Jahon
BMT Bosh assambleyasi G‘azoda o‘t ochishni to‘xtatishga chaqiruvchi rezolyutsiyani qabul qildi
BMT Bosh assambleyasining G‘azo sektorida o‘t ochishni zudlik bilan to‘xtatishga chaqiruvchi rezolyutsiyasiga 120 ta davlat, jumladan, O‘zbekiston yoqlab ovoz berdi. 14 ta mamlakat bunga qarshi chiqqan bo‘lsa, 45 ta mamlakat betaraf qoldi.
Rossiya Markaziy banki asosiy stavkani ketma-ket to‘rtinchi marta oshirdi
Rossiya Markaziy banki asosiy stavkani 13 foizdan 15 foizga oshirdi. Ushbu qaror inflyatsiya bosimining sezilarli darajada oshgani va kreditlashning yuqori o‘sish sur’atlari bilan izohlandi. Rossiya Markaziy banki 2023-yil iyulidan beri ketma-ket to‘rtinchi marta asosiy stavkani oshirdi.
Qozog‘iston Milliy banki chet elliklarga bank kartalarini berish talablarini kuchaytirishni taklif qildi
Qozog‘iston Milliy banki mamlakat norezidentlariga vaqtincha yoki doimiy yashash uchun ruxsatnomasiz bank kartalari berishni taqiqlashni rejalashtirmoqda. Regulyator bunday choralarni giyohvand moddalar yoki qimor o‘yinlari bilan bog‘liq noqonuniy operatsiyalar xavfini kamaytirish zarurati bilan izohladi.
Xitoy Davlat kengashining sobiq bosh vaziri Li Ketsyan vafot etdi
Xitoy Davlat kengashining sobiq bosh vaziri Li Ketsyan 68 yoshida vafot etdi. Uning o‘limiga yurak xuruji sabab bo‘lgani aytilmoqda.
Armaniston yaqin oylarda Ozarbayjon bilan sulh imzolashga umid qilmoqda
Armaniston bosh vaziri Nikol Pashinyan bir necha oy ichida Ozarbayjon bilan tinchlik shartnomasi imzolanishiga umid bildirdi. Uning so‘zlariga ko‘ra, ayni paytda hujjat loyihasi ustida ish olib borilmoqda.
BMT: Dunyodagi qochqinlar soni 114 milliongacha oshdi
Dunyo miqyosida mojarolar, ta’qiblar va inson huquqlari buzilishi tufayli uyini tashlab ketishga majbur bo‘lganlar soni 114 millionga yetdi. BMT asosiy sabablar sifatida Ukrainadagi urush, bir qator Afrika mamlakatlaridagi mojarolar va Afg‘onistondagi gumanitar inqirozni ko‘rsatdi.
Men shtatidagi ommaviy otishmada kamida 22 kishi halok bo‘ldi
AQShning Men shtatidagi Lyuiston shahrida bir erkak bar va bouling zalidagi odamlarga qarata o‘t ochdi, oqibatda kamida 22 kishi halok bo‘ldi, 50 dan ortiq kishi jarohatlandi. Erkak hozircha qo‘lga olinmagan.
AQShning o‘nlab shtatlari Meta kompaniyasini bolalarda qaramlikni keltirib chiqarishda aybladi
AQShda o‘nlab shtatlar Facebook va Instagram egasi hisoblangan Meta kompaniyasini daromadini oshirish maqsadida o‘smirlar va bolalarni ijtimoiy tarmoqlarga qaram qilish uchun “kuchli va misli ko‘rilmagan texnologiya”dan foydalanganlikda ayblab sudga berdi.
BMT bosh kotibi HAMAS hujumi yo‘q joydan paydo bo‘lmaganini aytdi. Isroil bu fikr uchun Guterrishning iste’fosini so‘ramoqda
BMT bosh kotibi Antoniu Guterrish Xavfsizlik kengashi yig‘ilishida HAMASning Isroilga hujumi “yo‘q joydan paydo bo‘lmaganini” aytdi. Bu fikr Isroil hukumati tomonidan qattiq tanqidga uchradi va mamlakat rasmiylari Guterrishning iste’fosini so‘radi. Bayonotdan so‘ng Isroil BMT vakillariga viza berishni to‘xtatdi.
Asr oxirida Markaziy Osiyoda ham chang miqdori ortishi kutilmoqda — JMT
Asr oxiriga kelib, Gobi cho‘lidan Markaziy Osiyogacha bo‘lgan hududlarda chang miqdori ortishi kutilmoqda, deyiladi Jahon meteorologik tashkiloti byulletenida. Shuningdek, ekspertlar qum va chang bo‘ronlarining paydo bo‘lishiga suv va yerdan noto‘g‘ri foydalanish ham ta’sir ko‘rsatayotganini ta’kidladi.
“Mamlakatda qonun va tartib diktaturasini ta’minlash muhim” — Qozog‘iston prezidenti
Qozog‘iston radikalizm va huquqiy nigilizmning istalgan ko‘rinishiga nisbatan murosasizlik siyosatini davom ettiradi, dedi Qosim-Jomart Toqayev. U davlatda “qonun va tartib diktaturasi”ni ta’minlashga chaqirdi va qonunga zid hamda barqarorlikni buzuvchi so‘z va harakatlarni “qat’iy bostirish”ga va’da berdi.
Rossiya parlamenti Armaniston haydovchilik guvohnomalarini tan olishni noma’lum muddatga kechiktirdi
Rossiya Davlat dumasi Armaniston haydovchilik guvohnomalarini mamlakat hududida tan olinishi noma’lum muddatga qoldirdi. Duma spikeri Vyacheslav Volodin Armaniston bu orqali imtiyozlarga ega bo‘lishini, lekin uning rasmiylari “rus tili maqomini mustahkamlash bo‘yicha hech qanday chora ko‘rmayotganini” ta’kidladi.
Erdog‘an Shvetsiyaning NATOga a’zo bo‘lishi to‘g‘risidagi protokolni imzoladi
Turkiya prezidenti Rejep Tayyip Erdog‘an Shvetsiyaning NATOga a’zo bo‘lishi haqidagi protokolni imzoladi. Endi u Turkiya parlamenti tomonidan ratifikatsiya qilinishi kerak. Shvetsiya bosh vaziri mamlakat alyansga a’zo bo‘lish imkoniyatini “intizorlik bilan kutayotganini” ta’kidladi.
Rossiya Tergov qo‘mitasi rahbari Ukrainadagi urushda qatnashishdan bosh tortgan migrantlarni fuqarolikdan mahrum qilishni taklif etdi
Rossiya Tergov qo‘mitasi rahbari Rossiya pasportini olgan migrantlarga Ukrainadagi urushda qatnashishni taklif qilish, rad etganlarni fuqarolikdan mahrum qilish taklifini bildirdi. Avgustdan buyon Rossiyada “yangi” fuqarolarga qarshi reydlar o‘tkazilib, voyenkomatlarga olib ketilib, chaqiruv qog‘ozlari berilmoqda.
YUNESKO o‘g‘irlangan madaniy yodgorliklarning virtual muzeyini yaratadi
YUNESKO Interpol bilan birgalikda o‘g‘irlangan madaniy yodgorliklarning virtual muzeyini yaratadi. Tashrif buyuruvchilar unda butun dunyodagi muzeylar va shaxsiy kolleksiyalardan o‘g‘irlangan artefaktlarning 3D modellarini ko‘rishi mumkin bo‘ladi.
G‘azo sektoriga birinchi gumanitar yordam karvoni yetib bordi
G‘azo sektoriga gumanitar yordam yuklangan 20 ta yuk mashinasidan iborat birinchi karvon yetib bordi. Qohiradagi sammitda BMT rahbari cheklovsiz va uzluksiz insonparvarlik yordami yetkazishga, shuningdek, zudlik bilan o‘t ochishni to‘xtatishga chaqirdi.
Kanada Hindistondan 41 diplomatni chaqirib oldi
Kanada 41 nafar diplomatini daxlsizlik huquqi bekor qilinish xavfi tufayli Hindistondan chaqirib oldi. Kanada bosh vaziri Kanada sikxlar jamoasi yetakchisining o‘ldirilishida Hindiston razvedka xizmatlari ishtiroki haqida ma’lum qilganidan so‘ng ikki davlat o‘rtasidagi munosabatlar keskinlashdi.
Bayden: “HAMAS kabi terrorchi va Putin kabi tiranlar g‘alaba qozonishiga yo‘l qo‘ymaymiz”
AQSh prezidenti Jo Bayden aholiga telemurojaatida HAMAS hamda Rossiya prezidenti Vladimir Putin “demokratiyani butunlay yo‘q qilmoqchi”ligini va Amerika terrorchilar va zolimlarning g‘alaba qozonishiga yo‘l qo‘ymasligini aytdi. U amerikaliklarni Ukraina va Isroilni qo‘llab-quvvatlashda davom etishga chaqirdi.
Qozog‘iston urushda ishlatilishi mumkin bo‘lgan 106 turdagi tovarni Rossiyaga eksport qilishni taqiqladi
Qozog‘iston 106 turdagi tovarning Rossiyaga eksportiga taqiq qo‘ydi. Ular urushda ishlatilishi ehtimoli bo‘lgan tovarlar guruhi hisoblanadi. Ro‘yxatda dronlar, mikroelektronika va boshqalar bor. Ukraina prezidenti ofisi mamlakatning bu qaroriga munosabat bildirdi.
Isroil — Falastin urushining 13-kuni. Asosiy yangiliklar
Bayden HAMASning Isroilga hujumini 11-sentabr voqealariga qiyosladi. AQSh va Isroil razvedkasi “Al-Ahli” kasalxonasidagi portlashda “ko‘pi bilan bir necha o‘n nafar” odam o‘lgan deb hisoblamoqda. Misr va AQSh rahbarlari gumanitar yordam koridorini ochish bo‘yicha kelishib oldi.
Eng ko‘p o‘qilgan xabarlar | So‘nggi yangiliklar
- Yevropa Ittifoqi Rossiyaga qarshi sanksiyalarning 16-paketi bo‘yicha kelishib oldi
- Ar-Riyodda o‘tgan Rossiya va AQSh muzokaralari: nimalar muhim?
- Tramp tahdidlari fonida Kanadaning siyosiy kun tartibi o‘zgarib ketdi — Reuters
- “Zelenskiyning reytingi — 4%”. Tramp Ukrainada saylovlar o‘tkazishga chaqirdi
Qo‘shimcha imkoniyatlardan foydalanish uchun saytda ro‘yxatdan o‘ting