Архив
Ўзбекистонда антирадар аниқлай олмайдиган «ақлли» қурилмалардан фойдаланиш бошланди
Наманган вилоятида антирадарлар аниқлай олмайдиган лазер тизимига эга «ақлли» қурилмалар ўрнатилмоқда. Туркия компанияси вилоятда «ақлли радар системаларини» ишлаб чиқариш учун 10 млн долларлик инвестиция киритди.
Миллий автомобиль заводимиз шунчалик ҳимоя қилишга арзийдими?
Автомобилсозлик соҳасида кутилаётган ўзгаришлар истеъмолчиларга фойда келтирадими? «Газета.uz» колумнисти Миркомил Холбоевнинг фикрича, импорт божларининг пасайтирилиши ички бозорга деярли таъсир кўрсатмайди ва фақат энг бой аҳоли манфаатларига хизмат қилади. Иқтисодчи жамият ҳақиқий фойда кўриши учун савдони эркинлаштириш муҳимлигини таъкидлайди.
Сирдарёда икки фуқаро экстремистик ғояларни тарғиб қилганликда гумонланмоқда
Сирдарё вилоятида икки фуқаро ижтимоий тармоқларда экстремистик ва террорчилик материалларини тарқатганликда гумон қилинмоқда. Улардан бири Telegram`да виртуал гуруҳ очиб, ақидапарастликни тарғиб қилувчи аудио ва видео материалларни жойлаштиргани айтилмоқда. Ҳолат юзасидан жиноят иши қўзғатилди.
Ҳоким ёрдамчиларига ипотека кредити учун 150 млн сўмгача субсидия берилади
Ҳукумат қарори билан ҳоким ёрдамчилари ва уларнинг фаолиятини самарали ташкил этишга масъул бўлган республика вакилларига ипотека кредити учун уй-жой нархининг 50 фоизигача — бироқ 150 млн сўмдан ошмаган миқдорда субсидия тўлаб берилади. Қолаверса, уларга мукофот пули, маошига устама тўлов, уй ижараси ва шахсий машинасида юргани учун бензин пули, чипталар учун конпенсация ҳам берилади.
Ўзбекистон Vision Zero элементларини ҳаётга тадбиқ қилмоқчи
Ўзбекистон ҳаракат хавфсизлигини таъминлаш учун 10 дан ортиқ хорижий давлат тажрибаси, жумладан, Vision Zero стратегиясини ҳаётга тадбиқ этмоқчи. ИИВ раҳбари ўринбосари Бекмурод Абдуллаевнинг сўзларига кўра, ушбу тажриба Фарғона вилоятида яхши натижа берган. Эндиликда пиёдаларга йўлларни кесиб ўтиш учун шароит яратиш билан бирга қоида бузганларини жазолаш ҳам кўзда тутилмоқда. UNICEF ҳамкорлигида эса болалар учун видео ва китоб шаклида қўлланмалар ишлаб чиқилади.
Сабрим туфайли муваффақиятга эришдим — Элдор Шомуродов
Футболчи Элдор Шомуродов УЕФАга берган интервьюсида Италиягача бўлган йўли, Ўзбекистон терма жамоаси сардорлиги қандай кечаётгани, Европа футболи ва менталитетининг фарқи ҳақида гапирди. Интервьюнинг ўзбек тилидаги тўлиқ матни.
Навоийдаги савдо марказида фуқаро 3 ёшли набираси билан эскалатордан тушиб кетди (тўлдирилди)
Жума куни Навоийдаги «Янги ҳаёт» савдо мажмуасида 52 ёшли фуқаро 3 ёшли набираси билан 5 ва 4 қават оралиғидаги эскалаторда мувозанатни йўқотиб, 1 қаватга тушиб кетди. Эркак воқеа жойида вафот этди, болакай эса шифохонага ётқизилди.
Камилов ва Блинкен ўзаро табрик мактубларини алмашди
Ўзбекистон ташқи ишлар вазири Абдулазиз Камилов ва АҚШ давлат котиби Энтони Блинкен икки мамлакат ўртасида дипломатик муносабатлар ўрнатилганининг 30 йиллиги муносабати билан ўзаро қутлов мактубларини алмашди.
Шахмат федерациясига бюджетдан маблағлар тўғридан-тўғри ажратилмаган — Антикоррупция агентлиги
Антикоррупция агентлиги Шахмат федерацияси билан боғлиқ молиявий операцияларни ўрганиб, федерацияга 2020−2021 йилларда бюджетдан маблағлар тўғридан-тўғри ажратилмаганини аниқлади. 2021 йилда фақат Туризм ва спорт вазирлиги 6 та тадбир учун федерацияга 2,8 млрд сўм маблағ берган. Агентлик Шахмат федерацияси ННТ бўлгани боис, унинг фаолиятини тўхтатиб қўйиш учун ҳужжатларни Адлия вазирлигига юборди.
Ковиднинг кунлик ҳолати 200 дан камайди
Жума куни 191 кишининг коронавирусга топширган тест таҳлили мусбат натижани кўрсатди, бу 5 январдан бери энг паст кўрсаткич ҳисобланади. Шу куни 3 киши ковид асоратлари оқибатида вафот этди. 42 кишида эса пневмония аниқланди.
Эйнштейн тасвирланган граффити бўяб кетилди
Тошкентда Эйнштейн портрети ва унинг формулалари акс эттирилган девор бўяб кетилди. Асар муаллифи, таниқли кўча рассоми Inkuzart бунинг учун Чилонзор ҳокимига «миннатдорчилик» билдирди. Чилонзор тумани ҳокимияти бино сносга тушгани боис граффики бўялгани ва рассом учун бошқа «қулай жой тавсия этилади».
Харидлардан қайтадиган 1 фоизлик кешбэк ой охирида тўлаб берилади
ДСҚ Soliq иловасида январда рўйхатдан ўтказилган харидлардан қайтадиган 1 фоизлик кешбэк февралнинг 21−25-саналарида тўлаб берилишини маълум қилди.
Жаҳон янгиликлари дайжести
ДХР ҳукуматининг аҳолини Россияга оммавий эвакуация қилиш бошланганини эълон қилгани, Буюк Британия Ички ишлар вазирлигининг бадавлат муҳожирлар учун «олтин виза» дастурини тўхтатгани, Канадада полиция намойишчиларни ҳибсга олишни бошлагани, Биткоин нархининг 40 минг доллардан пастлагани ва бошқа янгиликлар — «Газета.uz»нинг жаҳон янгиликлари дайжестида.
18 февраль куни Ўзбекистонда содир бўлган энг муҳим хабарлар дайжести
Сергелидаги бузиладиган 409 та ёғоч уй, иккига ажратилган Туризм ва спорт вазирлиги, 1 ноябргача Тошкентда ишга тушадиган пуллик йўл бўйи «парковкалари», «Етти ўлчаб бир кесиб» трамвайлар маршрутлари аниқланиши, пойтахтга олиб келинадиган 18 метрли «гармошкали автобуслар», Наврўзда кетма-кет 5 кун дам оладиган ўзбекистонликлар ва бошқалар — «Газета.uz» нинг 18 февралдаги энг муҳим хабарлари дайжестида.
Тошкент вилоятидаги газ қуйиш шохобчаcида 623 млн сўмлик газдан ноқонуний фойдаланилган
Тошкент вилоятидаги автомобилларга газ қуйиш шохобчасида 623 млн сўмлик газдан ноқонуний фойдаланилгани аниқланди. Энергетика вазирлиги бу 35 минг хонадоннинг бир кунлик истеъмоли учун етарли эканини таъкидлади.
Президент: «Қийинчиликсиз оила бўлмаганидек, қийинчиликсиз давлатнинг ўзи йўқ»
Шавкат Мирзиёев Янгиҳаёт туманига ташрифи чоғида маҳалла давлатнинг асоси экани, у обод бўлса, мамлакат обод бўлишини таъкидлади. «Кўраяпсизлар, замон таҳликали бўлиб турибди. Қийинчиликсиз оила бўлмаганидек, қийинчиликсиз давлатнинг ўзи йўқ. Биз ҳам сабр билан, илм билан, меҳнат ва ҳаракатимиз билан режаларимизни амалга ошираяпмиз», — деди у.
Сергелидаги 409 та ёғоч уй бузилади — президент
Президент Шавкат Мирзиёев «Спутник» мавзесидаги авария ҳолатига келиб қолган ёғоч уйлар бузилиб, уларнинг эгаларини замонавий кўп қаватли турар жойларга кўчириш дастури бошланишини маълум қилди. Шунингдек, уй эгаси кўчишни истамаган тақдирда, у кўчирилмаслиги қўшимча қилинган.
Кейинги йилда Тошкент шаҳрида 18 метрли «гармошкали автобуслар» ҳаракатлана бошлайди
Президент қарорига кўра, 2025 йилгача пойтахтда 1063 та янги автобуслар ҳаракатланишни бошлайди. Улардан 53 таси 2023 йилда ҳаракатга тушириладиган катта сиғимли 18 метрли автобуслар бўлади. Ушбу «гармошкали автобуслар» пойтахтнинг 11 та магистрал йўналишида ҳаракатланади.
Фарғона йўлидаги ажратилган йўлакнинг «ишлашини» таъминлаймиз — Анвар Жўраев
Тошкентда 2025 йилгача 11 та кўчада тезюрар автобуслар ҳаракати учун алоҳида йўлаклар ташкил этиш режалаштирилган. Ҳозирда фақат Фарғона йўли кўчасида автобуслар юриши учун мўлжалланган, бироқ машиналар ҳам юраверадиган йўлак мавжуд. Транспорт бошқармаси раҳбари Анвар Жўраев камералар ўрнатган ҳолда йўлакларнинг автомобиллардан ҳолилиги таъминланишини маълум қилди.
Дам олиш кунлари илиқ об-ҳаво кутилмоқда
Дам олиш кунларида қуруқ ва бироз булутли об-ҳаво кузатилади. Ҳаво баҳорги қийматларга қадар исийди, якшанба куни термометр устуни +17 даражага кўтарилади.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг