Наманган ва Андижонда жами 3 млрд сўмлик электр энергиясидан ноқонуний фойдаланилгани аниқланди
Наманганнинг Чуст туманида тадбиркорлар ўзбошимчалик билан тармоққа уланиш орқали 2,1 млрд сўмлик электрдан ноқонуний фойдаланди. Андижон шаҳрида таълим муассасаси 892 млн сўм зарар етказди. Икки ҳолат юзасидан жиноят ишлари қўзғатилди.
Фирибгарликда айбланиб, қидирувда бўлган ўзбекистонлик Туркиядан депортация қилинди
Автомобиль олди-сотдисида фирибгарлик жиноятларини содир этганликда айбланиб 2015 йилдан буён қидирувда бўлган Ўзбекистон фуқароси Туркиядан депортация қилинди. Истанбулдаги бош консулхона ундан жабр кўрган фуқаролардан ИИВга мурожаат қилишни сўради.
Самарқандда 5 киши қўлбола спиртли ичимликдан ҳалок бўлди
Самарқанд шаҳрида 5 нафар эркак қўлбола усулда ясалган спиртли ичимлик ичиш оқибатида ҳалок бўлди. Маҳсулотни сотган шахсга нисбатан жиноят иши қўзғатилди.
Ноқонуний қазишлар сабаб Зарафшон боғида 7 га яшил майдон йўқ бўлиб кетган — Эковазирлик
Самарқандда иккита ҳолатда қум-шағал қазиб олиниши оқибатида табиатга 800 миллиард сўмдан ортиқ зарар етказилди. Экология вазирлиги Зарафшон миллий табиат боғи ҳудудида ноқонуний қазиш ишлари доимий равишда олиб борилгани сабабли 7 гектар яшил майдон йўқ бўлиб кетганини маълум қилди.
Тошкентда йўл қоидалари қўпол бузилиши оқибатида икки пиёда жароҳатланди
Тошкентда BYD ҳайдовчиси светофорнинг яшил чироғида ҳаракатланмоқчи бўлиб, Nissan машинасига бориб урилди. У эса зарбдан қарама-қарши йўлакка чиқиб кетиб, йўлни кесиб ўтаётган пиёдаларни босиб кетди. Икки киши жароҳатланди.
Ўзбекистон «муаммоли давлатлар» орқали ўтиш учун муқобил йўлакларни аниқлайди — транспорт вазири
Ўзбекистонда 2030 йилгача транспорт-логистика тизимини ривожлантириш концепцияси қабул қилинади. Транспорт вазири «муаммоли мамлакатлар» орқали ўтиш учун муқобил йўлаклар аниқланишини айтди. Хитой, Украина, Молдова ва бошқа давлатлар билан транспорт шартномалари кўриб чиқилади.
Тошкентга 2025 йилда яна 1000 та автобус олиб келинади — транспорт вазири
Президент 2025 йилда Тошкентга яна 1000 та янги автобус олиб келишни буюрди, деди транспорт вазири Илҳом Маҳкамов. Аввалроқ ҳокимлик BYD билан K9UD eBus электробусларини етказиб бериш бўйича шартнома тузганди. QR-чипта харид қилиш учун бекатларда қўшимча 675 та инфокиоск ўрнатиш режалаштирилган.
Ўзбекистон президенти Абу Дабига етиб борди
Шавкат Мирзиёев расмий ташриф билан БАА пойтахти Абу Дабига етиб борди. Давлат раҳбарини аэропортда вице-президент Шайх Мансур Ол Наҳаён кутиб олди. У эртага барқарор ривожланиш ҳафталиги халқаро саммитида иштирок этади.
Пискентдаги полигонда «иномарка»ларни синовдан ўтказиш вақти 20 дақиқадан 15 гача қисқаради. Бу етарлими?
Пискентдаги полигонда яна импорт машиналарни синовдан ўтказишда навбат пайдо бўлди. UzTest электрон навбат олиш тартибини ўзгартирмоқчи: синов вақти 20 дан 15 дақиқага қисқаради, бу кунига 96 та машинани текшириш имконини беради. Аммо бу қувват автоимпортнинг кунлик ўртача ҳажмидан 2,3 баравар кам.
Президент қатор ҳарбий ва ҳуқуқ ходимларини мукофотлади
Президент Ватан ҳимоячилари куни муносабати билан бир қатор ҳарбий хизматчилар ва ҳуқуқни муҳофаза қилиш органлари ходимларини орден ва медаллар билан тақдирлади.
