Спорт
Ўзбекистон футболини қўллаб-қувватлаш жамғармаси тузилади
Ўзбекистон футболини қўллаб-қувватлаш жамғармаси тузилади, ҳудудий ассоциацияларига вилоят ҳокимлари раҳбар бўлади. Футбол бўйича мутахассисларни тайёрлаш марказига Хорватия, Япония давлатидан мутахассислар жалб қилинади. Ҳомийлик қилган фуқароларга хорижий турнирларда иштирок этиш имкони берилади.
Буюк Британия Ўзбекистонда ўтказиладиган бокс бўйича жаҳон чемпионатини бойкот қилди
Буюк Британия бокс федерацияси май ойида Тошкентда бўлиб ўтадиган эркаклар ўртасидаги жаҳон чемпионатига бойкот эълон қилди. Бундай қарорга Россия ва Беларусь спортчиларининг ўз мамлакат байроқлари остида мусобақада қатнашиши сабаб бўлган.
Ўзбекистонлик таэквондочилар «Катта дубулға» мусобақасида 3 та медаль олди
Таэквондо WТ бўйича «Катта дубулға» мусобақасида ўзбекистонлик таэквондочилар 2 та олтин ва 1 та бронза медалини қўлга киритди. Токио олимпиадаси чемпиони Улуғбек Рашитов ва Жасур Жайсунов турнир ғолибига айланди. Светлана Осиповада эса бронза медали бор.
Тахмина Икромова бадиий гимнастика бўйича Жаҳон кубогининг 2-босқичида 3 та медаль олди
Болгарияда ўтган бадиий гимнастика бўйича Жаҳон кубогининг 2-босқичида Тахмина Икромова 1 та олтин ва 2 та бронза медалларини қўлга киритди. У Грецияда ўтган 1-босқичда кумуш медални олганди. Мусобақанинг 3-босқичи Тошкентда бўлади.
Қироличанинг юриши: Аёллар шахмати жаҳонда ва Ўзбекистонда
Хитойнинг Чунцин шаҳрида аёллар шахмати бўйича жаҳон чемпионати ўтказилмоқда. Ўзбекистонликлар эркаклар терма жамоаси ўйинларини диққат билан кузатади, аёллар жамоаси эса сояда қолиб кетмоқда. Аёллар шахматининг хусусиятлари ва ўзбек шахматчи қизлари ҳақида мураббий Георгий Шванов ҳикоя қилади.
ФИФА Индонезияни U-20 жаҳон чемпионати мезбонлигидан маҳрум қилди
ФИФА Индонезияни U-20 жаҳон чемпионати мезбонлигидан четлатишга қарор қилди. Мамлакат аҳолиси Исроил терма жамоасининг турнирда қатнашишига рухсат бермасликни талаб қилган. 31 мартга белгиланган қуръа ташлаш маросими ҳам сурилган. Турнирга қайси давлат мезбонлик қилиши ҳозирча номаълум.
Ўзбекистонлик ҳарбийлар АҚШдаги халқаро мусобақада ғолиб бўлди
АҚШнинг Миссисипи штатида ўтказилган «Энг илғор жангчи-2023» мусобақасида Мудофаа вазирлиги ҳарбий хизматчилари — Турсунов Анвар ва Азамат Кенжаев ғолиб бўлди. Улар оммавий қирғин қуролларидан ҳимояланиш, жисмоний тайёргарлик синовлари, артиллерия оловини бошқариш, иншо ёзиш каби шартлардан ўтган.
Навбаҳор Ҳамидова рақибининг дисквалификация қилиниши ҳисобига ЖЧда бронза медалини олди
Бокс бўйича Ҳиндистонда ўтган ЖЧда ўзбекистонлик Навбаҳор Ҳамидова чорак финалда жазоирлик Имане Хелифга ютқазиб қўйганди. Бироқ ярим финалчи Хелиф генетик ҳолати сабабли ўйиндан дисквалификация қилинди. Натижада бронза медали ўзбекистонлик спортчига насиб этди.
Диёра Келдиёрова Тбилисидаги «Катта дубулға» турнирида олтин медални қўлга киритди
Ўзбекистонлик дзюдочи Диёра Келдиёрова Тбилисида дзюдо бўйича «Катта дубулға» турнирида Токио-2020 Олимпиадаси чемпиони Дистрия Красничини мағлуб этиб, олтин медални қўлга киритди.
Равшан Эрматов ва Ойбек Касимов ОФК қўмиталари раисларига ўринбосар бўлди
Осиё футбол конфедерациясининг юридик қўмитаси раисига Ўзбекистон МОҚ бош котиби Ойбек Касимов ўринбосар бўлди. ЎФА биринчи вице-президенти Равшан Эрматов эса ҳакамлар қўмитаси раисига ўринбосар этиб тайинланди.
«Президент совғаси». U-20 Осиё кубоги чемпионларига Gentra автомобиллари топширилди
U-20 Осиё кубогида ғолиб чиққан Ўзбекистон ёшлар терма жамоаси футболчи ва мураббийларига «Президент совғаси» ёзуви туширилган Gentra автомобиллари топширилди.
Хоккей: Ўзбекистон U-18 жамоаси Осиё ва Океания чемпиони бўлди
Хоккей бўйича 18 ёшгача бўлган Ўзбекистон ўсмирлар терма жамоаси Осиё ва Океания чемпиони бўлди.
U-20: Ўзбекистон Осиё чемпиони бўлди
U-20 Осиё кубоги финалида Ўзбекистон терма жамоаси Ироқни 1:0 ҳисобида мағлуб этиб, Осиё чемпиони бўлди.
ЕЧЛ чорак финал жуфтликлари маълум бўлди
ЕЧЛнинг ¼ финал баҳсларига қуръа ташланди. Унга кўра, чорак финалда «Манчестер Сити» — «Бавария», «Реал Мадрид» — «Челси», «Милан» — «Наполи», «Интер» — «Бенфика» клублари ярим финал учун баҳслашади.
U-20: Ўзбекистон Жанубий Кореяни енгиб, финалга йўл олди
U-20 Осиё кубогининг ярим финалида Ўзбекистон ва Жанубий Корея ўртасидаги учрашув пенальтилар сериясигача давом этди. Якунда 3:1 ҳисоб билан Ўзбекистон футбол терма жамоаси финалга йўл олди.
Россия Марказий Осиё футбол ассоциацияси чемпионатида иштирок этиши мумкин
Футбол бўйича Россия терма жамоаси июнь ойида Тошкент ва Бишкекда бўлиб ўтадиган Марказий Осиё футбол ассоциацияси турнирида иштирок этиши мумкин.
Янина Кускова Италиядаги велопойгада кумуш медални қўлга киритди
Ўзбекистонлик велопойгачи Янина Кускова Италияда ўтказилган велошоссе бўйича кўпкунлик пойгада кумуш медалга эга чиқди. Спортчи, шунингдек, мусобақанинг «Энг яхши ёш пойгачиси» деб топилди.
Футбол: Ўзбекистон U-20 Осиё кубоги ярим финалига чиқди ва ЖЧ йўлланмасини қўлга киритди
Ўзбекистон 20 ёшгача бўлган ёшлар терма жамоаси футболчилари австралиялик рақибларини мағлуб этиб, Осиё кубоги ярим финалига йўл олди. Қолаверса, терма жамоа жаҳон чемпионати йўлланмасини қўлга киритди.
Оксана Чусовитина спорт гимнастикаси бўйича Жаҳон кубогида кумуш медални қўлга киритди
47 ёшли атлет Оксана Чусовитина Бокуда ўтаётган спорт гимнастикаси бўйича Жаҳон кубогининг 3-босқичида кумуш медалга эга чиқди. Бунгача ўтган 2 босқичда у 2 та бронза медалига сазовор бўлганди.
Қиличбозлик бўйича Осиё чемпионатида Ўзбекистон терма жамоаси 9 та олтинга эга бўлди
Қиличбозлик бўйича ўсмирлар ва ёшлар ўртасида ўтказилган Осиё чемпионатини Ўзбекистон терма жамоаси жами 16 та — 9 та олтин, 3 та кумуш ва 4 та бронза медали билан якунлади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг