Arxiv
Toshkent aeroporti yaqinidagi 1422 daraxt ko‘prik rekonstruksiyasi sababli ko‘chirilishi mumkin
Toshkent aeroporti yaqinidagi ko‘prik rekonstruksiyasi sababli 1422 daraxt boshqa hududga ko‘chirilishi mumkin. Shundan 69 tupi loyihaning birinchi bosqichida jamoatchilik roziligi bilan aeroport yaqinidagi bog‘ga o‘tkaziladi. Ko‘chiruvchi kompaniya daraxtlarning 100 foiz yashab ketishiga va’da berdi.
UzAuto Motors oxirgi shartnomalar nima uchun faqat avtosalonlarda tuzilganini tushuntirdi
O‘tgan haftada UzAuto Motors o‘z avtomobillari uchun shartnomalarni qayta ochdi. Ikki soat ichida 28 ming avtomobil uchun ariza topshirildi. Biroq shartnomalar faqat avtosalonlarda tuzildi, bu esa yana uzun navbatlarni yuzaga keltirdi. Kompaniya bu qarorini olibsotarlarga qarshi kurash bilan izohladi.
O‘zbekistonda bo‘lajak shifokorlardan robot-simulyatorlar imtihon oladi
O‘zbekistonda 2023/2024 o‘quv yilidan boshlab bakalavriat, magistratura va klinik ordinatura bosqichlari talabalarining nazariy hamda amaliy bilim-ko‘nikmalari inson omilisiz, maxsus robot-simulyatorlar orqali baholanadi.
O‘zbekistonda “mahalla yettiligi” tashkil etildi. Tizim esa to‘liq raqamlashtiriladi
Mahallalarning boshqaruv xodimlari soni soliqchi va ijtimoiy xodim qo‘shilishi hisobiga 5 tadan 7 taga ko‘paydi. Mahallaning o‘zida 70 dan ortiq masala, jumladan, moddiy yordam va kreditlar hal etiladi. Tizim esa to‘liq raqamlashtiriladi. Shuningdek, mahalla raisining vakolatlari kengayadi.
BMT rahbari dunyoda yadroviy qurollarni yo‘q qilishga chaqirdi
Dunyodagi yadroviy tahdid geosiyosiy raqobat tufayli sovuq urush darajasiga yetdi, dedi BMT bosh kotibi Antoniu Guterrish. U xalqaro hamjamiyatni yadroviy qurollarni yo‘q qilishga va uni tarqatmaslik rejimini kuchaytirishga chaqirdi.
O‘zbekiston SSV Samo kompaniyasidan qariyb 22 mlrd so‘mlik yod preparatini tendersiz sotib olgan
O‘zbekiston Sog‘liqni saqlash vazirligi Samo kompaniyasidan tendersiz 3,55 mln quti “Antistrumin” (kaliy yodid) preparatini qariyb 22 mlrd so‘mga sotib olgan. 2022-yilda dorining bir qadog‘i 5500 so‘mdan xarid qilingan bo‘lsa, joriy yilda 6500 so‘mdan sotib olingan. Chakana savdoda esa 3000 so‘mdan sotilgan.
26-sentabr kuni O‘zbekistonda sodir bo‘lgan eng muhim voqealar dayjesti
Yodid ichganidan so‘ng xastalangan bolalarning ota-onalari bilan suhbat, Kompromatuzb ishi bo‘yicha sud hukmi, Farg‘onada 83 toshbaqani chegaradan olib chiqishga uringanlar, “garmoshka"li elektrobus qatnovi, ko‘ylagi uchun ogohlantirilgan aktrisa Nilufar Hamidova va boshqalar — “Gazeta.uz"ning kun dayjestida.
Toshkent viloyatida Tyan-Shan qo‘ng‘ir ayig‘i fermerning ikki bosh qo‘yini olib ketdi
Toshkent viloyatining Parkent tumanida Tyan-Shan qo‘ng‘ir ayig‘i aniqlandi. Ayiq qishloqqa ozuqa izlab kelib, fermerning ikki bosh qo‘yini olib ketdi. Ekologiya boshqarmasi xodimlari jonivor aniqlangan hududni nazoratga oldi.
SSV Prezident administratsiyasi intervyu berishni taqiqlamaganini ma’lum qildi
O‘zbekiston SSV Prezident administratsiyasi vazirga “Antistrumin” qabul qilgan bolalarda nojo‘ya ta’sirlar kuzatilayotgani bilan bog‘liq vaziyat haqida intervyu berishni taqiqlamaganini ma’lum qildi. Bu haqda avvalroq jurnalistlarga o‘zini vazir yordamchisi deb atagan shaxs aytgan edi.
O‘zbekiston mudofaa vaziri Pokiston harbiy delegatsiyasi bilan uchrashdi
O‘zbekiston mudofaa vaziri Bahodir Qurbonov Pokiston Shtab boshliqlari birlashgan qo‘mitasi raisi Saxir Shamshad Mirza boshchiligidagi harbiy delegatsiyani qabul qildi.
BYD Jizzax viloyatida gibrid va elektr avtomobillar ishlab chiqarishni rejalashtirmoqda
Xitoyning BYD kompaniyasi Jizzax viloyatida gibrid va elektr avtomobillar ishlab chiqarishni yo‘lga qo‘yish, uning quvvatini 300 ming donaga yetkazishni rejalashtirmoqda. Shuningdek, O‘zbekistonga elektrobuslarini yetkazib berish va ularga xizmat ko‘rsatish bo‘yicha muhandislik-servis markazlarini ochish ko‘zda tutilgan.
FAO O‘zbekistonga chigirtkaga qarshi kurashishni yaxshilash uchun avtomobillar topshirdi
Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) chigirtkaga qarshi kurashishni yanada yaxshilash uchun O‘zbekistonga Toyota Hilux avtomobillarini topshirdi.
Tog‘li Qorabog‘dagi portlash oqibatida 20 kishi halok bo‘ldi, 300 ga yaqin odam jarohatlandi
Tog‘li Qorabog‘dagi Stepanakert shahri yaqinida yonilg‘i omborining portlashi oqibatida kamida 20 kishi halok bo‘ldi, 290 kishi jarohatlandi, ularning ko‘pchiligi og‘ir ahvolda. Tan olinmagan respublika vakillarining xabar berishicha, ombor Qorabog‘dan Armanistonga ketayotganlarni benzin bilan ta’minlagan.
Kompromatuzb ishi: Xurshid Daliyev va Siyovush Hoshimov 7 yilga qamaldi
Kompromatuzb Telegram kanaliga aloqador jurnalistlar — Human.uz direktori Xurshid Daliyev va “O‘zbekneftgaz” sobiq matbuot kotibi Siyovush Hoshimov 7 yilga ozodlikdan mahrum qilindi. Bandlik vazirligining sobiq matbuot kotibi Mavjuda Mirzayevaga esa 5 yil muddatga ozodlikni cheklash jazosi tayinlandi.
Jurnalistlardan yuzlab bolalarning kasalxonaga yotqizilishi masalasini “kovlamaslik” so‘raldi
Namanganda jurnalistlar shifoxonaga yotqizilgan bolalar bilan bog‘liq vaziyatni yoritish bo‘yicha rasmiylar bilan tortishdi. O‘zini SSV rahbari yordamchisi sifatida tanishtirgan shaxs vazirga intervyu berish taqiqlanganini aytdi. “Bolalar kasallanayotgan paytda sukut saqlab bo‘lmaydi”, deb javob berdi jurnalistlar.
“Biz kimga va qayerga investitsiya kiritishni buyuradigan darajada boy emasmiz” — O‘zbekiston bosh vaziri o‘rinbosari
Geosiyosiy vaziyat shuni ko‘rsatmoqdaki, savdo hamkorligida faqat bitta davlatga tayanib bo‘lmaydi — bu ishonchli emas, dedi bosh vazir o‘rinbosari Jamshid Xodjayev. Uning so‘zlariga ko‘ra, O‘zbekiston savdo sheriklari va investitsiyalarini, jumladan, “iqtisodning nozik tarmoqlarida” diversifikatsiya qilishga intiladi.
Madaniy meros obyekti bor hududlarga bir martalik plastik mahsulotlarni olib kirish taqiqlanishi mumkin
Moddiy madaniy meros obyekti joylashgan hududlarga bir martalik plastik mahsulotlarni olib kirish, sotish va ishlab chiqarishni taqiqlovchi qonun loyihasi muhokamaga qo‘yildi. Bu huquqbuzarlikni ko‘p miqdorda sodir etish fuqarolarga BHMning 25 baravarigacha (hozirda 8,25 mln so‘m) jarima solishga sabab bo‘ladi.
“Bizni dori haqida ogohlantirishmadi” — Toshkentda kaliy yodid ichganidan so‘ng xastalangan bolalarning ota-onalari
Toshkentda o‘nlab bolalar RSHTYOIM toksikologiya bo‘limiga zaharlanish alomatlari, isitma, oshqozon buzilishi bilan yotqizildi. Ota-onalar ular yod ichganidan so‘ng xastalanganini ma’lum qilmoqda. Shifokorlar esa holatning preparat bilan hech qanday aloqasi yo‘qligini aytdi. “Gazeta.uz” vaziyatni o‘rgandi.
Qozog‘istonda 21 yoshdan kichiklarga energetik ichimliklar sotish taqiqlanishi mumkin
Qozog‘iston sog‘liqni saqlash vaziri mamlakatda 21 yoshgacha bo‘lgan shaxslarga energetik ichimliklar sotish taqiqlanishi haqidagi qonun ko‘rib chiqilayotganini ma’lum qildi. Vazirning ta’kidlashicha, qonun loyihasi yaqin kunlarda Senatga yuboriladi.
Sergelida ikki yuk mashinasi va Cobalt to‘qnashishi oqibatida ikki kishi jarohatlandi
Toshkent shahrining Sergeli tumanida MAN va HOWO yukmashinalari hamda Cobalt ishtirokida yo‘l-transport hodisasi sodir bo‘ldi. Oqibatda yuk mashinalari haydovchilari jarohat oldi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting