Архив
Андижонда ўқитувчилар узр сўрашга мажбурланган ҳолатни Бош прокуратура кўриб чиқади
Андижон вилояти Марҳамат туманида ўқитувчилар ота-оналар олдида узр сўрашга мажбур қилинган ҳолат юзасидан Халқ таълими вазирлиги ўрганиш ишларини якунлади. Натижада туман ҳокимлиги ташаббусига асосан ташкил этилган мазкур тадбирга қонуний баҳо бериш учун ҳужжатлар Бош прокуратурага юборилди.
2021 йилда авария сабаб 2,5 мингга яқин одам вафот этди — президент
2021 йилда Ўзбекистонда 10 мингдан ортиқ йўл транспорт ҳодисаси содир бўлди, унда 9 мингдан ортиқ фуқаро жароҳат олган. Авариялар оқибатида 2,5 мингга яқин инсон ҳалок бўлган, шундан 263 нафар ёш бола ҳисобланади. Президент видеоселекторда Наманган вилояти ИИБ бошлиғи, Андижон ва Самарқанд вилоятлари ЙХҲБ бошлиқларини ишдан олишга кўрсатма берди.
Ўзбекистон АҚШдан Puma 3 AE ҳарбий дронларини сотиб олади
Ўзбекистон Американинг AeroVironment компаниясидан разведка ишларини амалга оширувчи енгил RQ-20B Puma 3 AE дронларини сотиб олади. Умумий қиймати 8,54 млн долларлик шартнома бўйича ишлар 2022 йил 30 ноябрига қадар тугатилади. Shephard Defence Insight сайти ҳисоб-китобларига кўра, шартнома доирасида Ўзбекистонга 40 га яқин дрон етказиб берилиши мумкин.
Наманган шаҳрида Усмон Носир ҳайкали ўрнатилади
Президент қарорига кўра, Усмон Носир таваллудининг 110 йиллиги муносабати билан Наманганда шоирга ҳайкал ўрнатилади. Унинг ҳаёти ва фаолиятини ўрганиш учун ДХХ ва Россиядаги тегишли архив материаллари билан танишишга шароит яратилади. Тошкент ва Наманган шаҳарларидаги кўчаларга Усмон Носир номи берилади.
Дипломатик бойкот остида бўлиб ўтаётган Пекин-2022 олимпиадаси
Хитой пойтахтида бўлиб ўтаётган 2022 йилги қишки Олимпия ўйинлари дипломатик бойкотга учради. АҚШ, Буюк Британия, Канада, Дания, Бельгия ва бошқа давлатлар ушбу тадбирларга ҳукумат амалдорлари ва расмийларини юборишдан бош тортди. Франция президенти Эммануэль Макрон эса ўйинларни сиёсийлаштирмаслик кераклигини таъкидлади. Дипломатик бойкотнинг сабаблари, Олимпия ўйинлари тарихидаги бойкотлар ҳақида — «Газета.uz» мақоласида.
Президент биринчи марта йўлларда ҳаракат хавфсизлигини таъминлаш масаласида йиғилиш ўтказади
Президент Шавкат Мирзиёев йўлларда ҳаракат хавфсизлигини таъминлаш масаласида йиғилиш ўтказади. Бу давлат раҳбари раислигида айнан шу масалага бағишланган биринчи йиғилиш бўлади. Куни кеча Avtotest ва Autodriver асосчиси Комил Алламжонов «йўлларда ЙТҲ сони ва ўлим сонини қисқартириш учун» кураш бошлаганини маълум қилган эди.
Демократия индекси рейтингида Ўзбекистон 150-ўринни эгаллади
Ўзбекистон Economist Intelligence Unit`нинг «Демократия индекси» да 150-ўринни эгаллади. Тадқиқотчиларнинг фикрича, мамлакатда демократия билан боғлиқ вазиятда ҳеч қандай ўзгаришлар қайд этилмаган, у «авторитар режимлар» гуруҳида қолмоқда.
Ўзбекистонда 733,8 минг киши бустер доза билан эмланди
Санитария-эпидемиология хизмати ҳозиргача бустер доза олиши мумкин бўлган 5,2 млн нафар фуқародан 733,8 минг нафари ушбу доза билан эмланганини маълум қилди. Таъкидланишича, бустер дозани вакцинанинг ҳар қандай туридан фойдаланган ҳолда олиши мумкин. «Бустер доза билан эмланиш „альфа“, „дельта“, „омикрон“ штаммидан ҳимоя қила олади», — дейилади хабарда.
65% аҳоли олий таълимга ишонмайди деган сўров натижаларини ўқиганмиз — Абдуқодир Тошқулов
Олий таълим вазири Абдуқодир Тошқулов аҳолининг 65 фоизи олий таълимга ҳалиям ишонмаслиги ҳақида сўровларни кўрганлигини таъкидлади. Вазир соҳада коррупция камайган бўлса-да, тизим атрофида фирибгарлар кўпайганлигини қайд этди. «Халқ, раҳбарият олий таълимнинг „ювелир“ даражада тоза бўлишини хоҳлайди», — деди у.
Ўзбекистон 2021 йил декабрь ойида 8,4 тонна олтин сотиб олди
Бутунжаҳон Олтин Кенгаши Ўзбекистон 2021 йилнинг ноябрь ойида 21,5 тонна олтин сотиб, декабрь ойида 8,4 тонна олтин сотиб олганини маълум қилди. Марказий банк маълумотларига кўра, ҳозирги кунда Ўзбекистон олтин захираси миқдори 11,6 трой унцияни, унинг қиймати эса 20,94 млрд долларни ташкил этади.
Ковиднинг кунлик статистикаси 625 тагача камайди
Пайшанба куни 625 кишининг коронавирусга топширган тест таҳлилида мусбат натижа қайд этилди, бу бир кун олдинги кўрсаткичга қараганда 67 тага кам. Қолаверса, кун давомида 103 нафар кишида пневмония аниқланди. Вирус асоратлари оқибатида 2 киши вафот этди.
Мактабларда она тили дарсликлари турли грамматик қоидалардан имкон қадар тозаланади — Республика таълим маркази
Мактабларда она тили дарсликлари турли грамматик қоидалардан имкон қадар тозаланади, деб хабар берди Республика таълим маркази. Қолаверса, бундан кейин «ўтимли ва ўтимсиз феъллар», «воситали-воситасиз тўлдирувчилар», «феъл кесим ва от кесим», «сифатловчи-сифатланмиш» ва шу каби мавзулар она тили дарсликларидан чиқариб ташланади. Шунга мувофиқ, келгусида ДТМ тестларининг баҳолаш мезонлари ҳам ўзгаради.
«Керак бўлса йиғлайсизлар». Ўқитувчилар узр сўраган йиғилиш тафсилотлари
Андижон вилоятининг Марҳамат туманида ота-оналардан кечирим сўрашга мажбур қилинган ўқитувчилар йиғилиш тафсилотларини сўзлаб берди. Уларнинг айтишича, ота-оналар билан учрашув сценарий асосида ўтган, бунда улар саҳнага чиқиб, ўз фанларини ёмон ўргатганликлари учун узр сўрашлари керак эди. «Керак бўлса йиғлашимизни айтишди», — дейди педагоглардан бири.
Жаҳон янгиликлари дайжести
АҚШдаги мактаблардан бирида отишма юз бергани, Дональд Трампнинг TRUTH Social ижтимоий тармоғининг март ойида ишга тушиши мумкинлиги, Путин ва Токаевнинг Москвада музокараларни бошлагани, Ливия бош вазири машинасининг ўққа тутилгани ва бошқа янгиликлар — «Газета.uz»нинг жаҳон янгиликлари дайжестида.
10 февраль куни Ўзбекистонда содир бўлган энг муҳим хабарлар дайжести
Самарқандга ташриф буюрган Шавкат Мирзиёев, мартда очиладиган Самарқанд халқаро аэропорти, Беҳзод Мусаевга юборилган парламент сўрови, Тошкентга трамвайни қайтиши, 1−2-синфлар учун «Она тили ва ўқиш саводхонлиги» фанидан уйга вазифа бериш бекор қилиниши, Самарқандда 10 нафар амалдорни ишдан бўшатган президент ва бошқалар — «Газета.uz» нинг 10 февралдаги энг муҳим хабарлари дайжестида.
Академик Эдвард Ртвеладзе оламдан ўтди
Aкадемик, археолог-олим, тарих фанлари доктори, профессор Эдвард Ртвеладзе 80 ёшида оламдан ўтди. Ртвеладзе Марказий Осиё минтақаси тарихи ва маданиятининг улкан қатламларини ўрганган, Окс Александрияси шаҳрини топган.
Президент Самарқандда туман ҳокимлари, МБ бошқармаси раҳбари ва бир нечта амалдорни ишдан бўшатди
Президент Шавкат Мирзиёев Самарқанд тумани ҳокими ва ИИБ бошлиғи, Нуробод тумани ҳокими, Оқдарё тумани прокурори ва ИИБ бошлиғи, Марказий банк Самарқанд вилояти Бош бошқармаси раҳбари ва вилоят электр тармоқлари корхонаси раҳбари ва бошқа амалдорларни ишдан бўшатди. Уларнинг баъзиларига нисбатан коррупция ҳолатлари бўйича жиноий иш очилиши мумкин.
Сентябрдан 1−2-синфларга «Она тили ва ўқиш саводхонлиги» фанидан уйга вазифа берилмайди
2022−2023-ўқув йилидан 1−2-синф ўқувчилари учун «Она тили ва ўқиш саводхонлиги» фанидан уйга вазифа бериш ва баҳолаш бекор қилинади. Қолаверса, ушбу дарсликдан йиллик баҳони чораклик баҳолар асосида қўйиш амалиёти тугатилади. Шунингдек, бошланғич синф ўқувчиларига тез ўқиш талаби қўйилмайди. Республика таълим маркази ахборот хизмати раҳбари Моҳира Нуруллаева янги тартиблар бўйича тушунтириш берди.
Январь ойида сўм курси 0,8 фоизга мустаҳкамланди
Январь ойида сўмнинг реал самарали алмашув курси индекси 2021 йил декабрь ойига нисбатан 0,8 фоизга мустаҳкамланди. Бу кўрсаткич 2021 йилнинг мос даврига нисбатан 5,4 фоизга, 2018 йилнинг июнига нисбатан 6,3 фоизга ўсган. Сўм курсининг ўсишига савдо-ҳамкор давлатлар валюта курсларининг қадрсизланиши сабаб бўлган.
Беҳзод Мусаевга пандемия учун ажратилган маблағлар сарфланиши юзасидан парламент сўрови юборилди
2021 йилда коронавирус пандемиясига қарши курашиш ва вакцина сотиб олиш учун давлат бюджетидан жами 4,2 трлн сўм маблағ ажратилган. ССВ 2021 йилнинг биринчи ярим йиллигидаги маблағлар нимага сарфланганини очиқламаган. Вазирлар Маҳкамаси ва Молия вазирлиги ҳисоботларида ҳам бу маълумотлар ўз аксини топмаган. Шундан келиб чиқиб, Қонунчилик палатаси соғлиқни сақлаш вазири Беҳзод Мусаевга парламент сўрови юборди.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг