ортиқхўжаев тадбиркорлик орқали шаҳарни ривожлантириш учун Тошкент ҳокими этиб тайинланганини маълум қилди. Унга кўра, келгуси беш йилда шаҳардаги савдо майдонлари 10 баробарга ошириш, 44 та йирик савдо ва кўнгилочар марказлари ишга туширилиши ва «Ўзэкспомарказ» ҳудудида Тошкент халқаро молиявий маркази барпо этилиши режалаштирилган.
Исматулла Иргашев Афғонистонда толиблар ҳукуматини тан олиш шартларини маълум қилди
Ўзбекистон ҳозирча толиблар тузган афғон ҳукуматини тан олиш учун ҳеч қандай сабаб кўрмаяпти, деди Ўзбекистон президентининг Афғонистон бўйича махсус вакили Исматулла Иргашев. Унинг сўзларига кўра, бу қарор халқаро ҳамжамият билан келишилган ҳолда қабул қилиниши керак.
Фарзанд асраб олган оилаларни солиқлардан озод қилиш таклифи билдирилди
Миллий гвардия қўмондони фарзанд асраб олган оилаларни солиқлардан озод қилиш, қолаверса, уларга алоҳида тўловлар, имтиёзлар ёки компенсациялар тўлаб беришни таклиф қилди. «Фарзандликка олганга ҳам қандайдир пул тўловлари берилса, бола асраб олиш кескин кўпайиб кетади деган умиддамиз», — деди у. Шунингдек, болани авваламбор ўз оиласида қолдириш ёки яқин қариндошига васийликка бериш чораларини кўриш зарурлиги айтилди.
1 майгача цитрус мевалар божхона божидан озод қилинди
Ҳукумат қарори билан 2022 йил 1 майгача банан, плантайнлар, анжир, ананас, авокадо, манго, гуайява, мангостан, олма, нок, киви ва бошқа цитрус мевалар божхона божидан озод қилинди.
Долларнинг расмий курси пасайди
Долларнинг сўмга нисбатан расмий курси 20,30 сўмга пасайиб, 10 682,01 сўм этиб белгиланди. Шунингдек, евро ва рубль курслари ҳам пасайди.
Россияда 30 октябрь-7 ноябрь кунлари ишланмайдиган кунлар деб эълон қилинди
Россияда COVID-19 билан боғлиқ вазият кескинлашгани туфайли 30 октябрдан 7 ноябрга қадар ишлайнмайдиган кунлар деб эълон қилинди. Вазият «оғир» ҳудудларда ушбу муддат 23 октябрдан бошланиши мумкин.
Тошкент шаҳрида квартира нархлари 5−7 фоизга ошган
Ўзбекистонда кўчмас мулк савдолари бўйича тузилган шартномалар ўтган йилга нисбатан 17 фоизга ошди. Кўчмас мулк битимларининг умумий сонининг қарийб 40 фоизи Тошкентга тўғри келади. Тошкентда квартира нархлари ўтган чоракка нисбатан ўртача 5−7% га ошган.
Йиллаб навбатда туриш фуқароларни бола сотиб олишга мажбур қилмоқда — Рустам Жўраев
Сенатнинг 20-ялпи мажлисида Миллий гвардия қўмондони Рустам Жўраев йиллар давомида навбатда туриш фуқароларни ноқонуний йўллар билан бола сотиб олишга мажбур қилаётганини маълум қилди. У ҳозирги кунда 500 нафардан ортиқ болани асраб олишга қарийб 5800 нафар фуқаро навбатда турганини қайд этди.
Метро бекатларида савдо ва хизмат кўрсатиш майдончалари ташкил этилади
Президент қарорига кўра, метрополитен учун йил охиригача 5 та, 2022 йилда 14 та тўрт вагонли метро поездлари харид қилинади ва поездларнинг сони 80 тага етказилади. Метро бекатларида савдо ва хизмат кўрсатиш майдончалари ташкил этилиб, тадбиркорларга электрон аукцион шартларида ижарага берилади.
Ўзбекистоннинг олтин-валюта захиралари 1 млрд долларга қисқарди
Ўзбекистоннинг халқаро захиралари октябрь ойида ўтган ойга нисбатан 1,02 млрд долларга қисқарди. Йўқотишларнинг ярми олтин-валюта захирасига тўғри келса, қолган ярми валютадаги активларнинг қисқариши ҳисобига юз берган.
«Маданий мерос объектларини сақлашнинг шаффоф ҳуқуқий механизмини яратиш керак» — Танзила Нарбаева
Сенат маданий мерос объектларини сақлаш ва ҳимоясини таъминлаш бўйича давлат дастури доирасидаги ишлар тўлиқ бажарилмаётганлигини таъкидлади. Сенат қўмитаси Тошкентда маданий мерос рўйхатига киритилган айрим объектлар кўрсатилган манзилда йўқлиги, 4 та объект мавжуд эмаслигини, 56 та объектнинг кадастр ҳужжатлари бўлмаганлигини аниқлаган. Сенат раиси Танзила Нарбаева маданий мерос объектларини сақлашнинг ҳуқуқий механизмини яратиш кераклигини қайд этди.
Халқаро қидирувда бўлган икки ўзбекистонлик Жанубий Кореядан экстрадиция қилинди
Интерпол Ўзбекистонда фирибгарлик қилгани учун халқаро қидирувда бўлган икки фуқарони Жанубий Кореяда қўлга олиб, Ўзбекистонга экстрадиция қилди. «Энди улар қилмишлари учун судда жавоб беришларига тўғри келади», — дейилади хабарда.
Тошкент метросига хорижий тажрибага эга консультантлар жалб қилинади
Тошкент метрополитени бошлиғига рақамлаштириш бўйича ўринбосар лавозимига чет эллик мутахассис, ер ости йўллари самарадорлигини ошириш стратегиясини ишлаб чиқиш учун хорижий тажрибага эга консультантлар жалб қилинади.
Қўшимча имкониятларга эга булиш учун сайтда рўйхатдан ўтинг