Самарқанд ва Сурхондарёда ноқонуний ер сотишга уринган шахслар ушланди
Самарқандда ўзганинг фермер хўжалиги еридан 10 гектарни сотмоқчи бўлган аёл, Сурхондарёда эса уй қуриш учун фермер хўжалик ерини сотишга уринган фуқаро қўлга олинди. Уларга нисбатан фирибгарлик моддаси билан жиноят иши очилди.
Гўшт, балиқ, картошка, ўсимлик ёғи учун ҚҚС имтиёзлари яна 4 ойга узайтирилиши мумкин
Асосий озиқ-овқат маҳсулотлар, жумладан, ўсимлик ёғи, кунгабоқар ва зиғир уруғи, гўшт, тирик ҳайвонлар, балиқ ва картошка импорти ва реализацияси учун ҚҚС берилган имтиёзлар муддати 2022 йилнинг 30 апрелигача узайтириш тўғрисидаги ҳужжат лойиҳаси Қонунчилик палатасига киритилди.
Фото: Қорақалпоғистонда қор ёғди
Жума куни Нукус шаҳри ва Қорақалпоғистоннинг бир қанча туманларида қор ёғди. Бунинг оқибатида жамоат транспорти сифатида фойдаланилган 1400 дан ортиқ «Damas» машиналари қатновдан олинган, туманлараро йўловчи ташувчи автобус ва микроавтобуслар ҳаракати эса вақтинча тўхтатилган. Қорақалпоғистонлик синоптикнинг фикрича, шанба куни тушки вақтгача қор ёғишда давом этади ва совуқ ҳаво 3−4 кун давомида сақланиб қолади.
Гулнора Каримовага Швейцария банкидаги музлатиб қўйилган $70 млнлик активлари қайтариб берилади
Швейцариянинг федерал жиноят суди Гулнора Каримова бенефициари бўлган Takilant компаниясининг музлатилган 350 млн доллар кўпроқ маблағнинг 293 млн долларини мусодара қилди. Тахминан 70 млн доллар эса жиноят натижасига қўлга киритилгани аниқланмагани учун компанияга қайтарилади. Шу билан суд Каримова билан боғлиқ жиноят иши доирасида яна бир бобни ёпди. Адлия вазирлиги 293 млн долларни Ўзбекистонга қайтаришга умид қилмоқда.
20 август Тадбиркорлар куни этиб белгиланди
Шавкат Мирзиёев 20 августни Тадбиркорлар куни этиб белгилашга оид қонунни имзолади. Жорий йилнинг айни шу куни президент мамлакат ишбилармонлари билан учшарув ўтказган эди. Энди очиқ мулоқот ҳар йили бўлиб ўтади.
Ўзбекистоннинг Марказий Осиё Етакчи аёллари мулоқотига раислиги якунлари сарҳисоб қилинди
Тошкентда бўлиб ўтган минтақавий форумда Ўзбекистоннинг Марказий Осиё етакчи аёллари Мулоқотига раислиги якунлари сарҳисоб қилинди. 2022 йилда Марказий Осиё етакчи аёллари мулоқотига Туркманистон раислик қиладиган бўлди.
Байрам кунлари Afrosiyob қатнови яна биттага кўпаяди
27 декабрдан 9 январгача «Тошкент — Бухоро — Тошкент» йўналишида Afrosiyob қатнови яна биттага кўпаяди. Бундан ташқари, байрам кунлари барча йўловчи поездларга қўшимча вагонлар уланади.
30−31 декабрь кунлари Ўзбекистонда қор ёғмаслиги мумкин — Ўзгидромет мутахассиси
Ўзгидромет етакчи мутахассиси Эркин Абдулаҳатов «30−31 декабрь кунлари аҳоли байрамни қорли об-ҳавосиз кутиб олиши мумкинлигини» маълум қилди. Бунга қиш ойларида совуқ ҳаво оқимларининг Ўзбекистонга кириб келиши 2 бараварга камайиб кетгани, қолаверса, глобал иқлим ўзгариши таъсир қилмоқда.
Фарғонада бир кунда 2 марта зилзила содир бўлди
Фарғона вилояти Риштон туманида бир кун ичида 2 маротаба ер қимирлади, ҳар икки ҳолатда магнитуда 3 баллдан юқорироқни ташкил қилган. Эпицентр пойтахтдан 196 км узоқликда жойлашган.
Адлия вазирлиги чет эл валютасида қарз беришни нотариал тасдиқлаш бўйича механизмни ишлаб чиқди
Адлия вазирлиги жамоатчилик муҳокамаси учун эълон қилган қонун лойиҳасига кўра, қарз суммаси чет эл валютасида белгиланганда шартнома ёзма шаклда тузилиши ва нотариал тартибда тасдиқланиши шарт бўлади. Вазирлик бу фуқаролар «ўзининг қонуний манфаатларини судда тўлиқ ҳимоя қилишига ҳуқуқий асос бўлади» деб ҳисобламоқда.
«Космонавтлар» метро бекатида вагондан тутун чиқди
Тошкентдаги «Космонавтлар» метро бекатида поезд вагонида «носозлик сабабли тутун чиқди», дея хабар қилди ФВВ. Йўловчилар вагондан туширилган, воқеа оқибатида ҳеч ким жабрланмаган. Поезд таъмирлашга жўнатилди.
Япония Термиз тумани тиббиёт муассасаларида сув таъминотини яхшилашга ёрдамлашади
Япония ҳукумати Термиз туманидаги бирламчи тиббиёт муассасаларининг сув таъминоти ва канализация инфратузилмасини модернизация қилиш учун грант ажратди. Лойиҳа ЮНИCЕФ томонидан амалга оширилмоқда.
Ўзбекистоннинг ташқи савдо айланмаси пандемиядан олдинги даражадан ошди
11 ой якунларига кўра, ташқи савдо айланмаси пандемиягача бўлган даражадан ошиб, қарийб 38 млрд долларни ташкил этди. Экспортнинг ярмидан кўпи олтин, рангли металлар ва тўқимачилик маҳсулотларига тўғри келади. Россия бир неча йилдан бери илк марта Хитойни Ўзбекистоннинг импорт бўйича ҳамкорларининг биринчи қаторидан сиқиб чиқарди.
Қозоғистон Ўзбекистондан товарлар импортини чекламайди
Қозоғистон қозоғистонлик истеъмолчиларга салбий таъсир кўрсатгани сабабли Ўзбекистондан импорт қилинадиган товарларга чеклов қўймоқчи эмас. Шу билан бирга, Савдо вазирлиги Ўзбекистон томонининг айрим чекловлари ҳақида маълум қилди.
«Ўзсувтаъминот» Сирдарёда ОТБнинг 7 млн доллари талон-торож қилингани ҳақидаги хабарларни рад этди
«Ўзсувтаъминот» Сирдарё вилояти ҳокими Ғофур Мирзаевнинг Ховос туманида аҳолини ичимлик суви билан таъминлаш лойиҳасини амалга ошириш жараёнида ОТБнинг 7 млн доллар талон-торож қилингани ҳақидаги баёнотини рад этди. Таъкидланишича, маблағларнинг 6,2 млн доллари Жаҳон банкига, 1 млн доллари эса Ўзбекистонга тегишли ҳамда «ушбу маблағлар талон-тарож қилинмаган».
Отабек Умаров Қирғизистон фахрий ёрлиғи билан тақдирланди
Қирғизистон президенти Садир Жапаров Марказий Осиё MMA Конфедерацияси раҳбари, Осиё олимпия Кенгаши вице-президенти Отабек Умаровни фахрий ёрлиқ билан тақдирлади.
Ўзбекистон Афғонистонга 63 та вагонда инсонпарварлик ёрдамини жўнатди
Пайшанба куни Ўзбекистондан Афғонистонга гуманитар ёрдам юкланган поезд жўнаб кетди. 63 вагонга озиқ-овқат, кийим-кечак ва кўмир ортилган.
Ўзбекистон халқ артисти Шермат Ёрматов 82 ёшида вафот этди
Ўзбекистон халқ артисти, болалар хори санъатининг фаол тарғиботчиси, композитор ва дирижёр Шермат Ёрматов 82 ёшида вафот этди.
«Бири коррупцияга йўл очади, бошқаси дарров ғўддайиб, оёғи ердан узилади». Президент Тошкент вилояти ҳокимлари ҳақида
Шавкат Мирзиёев Олмалиқ шаҳрида фаоллар билан учрашувда Тошкент вилоятидаги кадрлар муаммоси ҳақида гапирди. «Бири коррупцияга йўл очади, бошқаси дарров ғўддайиб, оёғи ердан узилади. Мен амални бераман, лекин арқонни узун ташлаб қўяман», — деди у. Тошкент вилоятида сўнгги 6 йилда еттинчи ҳоким лавозимга тайинланди.
Элдор Шомуродов захирадан тушиб, «Сампдория» дарвозасига гол урди
Италия чемпионатининг 19-тур баҳсларида «Рома» «Сампдория»ни қабул қилди. Моуриньо ўзбек ҳужумчиси Элдор Шомуродовни захирадан ўйинга туширди, 5 дақиқадан сўнг у рақиб дарвозасига гол киритди.
Қўшимча имкониятлардан фойдаланиш учун сайтда рўйхатдан ўтинг