Ўзбекистонда Мустақиллик байрами очиқ майдонларда ўтказилади. Байрамни ташкил этишга қўйилган талаблар маълум қилинди.
Кеча кун давомида Ўзбекистонда 841 кишида коронавирус инфекция қайд этилди. 6 нафар COVID-19 бемори вафот этди. Шунингдек, пайшанба куни 361 кишида пневмония қайд этилди, 3 нафар пневмония бемори вафот этди.
Қозоғистоннинг Жамбил вилояти, Қайнар қишлоғидаги муҳандислик ўқ-дорилари сақланадиган омборлардан бирининг ёнида ёнғин юзага келиб, портлашлар рўй берди. Оқибатда тўрт ҳарбий хизматчи ҳалок бўлган, 66 киши жабрланган. Бир неча киши алоқага чиқаётгани йўқ. Тахминан 1200 киши эвакуация қилинди.
Пайшанба куни Кобулда содир этилган портлашларда 90 нафардан ортиқ афғон фуқароси ва 13 нафар америкалик ҳарбий ҳалок бўлди. 1000 дан ортиқ одам жароҳатланган. «ИШИД» Афғонистон пойтахтида содир этилган теракт учун жавобгарликни ўз зиммасига олди.
Президент фармони билан таниқли хонанда ва актёр Ботир Зокиров вафотидан сўнг «Эл-юрт ҳурмати» ордени билан мукофотланди.
Тошкент метрополитенида барча алоқа компанияларидан фойдаланишни жорий қилиш ва бепул Wi-Fi йўлга қўйилиши кутилмоқда.
KFC таомларини фақатгина Тошкент шаҳридаги расмий етказиб бериш хизматлари орқали буюртма бериш лозимлиги ҳақида огоҳлантирди.
Сенат ялпи мажлисида Ўзбекистон орқали Европа ва бошқа давлатларга ўтиб кетаётган Афғонистон қочқинлари орасида террорчилар борлиги ҳақидаги хабарларга ТИВ раҳбарининг биринчи ўринбосари муносабат билдирилди. «Ўзбекистон ҳудудидан транзит орқали ўтиб кетаётган шахсларнинг олдиндан рўйхати бўлади, улар тегишли фильтрдан ўтказилади. Бизнинг тегишли ваколатли органларимиз томонидан мамлакатимиз ҳудудида қандайдир террорчилар кириб келишига йўл қўйилмайди», — деди Фарҳод Арзиев.
Деярли ҳар бир мамлакатда ўзига хос дизайн, ўлчам ва ҳар хил қийматдаги пул банкнотлари мавжуд. Халқаро банкнот жамиятининг «Йил банкноти» танловида ҳар йили янги муомалага чиқарилган кўплаб пул белгилари ғолиблик учун курашади. 2010−2020 йилларда мазкур танловда ғолиб бўлган дунё мамлакатлари пуллари ҳақида «Газета.uz» мақоласида.
Долларнинг расмий курси 13,27 сўмга пасайди ва жами 10 640,74 сўм этиб белгиланди. Шунингдек, евро курси кўтарилди, рубль курси эса пасайди.
Қонун ҳужжатларига киритилган қўшимчаларга кўра, ҳайдовчилар йўл-транспорт ҳодисаси тўғрисида хабарнома расмийлаштирган тақдирда улар маъмурий жавобгарликка тортилмайди. Маъмурий жавобгарлик тўғрисидаги кодекснинг тегишли моддасига ҳам ўзгартиш киритилди.
Ташқи ишлар вазирининг биринчи ўринбосари Фарҳод Арзиев Сенатнинг навбатдаги ялпи мажлисида Афғонистонда қийин аҳволга ёки мураккаб вазиятга тушиб қолган Ўзбекистон фуқаролари мавжуд эмаслигини маълум қилди.
Ҳайвонларга нисбатан шафқатсиз муносабатда бўлганларга 12,2 млн сўм жаримадан 6 ойгача озодликдан маҳрум қилишгача жазо чоралари қўлланилиши мумкин. Президент Жиноят кодексига ўзгартиш ва қўшимчалар киритишни кўзда тутган қонунни имзолади.
Сенатнинг ялпи мажлисида Ташқи ишлар вазирининг биринчи ўринбосари Фарҳод Арзиев Афғонистон борасида Ўзбекистоннинг позициясини маълум қилди. «Энг аввало биз Афғонистонда барча сиёсий кучларни манфаатини эътиборга оладиган, уларнинг ўзаро тинчлик музокаралари натижасида эришиладиган коалицион ҳукумат шаклланиши тарафдоримиз», — деди у.
Тошкентдаги тунги рейд давомида қоидабузар аёл ва унинг укаси ЙПХ ходимларига бўйсунмасдан, уларга фаол қаршилик кўрсатган ва кўполлик қилган. Аёл ўзини вазир ўринбосарининг иккинчи хотини эканлигини айтиб, ҳужжатларини тақдим этмаган. Унинг укасидан ҳужжатлар талаб қилинганида, у «Тошкент фуқаросиман» дея, ҳужжатлари йўқлигини айтади. Ушбу фуқароларга тегишли чора кўрилиб, автоулов вақтинча жарима майдончасига жойлаштирилган.
Пойтахт метросининг барча линиялари 30 августдан бошлаб соат 05:00 дан 00:00 гача ишлайди. Шунингдек, метро йўналишларида куннинг айрим вақтларида поездлар қатнови бўйича янги жадвал жорий этилади.
Божхона қўмитаси томонидан Сурхондарё вилоятидаги чегара пости орқали 96,9 кг гиёҳвандлик воситаларини контрабанда қилишга уриниш ҳолати аниқланди. Ҳолат юзасидан божхона органлари томонидан жиноят иши қўзғатилди.
Келиб чиқиши ўзбекистонлик бўлган Дмитрий Богданов космосга юк етказиб берувчи ExoLaunch компаниясига асос солган. 2020 йилда ExoLaunch Илон Маскнинг Space X компанияси ҳамкорига айланди. Келгусида ExoLaunch Марс ва Ойни колонизация қилиш лойиҳаларига ёрдам беришни режалаштирмоқда. Компания 500 миллион доллардан 2 миллиард долларгача баҳоланмоқда.
Кеча кун давомида Ўзбекистонда 846 кишида коронавирус инфекция қайд этилди. 7 нафар COVID-19 бемори вафот этди. Шунингдек, чоршанба куни 353 кишида пневмония қайд этилди, 4 нафар пневмония бемори вафот этди.
«Толибон» назоратига ўтган Афғонистон иқтисодиётининг ҳажми 20 млрд АҚШ долларига тенг. Ноқонуний афюн савдоси афғон иқтисодиётида марказий ўринни эгаллайди. Мамлакат ЯИМининг тахминан 30% қисми, давлат харажатларининг 75% қисми халқаро грантлар ҳисобига молиялаштирилади.
Қўшимча имкониятларга эга булиш учун сайтда рўйхатдан ўтинг