Siyosat
Shavkat Mirziyoyev Turkiya aerokosmik kompaniyasida bo‘ldi (foto)
Prezident Anqara shahridagi Turkish Aerospace Industries kompaniyasi faoliyati bilan tanishdi. U 2023-yilda dunyodagi eng yirik 100 ta mudofaa kompaniyasi ro‘yxatiga kirgan. U yerda qurol-yarog‘ va harbiy texnika ishlab chiqaruvchi korxonalar hamda aviatsiya parvozlari namoyishi ham o‘tkazildi. Foto.
“Neytral va juda muvozanatli ekanidan minnatdormiz”. Putin — O‘zbekistonning Rossiya-Ukraina urushidagi siyosati haqida
Rossiya prezidenti Vladimir Putin Shavkat Mirziyoyevga Rossiyaning Ukrainadagi harakatlariga nisbatan O‘zbekistonning “neytral va o‘ta muvozanatli” siyosati uchun minnatdorlik bildirdi.
Tailand viza rejimi uzaytirilishi bo‘yicha rasman hech qanday ma’lumot e’lon qilgani yo‘q — O‘zbekiston TIV
Tailand OAV 1-iyundan 36 ta davlat (jumladan, O‘zbekiston) uchun vizasiz rejim joriy qilinishi haqida yozgandi. O‘zbekiston TIV bu bo‘yicha Tailand hukumati qarori borligi, ammo hali rasman ma’lumot berilmaganini ma’lum qildi. Tailanddan rasmiy nota olinishi bilan qo‘shimcha xabar beramiz, deyiladi xabarda.
BMT Bosh assambleyasi narkotiklar muammosini hal qilish rezolyutsiyasini ma’qulladi, uning tashabbuskori — O‘zbekiston
BMT Bosh assambleyasi O‘zbekiston tashabbusi bilan qabul qilingan “Markaziy Osiyo davlatlarining giyohvandlik bilan bog‘liq muammolarni samarali hal etish va bartaraf etishda yagona front bo‘lib hamkorlik qilishga tayyorligi” rezolyutsiyasini ma’qulladi.
Firdavs Abduxoliqov boshqa ishga o‘tadi
Kinematografiya agentligi rahbari Firdavs Abduxoliqov lavozimini tark etadi. U Toshkentdagi Islom sivilizatsiyasi markazi direktori etib tayinlanishi kutilmoqda.
Shavkat Mirziyoyev rasmiy tashrif bilan Turkiyaga jo‘nab ketdi
Prezident rasmiy tashrif bilan Turkiyaga uchib ketdi. Davlat rahbari Anqarada Strategik hamkorlik kengashining uchinchi yig‘ilishida ishtirok etadi.
Prezident shayx Nuriddin Xoliqnazar orqali Makkadagi o‘zbekistonlik hojilar holidan xabar oldi
Shavkat Mirziyoyev Makka shahrida bo‘lib turgan Musulmonlar idorasi raisi Nuriddin Xoliqnazar bilan telefonda muloqot qildi. U muftiydan fuqarolarning sharoiti, salomatligi va kayfiyati haqida so‘radi, O‘zbekistonga qaytgach, “hojilar yoshlar tarbiyasi va oilalar totuvligida ibrat bo‘lishlariga” umid bildirdi.
Prezident Buxoroni 2045-yilgacha rivojlantirish konsepsiyasi, “Yangi O‘zbekiston” massivi va bog‘i loyihalari bilan tanishdi
Buxoro hududini 3831 gektarga kengaytirish rejalashtirilmoqda. Shaharda “Yangi O‘zbekiston” massivi va “juda baland bo‘lmagan stela”li istirohat bog‘i, tarixiy obidalar maketlari, raqamli panorama va boshqa obyektlar quriladi. Prezidentga shaharni 2045-yilgacha rivojlantirish konsepsiyasi taqdim etildi.
Sabine Mahl BMTning O‘zbekistondagi doimiy koordinatori etib tayinlandi
Sabine Mahl BMTning O‘zbekistondagi doimiy koordinatori etib tayinlandi, u bu lavozimda 1-iyundan ish boshladi. Tayinlovga qadar u 2019-yildan beri BMTning Gruziyadagi doimiy vakili edi, Indoneziya, Falastin va Qirg‘izistondagi BMT Ayollar bo‘limlariga rahbarlik qilgan, shuningdek, YeXHTda ishlagan.
Prezident va turizm sohasi vakillari nimalarni muhokama qildi?
Shavkat Mirziyoyev turizm sohasidagi tadbirkorlar bilan muloqot o‘tkazdi. Prezident turoperatorlarni moliyaviy qo‘llab-quvvatlash, QQSni subsidiya shaklida qaytarish muddatini uzaytirish, pensiyadagi sayyohlar uchun alohida viza rejimini joriy etish bo‘yicha topshiriqlar berdi va boshqa masalalarni muhokama qildi.
Sardoba tumaniga yangi hokim tayinlandi
Ziyadulla Karimov Sirdaryo viloyatining Sardoba tumaniga hokim bo‘ldi. U bunga qadar Davlat aktivlarini boshqarish agentligining hududiy boshqarmasi boshlig‘i lavozimida ishlagan.
Shavkat Mirziyoyev 6-iyunda Turkiyaga boradi
Shavkat Mirziyoyev 6-iyun kuni Turkiyaga rasmiy tashrif bilan boradi. U yerda Strategik hamkorlik kengashining uchinchi yig‘ilishi va ikki mamlakat yetakchi kompaniyalari rahbarlarining birinchi qo‘shma uchrashuvini o‘tkazish rejalashtirilgan.
Toshkent shahri hokimi o‘rinbosari Faxriddin Davrukov ishdan olindi
Prezident o‘tkazgan yig‘ilishda Toshkent shahri hokimining turizm bo‘yicha o‘rinbosari Faxriddin Davrukov lavozimidan ozod etildi. Poytaxt hokimligi turizm masalasida tashabbus bilan chiqmayotgani tanqid qilindi. Bosh vazirga turizm bo‘yicha har bir hokim o‘rinbosari ishiga baho berish topshirildi.
Tailand va Filippinning yangi elchilaridan ishonch yorliqlari qabul qilindi
O‘zbekiston Tashqi ishlar vazirligida Tailand va Filippinning yangi elchilaridan ishonch yorliqlari qabul qilib olindi. TIV rahbari Baxtiyor Saidov Filippin bilan “foydalanilmagan ulkan salohiyatlar” borligini ta’kidladi.
Akmal Saidov BMT Inson huquqlari qo‘mitasi a’zosi bo‘ldi
Inson huquqlari bo‘yicha milliy markaz direktori, akademik Akmal Saidov 2025—2028-yillarga mo‘ljallangan BMT Inson huquqlari qo‘mitasiga a’zo bo‘ldi. BMTning mazkur organiga O‘zbekistondan birinchi marta vakil saylandi.
Shavkat Mirziyoyev Buxoro viloyatiga boradi
Juma kuni Shavkat Mirziyoyev Buxoro viloyatiga boradi. Tashrifda loyihalar bilan tanishish, yangi obyektlarni ishga tushirish va viloyatni ijtimoiy-iqtisodiy rivojlantirish yuzasidan yig‘ilish o‘tkazish reja qilinmoqda.
O‘zbekistonda ICESCO mintaqaviy vakolatxonasini ochilishi rejalashtirilmoqda
O‘zbekistonda Islom dunyosi ta’lim, fan va madaniyat tashkiloti (ICESCO) mintaqaviy vakolatxonasi ochilishi mumkin. Qo‘lyozmalarni saqlash va restavratsiya qilish bo‘yicha tajriba almashish, arab tili o‘qituvchilarini tayyorlash ham ko‘zda tutilgan. Prezident tashkilot bosh direktori bilan shu masalalarni muhokama qildi.
Davlat organlariga xorijiy ekspertlarni jalb etish shaffof va samarali bo‘lishi kerak
Davlat organlari turli sohalar bo‘yicha 50 dan ortiq xorijiy konsultantlarni jalb qilgan. Tahlilga ko‘ra, odatda ular uchun KPI belgilanmaydi, tizimli tahlil, tavsiyalarni amalga oshirish tartibi va ochiq hisobot mavjud emas. Prezidentning yangi qarori mana shu muammolarni hal etishga qaratilgan.
YXHT DIIHB ehtiyojlarni baholash missiyasi ekspertlari O‘zbekistonga keldi
O‘zbekiston va YXHT DIIHB mamlakatning 2024-yilda bo‘lib o‘tadigan parlament saylovlarini kuzatish zaruriyatini baholashni boshladi. Ehtiyojlarni baholash missiyasi ekspertlari YXHT DIIHB tavsiyalarini saylov qonunchiligi va amaliyotiga tatbiq etish choralari ishlab chiqilgani uchun minnatdorlik bildirdi.
Mirziyoyev va Putin tonggi soat uchgacha muloqot qildi — prezidentlar matbuot kotiblari
O‘zbekiston va Rossiya prezidentlari muzokaralar hamda hududlar kengashi yig‘ilishidan so‘ng tonggi soat uchgacha muloqotni davom ettirdi, deya ma’lum qildi O‘zbekiston rahbari matbuot kotibi Sherzod Asadov. Kreml vakili Dmitriy Peskov Shavkat Mirziyoyev rossiyalik hamkasbini uyiga taklif qilganini bildirdi.
Qo‘shimcha imkoniyatlardan foydalanish uchun saytda ro‘yxatdan o‘ting