Архив
Тошкент аэропортини кўчиришнинг мақсадга мувофиқлиги президент билан муҳокама қилинмоқда — Раъно Жўраева
Президент ва ҳукумат Тошкент аэропортини шаҳар ташқарисига кўчиришнинг мақсадга мувофиқлигини муҳокама қилмоқда. Uzbekistan Airports раҳбари Раъно Жўраеванинг фикрича, янги учиш-қўниш йўлакларини қуришнинг имкони йўқлиги сабабли ҳаво бандаргоҳининг ҳозирги қувватлари узоғи билан 2027 йилгача етади.
Абдулазиз Камилов Афғонистон бош вазири ўринбосарлари билан музокаралар ўтказди
Ўзбекистон президентининг ташқи сиёсат бўйича махсус вакили Абдулазиз Камилов Кобулга ташрифи доирасида Афғонистон бош вазири ўринбосарлари — Мулла Абдул Ғани Бародар ва Абдусалом Ҳанафий билан музокаралар ўтказди.
Шавкат Мирзиёев қўл жангини ривожлантириш бўйича қарорни имзолади
2023 йилдан ҳуқуқни муҳофаза қилувчи органлар ходимлари ўртасида қўл жанги бўйича Хотира турнири, профессионал спортчилар ўртасида президент ва Амир Темур кубоги халқаро мусобақалари ўтказилади. Бундан ташқари, янги ўқув йилидан бошлаб мактабларда қўл жанги бўйича маҳорат дарслари ўтилади.
Silk Avia авиакомпаниясининг илк парвозларини кузда амалга ошириш режалаштирилмоқда
Ҳудудий Silk Avia авиакомпанияси илк парвозларни жорий йилнинг сентябрь-октябрь ойларида амалга оширишни режалаштирмоқда. Uzbekistan Airports компанияси раҳбари Рано Жураева кечикишни лоукастер ташкил этиш жараёни билан боғлади.
Тошкентнинг саккизта туманида иссиқ сув таъминоти вақтинча тўхтатилади
Пойтахтдаги юқори босимли магистрал газ қувурида юзага келган носозлик сабабли саккизта туманнинг айрим ҳудудларида иссиқ сув таъминоти сешанба куни соат 6:00 га қадар тўхтатилади.
Рим ҳуқуқининг тамойиллари Конституцияда қайд этилиши мумкин
Ўзбекистон қонунчилигида бажариб бўлмайдиган ёки бажариш қийин бўлган нормалар ҳам учраб туради, деди президент. У Конституцияга фуқароларга бажариб бўлмайдиган мажбуриятни юкламаслик ҳақидаги номрани киритишни таклиф қилди. Ҳаёт дахлсизлиги Бош қонунда мустаҳкамланиши кераклиги ҳам айтилди.
Шаҳрисабзда Ҳисор қўриқхонасининг ташриф маркази очилди
Шаҳрисабзда БМТ Тараққиёт дастури кўмагида Ҳисор қўриқхонасининг ташриф маркази очилди. Марказ қўриқхонанинг ёввойи ҳайвонлари ва фаолият йўналиши ҳамда ёввойи табиат дуч келаётган хавф-хатарлар ҳақида маълумот беради.
Фуқароларга қонунчиликка оид таклифларини Олий Мажлисга киритиш ҳуқуқи берилиши мумкин
100 минг кишидан кам бўлмаган миқдордаги фуқаролар ўз қонунчилик таклифларини Қонунчилик палатасига киритиш имкониятига эга бўлиши мумкин. Президент бунинг учун Конституцияда қонунчилик таклифларини киритиш институтини қайд этиш таклифини илгари сурди.
Фото: Ёмғир остида қолган Тошкент кўчалари
20 июнь куни Тошкент шаҳрида ёғган қисқа муддатли кучли ёмғирлар туфайли пойтахт кўчаларини сув босди. Ёмғир ҳатто савдо марказларидаги дўконларгача кириб борди.
Президент ҳокимлар ва маҳаллий Кенгашлар ваколатини ажратиш таклифини илгари сурди
Ўзбекистон президенти ҳокимлар бир вақтнинг ўзида халқ депутатлари Кенгашларига ҳам бошчилик қилиши ҳақидаги қоидани Конституциядан чиқариб ташлаш вақти келганини маълум қилди. Ҳокимларнинг кенгаш раиси мақомини бекор қилиш 3 йилдан бери ортга суриб келинмоқда.
Шавкат Мирзиёев президентнинг айрим ваколатларини Сенатга ўтказишни таклиф қилди
Шавкат Мирзиёев президентнинг Коррупцияга қарши курашиш агентлиги ҳамда Ҳисоб палатаси раҳбарларини лавозимга тайинлаш ва озод қилиш бўйича ваколатларини Олий Мажлисга ўтказишни таклиф қилди. Унинг сўзларига кўра, ҳар икки ташкилот авваламбор Сенат олдида ҳисобдор бўлиши лозим.
«Миранда қоидаси» ва «Хабеас корпус» тамойилларини Конституцияда акс эттириш таклиф қилинди
Шавкат Мирзиёев гумонланувчи шахс қўлга олинганда, унга ҳуқуқларини тушунтириш бўйича қоидани («Миранда қоидаси») ва «Хабеас корпус» тамойилларини Конституцияда акс эттириш кераклигини таъкидлади. Ушбу қоидалар Ўзбекистон қонунчилигида аллақачон белгиланган.
Telegram ўзининг Premium обунасини тақдим этди — унда қандай имкониятлар мавжуд?
Telegram тармоғида ойлик фаол фойдаланувчилар сони 700 млн га етди. Ушбу муносабат билан мессенжер ўзининг Premium обунасини тақдим этди. Хўш, унинг бепул Telegram версиясидан фарқи нимада?
Конституцияни референдум орқали ўзгартириш таклиф этилди
Президент Конституцияни парламент ваколати билан эмас, балки референдум ўтказиш йўли орқали ўзгартиришни таклиф қилди. «Конституциявий ислоҳотни фуқароларимиз фикри ва қўллаб-қувватлаши асосида референдум орқали амалга оширсак, бу — ҳақиқий халқ Конституцияси бўлади», — деди Шавкат Мирзиёев.
Президент оила аёл ва эркакнинг ихтиёрий розилиги ва тенг ҳуқуқлилиги асосида шаклланишини Конституцияда мустаҳкамлашни таклиф этди
Шавкат Мирзиёев «оила аёл ва эркакнинг ихтиёрий розилиги ва тенг ҳуқуқлилиги асосида шаклланиши», жамият ва давлатнинг алоҳида ҳимоясида эканини Конституцияда мустаҳкамлашни таклиф этди. Давлат раҳбари иқтидорли ёшларни доимо қўллаб-қувватлашни мустақил қоида сифатида белгилаш кераклигини айтди.
Президент уй-жой бўйича конституциявий кафолат белгилашни таклиф қилди
Шавкат Мирзиёев «снос"ларга барҳам бериш учун уй-жой бўйича конституциявий кафолат белгилаб қўйиш кераклигини айтди. «Суд қарорисиз ҳеч ким уй-жойидан маҳрум қилинмаслиги керак. Иморат бузилишга тушадиган бўлса, бу учун бузишдан олдин унинг қийматига мос равишда компенсация тўланиши шарт», — деди у.
Президент Конституцияга ўлим жазосини тақиқлаш бўйича норма киритишни таклиф қилди
Шавкат Мирзиёев ўлим жазосини қайтариш ҳақидаги таклифларга қўшилмаслигини айтиб, уни тақиқлаш тўғрисидаги нормани Конституцияда мустаҳкамлаб қўйишни таклиф қилди. «Чунки яшаш ҳуқуқи — ҳар бир инсоннинг табиий ҳуқуқидир», — деди у.
Ҳафтанинг биринчи ярми ёмғирли, иккинчи ярми эса қуруқ бўлиши кутилмоқда
Душанбадан чоршанбагача республиканинг турли ҳудудларида вақти-вақти билан ёмғир ва дўл ёғади, ҳарорат эса +23…+28 атрофида бўлади. Айрим тоғли ҳудудларда сел келиши хавфи мавжуд. Ўзгидромет ҳафтанинг иккинчи ярмида об-ҳаво ёғингарчиликсиз бўлиши ва ҳарорат +39 даражага кўтарилишини маълум қилди.
Якшанба куни 93 кишида ковид аниқланди
Якшанба куни яна 93 кишининг коронавирусга топширган ПЗР-тест таҳлили мусбат натижани кўрсатди. Шанба куни эса 108 кишида вирус аниқланганди. Расмий статистикага кўра, ҳозирда 2 мингдан ортиқ бемор ковидга қарши даволанмоқда.
«Ушбу мағлубиятдан кейин янада кучлироқ бўламиз» — Тимур Кападзе
Ўзбекистон олимпия жамоаси мураббийи Тимур Кападзе Осиё кубоги финалидаги мағлубиятдан сўнг кўз ёшларини тийиб тура олмади ва жамоаси фақат ғалаба учун майдонга тушганини айтди. Кападзенинг сўзларига кўра, жамоа бу мағлубиятдан кейин янада кучаяди ва Осиё чемпиони бўлишдек мақсадига эришади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг