Urganch tumanida bojxonachilar Xalqaro tabiatni muhofaza qilish ittifoqining Qizil ro‘yxatiga kiritilgan 47 dona bug‘u va 3 dona jayron shoxlarini olib ketayotgan shaxslarni aniqladi.
Zargarlik ishi yo‘nalishi bo‘yicha maxsus o‘quv kurslarini muvaffaqiyatli tugatib, sertifikat olgan shaxslarga va uzoq muddatga qishloq xo‘jaligiga mo‘ljallangan yer maydonlarini ijaraga olgan dehqon xo‘jaliklari hamda kichik tadbirkorlarga 50 mln so‘mgacha garovsiz kreditlar ajratiladi.
Qashqadaryo viloyati 1-sonli asab-ruhiy kasalliklar dispanseri bosh shifokori vazifasini bajaruvchi shaxs fuqaroning kasallik tarixini to‘ldirib, uni ruhiy kasal sifatida qayd etish uchun 4,3 mln so‘m olayotgan vaqtida gumondor sifatida qo‘lga olindi.
Bayramona osh, somsa-sho‘rva, “Atirgul” manti, filo xamiridan pistali paxlava, asalli qush tili va boshqalar — Zira.uz mazali va noodatiy bayramona taomlar ro‘yxatini taqdim etadi.
21-aprel tongida O‘zbekistondagi mavjud 2100 ortiq masjidlarda Ramazon hayiti namozi o‘qildi. “Gazeta.uz” muxbiri Toshkent shahridagi Mulla Qosim jome masjididan fotoreportaj tayyorladi.
Prezident farmoni bilan jazo muddatini o‘tayotgan 541 kishi afv etildi. Ularning orasida 36 nafar chet el fuqarosi, 136 nafar ayol, 75 nafar 60 yoshdan oshgan erkak hamda 6 nafar taqiqlangan tashkilotlar faoliyatida qatnashganlar bor.
Qashqadaryodagi yo‘llardan birining chetiga avariyaga uchragan avtomobil o‘rnatildi. O‘zbekiston IIV YHXBBning ma’lum qilishicha, bu yo‘llardagi baxtsiz hodisalarning oldini olishga yordam beradi.
Ramazon hayiti sanasi e’lon qilinganidan so‘ng Toshkentda va shahardan chiqishda uzoq tirbandliklar yuzaga keldi, shaharlararo transport narxlari ko‘tarildi, biznesda esa kimdadir buyurtmalar bekor qilingan bo‘lsa, ba’zilarda mijozlar oqimi ko‘paydi.
Ramazon hayitida 4 kun dam, Toshkentda 17 yoshli qizga hujum qilgan erkak, aholiga bepul tarqatiladigan 500 tonna elita kartoshka urug‘i, Nukus voqealari bo‘yicha sudlanganlarning apellyatsiyalari Toshkentda ko‘rib chiqilishi, nomi oqlangan qatag‘on qurbonlari ro‘yxati va boshqalar — “Gazeta.uz”ning kun dayjestida.
O‘zbekiston prezidenti Ramazon hayiti tabrigida vijdon erkinligini qaror toptirish, diniy-ma’naviy qadriyatlarni tiklash borasidagi sa’y-harakatlar izchil davom etayotganini ta’kidladi. Joriy yilda cheklovlar olib tashlanishi tufayli 31 mingdan ortiq o‘zbekistonlik Makka va Madinaga umra ziyoratiga bordi.
Click Ramazon hayitida zamonaviy texnologiyalardan foydalangan holda ixtiyoriy ehsonlarni qanday amalga oshirish mumkinligi haqida so‘zlab berdi.
Toshkent shahar IIBB 17 yoshli o‘quvchi qizga hujum qilgan erkak qo‘lga olinganini ma’lum qildi. Ushbu shaxs Samarqand viloyatida yashovchi 26 yoshli fuqaro bo‘lib chiqdi.
Investitsiyalar, sanoat va savdo vaziri Laziz Qudratov “Markaziy Osiyo — Xitoy” tashqi iqtisodiy va tashqi savdo faoliyatiga mas’ul vazirlarning birinchi yig‘ilishida 2023-yilning ikkinchi yarmida O‘zbekistonda Markaziy Osiyo va Xitoy hududlari rahbarlari forumini o‘tkazishni taklif qildi.
Endi “Turonbank” orqali faqat pasport evaziga birlamchi va ikkilamchi bozordan istalgan avto, shuningdek elektromobillar uchun ham kredit rasmiylashtirish mumkin. Kreditlarni olish qobiliyatini aniqlash uchun esa bankka kelish shart emas, MyTuron mobil ilovasi orqali onlayn aniqlasangiz bo‘ladi.
Ijtimoiy tarmoqlarda bir erkak ko‘chada ketayotgan o‘quvchi qizga hujum qilgani aks etgan video tarqaldi. Qayd etilishicha, hodisa Toshkent shahrining Mirobod tumanida sodir bo‘lgan. Erkakning shaxsi aniqlanmoqda.
YeIning inson huquqlari bo‘yicha maxsus vakili Eymon Gilmor O‘zbekistonga ilk bor tashrif buyurib, adliya, ichki ishlar vazirlari va bosh prokuror, shuningdek, mamlakat prezidenti bilan uchrashuvlar o‘tkazmoqda. “Gazeta.uz” undan tashrif maqsadi va O‘zbekistondagi inson huquqlari ahvolini qanday baholashini so‘radi.
Oliy sud 3 ta jinoyat ishi bo‘yicha surgun qilingan va otilgan 208 nafar qatag‘on qurbonining nomini oqladi. Ularning aksariyati Qashqadaryo va Samarqand viloyatlarida yashagan. 2021−2023-yillar davomida sovet davrida qatag‘on qilingan jami 408 nafar o‘zbekistonlik oqlandi.
21-aprel kuni Toshkent shahridagi 116 ta masjidda hayit namozi o‘qilishi kutilmoqda. Shu kuni soat 00:00 dan 07:30 gacha poytaxtning ayrim ko‘chalarida avtotransport vositalari harakati to‘xtatiladi (ro‘yxat).
Toshkentda Nukus voqealari bo‘yicha birinchi sud jarayonida qatnashgan 22 nafar mahkumdan 16 nafarining apellatsiya ishi ko‘rib chiqiladi.
Poytaxtda “Daraxtlarni asraylik” shiori ostida ekoaksiyaga start berildi. Unda daraxtlar beton, asfalt va sun’iy qoplamalardan tozalanadi. Aksiya dastlab Olmazor tumanida, so‘ng bir oy ichida boshqa barcha hududlarda o‘tkaziladi. Keyinchalik uni butun O‘zbekiston bo‘ylab o‘tkazish rejalashtirilmoqda.
Qo‘shimcha imkoniyatlarga ega bulish uchun saytda ro‘yxatdan o‘ting