Фото: Тошкент аэропортида мушуклар учун уйлар ўрнатилди
Тошкент халқаро аэропортида мушуклар учун уйлар ўрнатилди. Экологик материаллардан йиғилган уйда иситиш ва совитиш тизимлари ўрнатилган. «Мамлакат ҳақидаги тасаввур аэропортдан бошланади ва бундай уйчалар бутун мамлакатнинг муносабати кўрсаткичидир», — дея қайд этди Uzbekistan Airports.
Жанубий Корея аэропортларида радиомаёқли конструкциялар алмаштирилади
Жанубий Корея ҳукумати мамлакат аэропортларидаги радиомаёқли конструкцияларни алмаштирмоқчи. Бундай қарорга Boeing 737−800 Jeju Air самолёти ҳалокатга учрагач, учиш-қўниш йўлагидан чиқиб, бундай тўсиққа урилгани сабаб бўлди. Ҳодисада бортдаги 181 кишидан 179 нафари ҳалок бўлган.
Жаҳон банки Ўзбекистонни иқтисодиёт ўсиши ва жаҳон савдосига интеграциялаш учун хизматлар соҳасини ислоҳ қилишга чақирди
Жаҳон банки навбатдаги ҳисоботида Ўзбекистонни мамлакатда иқтисодиёт ўсиши, иш ўринлари яратиш ва жаҳон савдосига интеграциялашиш учун хизматлар соҳасини ислоҳ қилишга чақирди ва қатор тавсиялар берди.
Ҳафта давомида қуруқ об-ҳаво кузатилади
13 ва 14 январь кунлари Ўзбекистон бўйлаб илиқ ҳаво сақланиб қолади, ҳарорат +13 даражагача исийди. Ҳафта ўртаси кўп булутли бўлиши кутилмоқда, бироқ мамлакатнинг аксарият қисмида ёғингарчилик бўлмайди. Ҳаво ҳарорати 2−3 даражага тушади.
Paynet Humo тўлов тизимини 65 млн долларга сотиб олди
Paynet компанияси Миллий банклараро процессинг маркази — Humo тўлов тизимининг устав капиталидаги 100 фоиз давлат улушини сотиб олди. Компания 3 нафар талабгордан энг юқори нарх — 65 млн доллар таклиф қилган.
Лос-Анжелесда ўрмон ёнғинлари давом этмоқда, ҳалок бўлганлар сони 24 тага етди
Олти кундан бери Лос-Анжелес бўйлаб кенг кўламли ўрмон ёнғинлари кузатилмоқда. Табиий офат оқибатида ҳалок бўлганлар сони 24 кишига етди, 12 мингдан ортиқ бино, жумладан, турар жой бинолари, мактаблар ва черковлар вайрон бўлди ёки зарар кўрди.
Комил Алламжонов атрофидаги етти нафар фуқаро иши бўйича суд бошланди
Олий суд Комил Алламжонов атрофидаги 7 нафар фуқаронинг (қўриқчилар, ҳайдовчи ва бошқалар) шикоятларини кўриб чиқишни бошлади. Адвокатнинг айтишича, улар асоссиз равишда 15 суткага қамоққа олинган. Унинг сўзларига кўра, иш суд-ҳуқуқ тизимидаги «кўп сонли камчиликларни» очиб беради.
Электротехника экспортини йилига 3 млрд долларга етказиш режалаштирилмоқда
Ўзбекистонда электротехника экспортини йилига 3 млрд долларга, ишлаб чиқариш ҳажмини эса 50 трлн сўмга етказиш режа қилинмоқда. Юқори технологияли ишлаб чиқаришни йўлга қўйган тадбиркорларни уч йил муддатга фойда ва мол-мулк солиғидан озод қилиш таклиф этилмоқда.
Ўзбекистон давлат оммавий ахборот воситалари 2025 йилда давлат бюджетидан қанча маблағ олади?
МТРКнинг 2025 йилга мўлжалланган бюджети 1,6 баробарга ошиб, 881,3 млрд сўмга етди. Унинг вазифаси одамлар онгида демократик қадриятларни шакллантириш, ислоҳотларни ёритиш ва бошқалардан иборат. Мамлакат ички ва ташқи сиёсатини холис ёритиш учун масъул бўлган ЎзА бюджети ҳам кўпайди.
Ўзбекистон парламентида мухолифат ҳуқуқларига оид қонун лойиҳаси ишлаб чиқилиши мумкин
Ўзбекистон парламентида мухолифат ҳуқуқларига оид қонун лойиҳасини ишлаб чиқиш таклиф этилмоқда. Мухолифат вакиллари 1 нафар қўмита раиси ва 2 нафар қўмита раиси ўринбосари лавозимларини кафолатли эгаллаши мумкин. Аввалроқ президент парламентда мухолифатни жонлантириш зарурлигини айтганди.
Қўшимча имкониятлардан фойдаланиш учун сайтда рўйхатдан ўтинг