«Quruq gap va yolg‘on hisoboti uchun». Prezident — Jahongir Ortiqxo‘jayev nega ishdan bo‘shatilgani haqida
Shavkat Mirziyoyev Toshkent shahri hokimi Jahongir Ortiqxo‘jayevni lavozimidan ozod etganiga tushuntirish berdi. «Quruq gap, yolg‘on „svodka“ bilan pastga tushmagani uchun kechasi shtabda ishdan oldim», — dedi prezident.
O‘zbekistondagi mahallalarda issiq ovqat tarqatish punktlari tashkil etiladi
Shavkat Mirziyoyev 16 yanvardagi yig‘ilishda «Saxovat va ko‘mak» jamg‘armasidan yolg‘iz qariyalar, ko‘p farzandli ehtiyojmand oilalarga issiq kiyim, oziq-ovqat tarqatish, eng og‘ir hollarda ularni sharoiti bor joylarga joylashtirish, mahallalarda issiq ovqat tarqatish punktlarini tashkil etish topshirdi.
«Tizim ichidan yemirilgan». Prezident — energetika tizimidagi korrupsiyalar haqida
O‘zbekistonda oxirgi oylarning o‘zida neftgaz va energiya nazorati tizimlarida 192 ta korrupsiya holatlari aniqlangani ham «tizim ichidan yemirilganidan» dalolat beradi, dedi prezident. DXX va Bosh prokuraturaga tizimdagi korrupsiya holatlarini bartaraf etish choralarini ko‘rish bo‘yicha topshiriqlar berdi.
Prezident Singapurga tashrifi muddatini qisqartirdi
Shavkat Mirziyoyev energetika va kommunal tizimlarda yuzaga kelgan ahvol sabab Singapurga tashrif davomiyligini 3 kundan 1 kunga qisqartirdi. Safar 16−18 yanvar kunlariga mo‘ljallangandi.
Zoyir Mirzayev qat’iy ogohlantirildi, Chirchiq hokimiga «hayfsan» berildi
Shavkat Mirziyoyev raisligidagi selektorda Toshkent viloyati hokimi ogohlantirildi, Chirchiq shahar hokimiga «hayfsan» berildi. Shuningdek, «Hududiy elektr tarmoqlari» rahbari Mustafoyev, «Uztransgaz» rahbari Normatov va «O‘zbekneftgaz» rahbari Abdullayev ham lavozimidan ozod etildi.
Poytaxt hokimi Jahongir Ortiqxo‘jayev ishdan bo‘shatildi
Shavkat Mirziyoyev aholini energiya bilan uzluksiz ta’minlash bo‘yicha yig‘ilish o‘tkazmoqda. O‘z faoliyatida jiddiy kamchiliklarga yo‘l qo‘ygani uchun Toshkent shahri hokimi Jahongir Ortiqxo‘jayev lavozimidan ozod etildi. Shu paytgacha birinchi o‘rinbosar bo‘lib kelgan Baxtiyor Rahmonov hokim v.b. etib tayinlandi.
Banklarda dollar kursi yana oshdi
Tijorat banklari 16 yanvar kuni aholidan 1 AQSh dollarini 11 290 — 11 345 so‘mdan sotib olmoqda, sotish kursi esa 11 375 so‘m.
Koronavirus yengil va simptomlarsiz kechmoqda — SES
Anomal sovuq kunlarda o‘tkir respirator kasalliklar ko‘payishi mumkin. Koronavirus yengil va simptomlarsiz kechayotganini hisobga olib, SES fuqarolarni shamollash belgilari kuzatilsa, shifokorga murojaat qilish, o‘zboshimchalik bilan dori ichmaslik, gumon bo‘lganda, koronavirusga test topshirishga chaqirdi.
Namanganda 3 ta fura to‘qnashishi oqibatida 3 kishi halok bo‘ldi
Pop tumanida 3 ta MAN yuk avtomobili to‘qnashib, yong‘in yuz berdi. Yong‘inni salkam bir soat davomida 4 ta qutqaruv ekipaji bartaraf etdi. Hodisa oqibatida 3 kishi halok bo‘ldi.
Uyida «svet» o‘chgan toshkentliklar qahraton qishni qanday o‘tkazmoqda?
Anomal sovuq tufayli Toshkentning Yunusobod, Mirzo-Ulug‘bek va boshqa tumanlaridagi aholi bir necha kundan beri chiroqsiz qolmoqda, gaz bosimi esa past, batareyalar uyni isitadigan darajada emas. «Gazeta.uz» qishga tayyorgarlik ko‘rmagan toshkentliklar energiya ta’minotisiz qanday kun ko‘rayotganiga qiziqdi.
O‘zbekiston prezidenti davlat tashrifi bilan Singapurda bo‘ladi
O‘zbekiston prezidenti Shavkat Mirziyoyev 16−18 yanvar kunlari davlat tashrifi bilan Singapurda bo‘ladi. Mamlakat prezidenti va bosh vaziri bilan muzokaralar o‘tkazish, «ikki tomonlama hujjatlarning salmoqli to‘plami»ni imzolash rejalashtirilgan.
«Buxoro turizm markazi» uchun boshqa yer maydoni tanlanadi
Buxoro viloyati hokimligi ko‘hna shahar markazida qurilishi rejalashtirilgan «Turizm markazi» uchun «boshqa maqbul yer maydonlari tanlanishi»ni ma’lum qildi. Ma’lumotlarga ko‘ra, markaz qurilishini to‘xtatish haqida prezident Shavkat Mirziyoyev topshiriq bergan.
Toshkentda savdo markazlari va istirohat bog‘lari faoliyati cheklandi
Toshkentda elektr energiyasini tejash maqsadida savdo va xizmat ko‘rsatish shoxobchalari, savdo-ko‘ngilochar markazlari hamda istirohat bog‘larining ish vaqti cheklandi. Oziq-ovqat do‘konlari va umumiy ovqattlanish shoxobchalari faoliyati bundan mustasno.
Qator hududlarda ta’til muddati yana uzaytirildi
Bir qator hududlarda maktablar va maktabgacha ta’lim tashkilotlarida ta’tillar dastlab rejalashtirilganidek, 17 yanvarga qadar uzaytirildi. Xabar yangilanmoqda.
«Ko‘chani kengaytirishni qandaydir zamonaviy narsa deb ko‘rsatish bo‘yicha navbatdagi urinish» — Arkadiy Gershman
Tanqidlar, prezidentga murojaat, mutaxassislarning maslahatlari va jamoatchilik bilan muloqot qilish va’dalariga qaramay, Toshkent shahar hokimligi ko‘chalarni o‘zi bilganicha kengaytirishda davom etmoqda. Urbanist Arkadiy Gershman Keles yo‘lini rekonstruksiya qilish loyihasini tanqid qildi.
Buxoro markazida sayyohlik markazini qurish uchun o‘nlab binolar buzilishi mumkin. Aholi norozi
Buxoro markazida sayyohlik markazini qurish rejalashtirilmoqda. Buyurtmachi sifatida Enter Engineering kompaniyasi tanlandi. 32,6 ga maydonda majmuani barpo etish uchun hokimlik, prokuratura binolari, stadion va boshqalar buzilishi mumkin. Aholi prezidentga murojaat bilan chiqdi.
Toshkentda isitishni yaxshilash maqsadida issiq suv bosimi pasaytirildi
Toshkentda kvartiralar yaxshi isitilmayotgani sababli elektr tarmoqlariga yuklama kuchaygan. Har kuni o‘nlab transformator va simlarda portlash, yonib ketish holatlari qayd etilmoqda. Rasmiylar isitishni yaxshilash maqsadida issiq suv bosimini 3 kunga pasaytirishga qaror qildi.
O‘zbekiston aeroportlarida kutib oluvchilarning ichkariga kirishlariga ruxsat berildi
14 yanvardan boshlab O‘zbekiston aeroportlarida kutib oluvchilarning uchib kelish zallariga kirib, terminal ichida bojxona hududigacha bo‘lgan joyda yo‘lovchilarni kutishlari mumkin.
Lolagul Kallixanova: «Boshqa sudlanuvchilar uchun ham qamoqda o‘tirib berishga roziman»
Nukus voqealari bo‘yicha gumondorlardan biri jurnalist Lolagul Kallixanova suddagi muzokaralar davomida «himoya qilmoqchi bo‘lgan Vatani, xalqi bilan sodir bo‘lgan voqealarda o‘zini aybdor deb bilishini ta’kidladi. U boshqa sudlanuvchilarning o‘rniga ham o‘zi qamoqqa o‘tirishga tayyorligini bildirdi.
Turkmaniston O‘zbekistonga gaz eksportini vaqtincha to‘xtatdi, yetkazib berish qayta tiklanishi kerak
Turkmaniston sovuq ob-havo tufayli yuzaga kelgan texnik sabablarga ko‘ra 12 yanvardan boshlab O‘zbekistonga gaz eksportini to‘xtatdi. Yaqin vaqt ichida gaz yetkazib berish qayta tiklanishi kutilmoqda. «Gazeta.uz» shuningdek, Rossiya bilan gaz bo‘yicha muzokaralar olib borilishini aniqladi.
Qo‘shimcha imkoniyatlarga ega bulish uchun saytda ro‘yxatdan o‘ting