Жамият
«1000 китоб» лойиҳаси учун менежерлар ишга олиниши эълон қилинди
«Ёшлар учун 1000 китоб» лойиҳаси 2024 йили 50 та илмий-оммабоп китобни ўзбекчага ўгирди. 2025 йилда бадиий ва болалар адабиётлари ҳам таржима қилиниши режалаштирилган. Ҳозирда лойиҳа учун контент-менежер ва ташкилий-молиявий менежер изланмоқда. Номзодларга, жумладан, юқори маош таклиф қилинади.
Ҳудудларда қўлбола алкоголь маҳсулотлари ишлаб чиқараётган ва сотаётганлар ушланди
Қорақалпоғистон ва Тошкент вилоятида қўлбола алкоголь маҳсулотлари муомалага киритилишининг олди олинди. Хусусан, Янгийўл туманида яширин цех ташкил этган фуқаронинг уйидан «Ўзбегим» номли қўлбола алкоголь маҳсулотлари ва 120 литр спирт ашёвий далил сифатида олинди.
Тошкент рамзларига чизгилар: «Чорсу» меҳмонхонаси
Тошкент марказида жойлашган, бир вақтлар шаҳар рамзи ва меъморлар ифтихори ҳисобланган «Чорсу» меҳмонхонаси бугун қаровсиз қолиб, бузилмоқда. «Газета.uz» реконструкцияси амалга ошмаган совет модернизми ёдгорлигининг тарихи, тараққиёти ва таназзули ҳақида ҳикоя қилади.
Жасжан номи билан танилган блогер беш суткага қамалди
Тошкентда Жасжан номи билан танилган блогер Instagram`га видео олиш учун жамоат жойида бир қиз билан жанжал уюштирди. Суд унга 5 сутка маъмурий қамоқ жазоси, қизга эса 375 минг сўм жарима тайинлади. Блогер аввал ҳам бир неча бор қамоқ жазосини ўтаб чиққан.
Энди жойлашган ери ўзгарган тадбиркорларни қайта рўйхатдан ўтказганлик учун давлат божи ундирилмайди
Ўзбекиситонда юридик шахсларнинг жойлашган ери ўзгарганда улар қайта давлат рўйхатидан ўтказганлик учун давлат божини тўлашдан озод этилди. Шунингдек, суғурта қилдирувчилар суғурта шартномаларидан келиб чиқадиган даъволар юзасидан судга мурожаат қилганда давлат божини тўламайдиган бўлди.
14 январь куни эълон қилинган энг муҳим янгиликлар дайжести
БААнинг сунъий интеллект тажрибасини ўрганадиган Ўзбекистон, «Бешёғоч» бозорини бизнес марказига айлантириш таклифи, «адолатли рақобат» бўйича хавотирларни рад этган Paynet, халқаро мукофот ғолиби бўлган президент мактаби ва бошқалар — «Газета.uz»нинг кунлик дайжестида.
Туркияда 6 нафар ўзбекистонлик спиртли ичимликдан заҳарланиб ҳалок бўлди
Туркиянинг Истанбул шаҳрида 35−40 ёш атрофидаги 6 нафар Ўзбекистон фуқароси қалбаки спиртли ичимлик истеъмоли оқибатида заҳарланди ва вафот этди. Бош консулхона мамлакатдаги ўзбекистонликларга мурожаат қилди.
Сўровнома: Ўзбекистонда хотин-қизлар ҳам армияга бориши керакми?
Ватан ҳимоячиси деганда фақат эркаклар тушунилиши керакми? Аёллар-чи? Ўзбекистонда хотин-қизлар ҳам ҳарбий хизматга бориши керакми? «Газета.uz» мухбири 14 январь — Ватан ҳимоячилари куни муносабати билан Тошкент аҳолисининг бу борадаги фикрларига қизиқди.
«Барчамиз — қайси соҳада ишламайлик, Ватан ҳимоячиси бўлишимиз зарур» — Шавкат Мирзиёев
Шавкат Мирзиёев Ватан ҳимоячилари куни муносабати билан табрик йўллади. «Бугунги кунда барчамиз — қайси соҳа, қандай лавозимда ишламайлик, Ватан ҳимоячиси бўлишимиз зарур. Бу талабни даврнинг ўзи олдимизга қатъий вазифа қилиб қўймоқда ва халқимиз ҳам биздан айнан шуни кутмоқда», дейилади табрикда.
Депутатлар Ўзбекистонда букмекерлик ва қимор ўйинларини қонунийлаштириш бўйича тузатишларни қабул қилди
Депутатлар Ўзбекистонда букмекерлик фаолиятини қонунийлаштириш тўғрисидаги қонунни қабул қилди. Депутат Илҳом Абдуллаев қимор ўйинларини реклама қилиш бўйича чекловлар белгиланмагунча букмекерлар фаолиятига рухсат бермаслик кераклигини таъкидлади.
Самарқандда ерусти метроси қурилиши мумкин
Самарқанд шаҳрида 6 км узунликдаги ерусти метроси қурилиши режалаштирилмоқда. Метро янги қуриладиган «Ширин» замонавий ишбилармонлик маркази ҳудудида бўлади.
Салим Абдувалиев спорт курашлари ассоциацияси раҳбарлигидан кетди
Спорт курашлари ассоциациясига раҳбарлик қилиб келган Салим Абдувалиев лавозимдан кетди. Бош прокурор Ниғматилла Йўлдошев ассоциация раиси этиб сайланди.
Самарқанд шаҳри, Самарқанд ва Оқдарё туманлари чегаралари ўзгартирилмоқда
Қонунчилик палатаси депутатлари Самарқанд шаҳри, Самарқанд ва Оқдарё туманлари чегараларини ўзгартириш тўғрисидаги қонун лойиҳасини қабул қилди.
Тошкентдаги президент мактаби Zayed Sustainability Prize мукофотининг «Глобал ўрта мактаблар» номинациясида ғолиб бўлди
Тошкентдаги президент мактаби ёмғир сувини кундалик фойдаланиш учун қайта ишлаш лойиҳаси билан Zayed Sustainability Prize мукофотининг «Глобал ўрта мактаблар» номинациясида ғолиб бўлди. Лойиҳани амалга ошириш учун пул мукофоти — 150 минг доллар. Ғолибларни Шавкат Мирзиёев ҳам табриклади.
Ўзбекистонда 500 нафар раҳбар шахсларнинг коррупцияга мойиллиги даражаси баҳоланади
Раҳбар кадрларни баҳолаш марказида 500 нафар раҳбарлик лавозимларда ишлаётганларнинг коррупцияга мойиллиги даражаси баҳоланиши режалаштирилган. Бундан ташқари, БМТ Коррупцияга қарши конвенцияси, халқаро ташкилотлар томонидан билдирилган тавсияларни бажарилиши мониторинг қилинади.
Хавфли маҳсулотлар ва кимёвий моддалар импорти устидан назорат кучайтирилади
Ҳукумат қарори билан Ўзбекистон ҳудудида хавфли маҳсулотлар ва кимёвий моддалар муомаласи билан боғлиқ назорат янада кучайтирилиши белгиланмоқда. Ҳужжат билан республикага импорт қилиниши тақиқланган хавфли маҳсулотлар ва чиқиндилар рўйхати тасдиқланди.
Mobiuz «Чексиз мулоқот ярим нархда» акциясини тақдим этмоқда
Xotirjam тарифларига уланганлар 3 ой давомида абонент тўловига 50%, шунингдек, чиройли рақамларга чегирмалар олади.
2024 йилда Тошкент аҳолисининг Xalq nazorati’га мурожаатларининг асосий қисми УЖКХга доир бўлди
Xalq nazorati хизмати 2024 йилдаги фаолияти натижаларини тақдим этди. Тошкент аҳолиси ўтган йилгидан 1,5 карра кўп мурожаат юборди, 89,6 фоизи кўриб чиқилди ва ёпилди. Аксарияти коммунал хўжалиги муаммолари билан боғлиқ, 20 фоизи дарахт кесиш ва чиқинди, 10 фоизга яқини йўл ва тротуар ҳолатига оид.
Наманган ва Андижонда жами 3 млрд сўмлик электр энергиясидан ноқонуний фойдаланилгани аниқланди
Наманганнинг Чуст туманида тадбиркорлар ўзбошимчалик билан тармоққа уланиш орқали 2,1 млрд сўмлик электрдан ноқонуний фойдаланди. Андижон шаҳрида таълим муассасаси 892 млн сўм зарар етказди. Икки ҳолат юзасидан жиноят ишлари қўзғатилди.
Фирибгарликда айбланиб, қидирувда бўлган ўзбекистонлик Туркиядан депортация қилинди
Автомобиль олди-сотдисида фирибгарлик жиноятларини содир этганликда айбланиб 2015 йилдан буён қидирувда бўлган Ўзбекистон фуқароси Туркиядан депортация қилинди. Истанбулдаги бош консулхона ундан жабр кўрган фуқаролардан ИИВга мурожаат қилишни сўради.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг