Ноябрда аҳолининг инфляцион кутилмалари деярли ўзгармади, бизнесники эса сезиларли пасайди
Ўзбекистонда ноябрь ойида аҳолининг инфляцион кутилмалари октябрга нисбатан деярли ўзгармади, бизнеснинг кутилмалари эса сезиларли пасайди. Иш ҳақи, нафақалар ошиши нархларга босим ўтказишини қайд этганлар кўпайди. Инфляция 8 фоиз ва ундан камроқ бўлишини кутаётганлар улуши пойтахтда энг кам бўлди.
«Ўзавтосаноат»га автомобиль сотувида дилерлик тизими билан боғлиқ муаммоларни ечиш топширилди
Президент ишлаб чиқариш таннархини камайтириш ва Ўзбекистонда автомобилларни маҳаллийлаштириш даражасини ошириш бўйича топшириқ берди, деди «Ўзавтосаноат» раҳбари Улуғбек Розуқулов. Унга кўра, «дилерлик тизимини такомиллаштириш ва аҳоли эътирозларининг олдини олиш» ҳам топширилган.
Ичида ёш қиз бўлган лифт қулагани йўқ — Янгиҳаёт тумани ҳокимлиги
Тошкентнинг Янгиҳаёт туманидаги кўп қаватли уй лифти электр ўчиши оқибатида қулагани ҳақида хабар тарқалди. Туман ҳокимлиги ток ўчгач генератор ишлагани, лифт ичидаги қизалоқ пастга хавфсиз тушганини маълум қилди.
Тожикистон ва Қирғизистондан келтирилган гиёҳвандлик воситалари мусодара қилинди — ДХХ
ДХХ ходимлари ва божхоначилар Тожикистондан контрабанда йўли билан олиб келинган 27,5 кг «гашиш» ва салкам 4 кг «опий»нинг Ўзбекистонда сотилишига чек қўйди. Бундан ташқари, Андижон вилоятида Қирғизистондан олиб келинган 4,5 кг дан ортиқ «Мефедрон» аниқланиб, мусодара қилинди.
Ҳаво шанба куни баъзи ҳудудларда қор ва ёмғирли, якшанбада эса қуруқ бўлади
Ўзбекистондан совуқ антициклон тез чекинмоқда. Жума ва якшанба кунлари кундузи мамлакатнинг катта қисмида ёғингарчилик кутилмайди, ҳарорат +7 даражагача исийди. Шанба эса бироз ёмғир ва қорли ўтиши, туман тушиши кутилмоқда.
Uzbekistan Airways самолёти Санкт-Петербургга фавқулодда қўниши сабали 22 минг доллардан кўпроқ зарар кўрди
Нью-Йоркдан Тошкентга учаётган самолёт йўловчининг зўравонлиги туфайли Санкт-Петербургга фавқулодда қўнгани учун Uzbekistan Airways компанияси 22 минг доллардан кўпроқ зарар кўрди.
Президент электромобиллар ишлаб чиқаришни ривожлантиришни кечиктирмасликка чақирди
Шавкат Мирзиёев «Ўзавтосаноат»ни трансформация қилишни жадаллаштириш, моделларни кенгайтириш ва маҳсулот сифатини ошириш муҳимлигини таъкидлади. Унинг сўзларига кўра, маҳаллий корхоналар электромобиль ишлаб чиқариш соҳасини ўзлаштириб, талабларга мослашмаса, келажакда бозорда ўрин топишда қийналади.
Қўштепа канали қирғоғини сув ювиб кетмаган, сизиб чиққан сув — сизот сувлари — «Ўзбеккосмос»
«Ўзбеккосмос» «Чегара билмас дарёлар» коалицияси экспетларининг Қўштепа канали қирғоғи Амударёдан олинаётган сув оқими оқибатида ювиб кетилгани тўғрисидаги маълумотларини рад этди. Агентлик аниқлашича, сизиб чиққан сув — сизот сувлари.
Самарқандда майнинг ферма давлатга 2 млрд сўмдан зиёд зарар келтиргани аниқланди
Пастдарғом туманида давлатга 2 млрд 237 млн сўм келтирган майнинг ферма аниқланди. Корхона 25 дона майнинг қурилмасини электр тармоғига яширин равишда улаб, ноқонуний фойдаланиб келган.
Навоийда мактабга кроссовкада борган ўқувчилар танбеҳ эшитди
Навоий шаҳридаги 6-мактабда ўқитувчи кроссовкада келган болаларга танбеҳ берди. Мактабгача ва мактаб таълими бошқармаси ўқувчиларнинг таълим муассасасига спорт пойабзалида келмаслиги керак, деган талаб мавжуд эмаслигини билдирди.
Сурхондарёда юк машинаси уриб юборган 4 ёшли бола вафот этди
Бойсун туманида юк машинаси уриб юборган 4 ёшли бола вафот этди. Уни опаси боғчадан олиб қайтаётган бўлган ва опасини кутмасдан йўлнинг белгиланмаган жойидан югуриб ўтмоқчи бўлганида ҳалокатга учраган.
Июлда ишдан олинган «Ўзбекистон темир йўллари» собиқ раиси компания бош муҳандиси бўлди
Беш ой аввал «фаолиятида сусткашликка йўл қўйгани учун» ишдан олинган «Ўзбекистон темир йўллари» собиқ раиси Ҳуснутдин Хосилов яна соҳага қайтди. У компаниянинг бош муҳандиси этиб тайинланди. Президент у ишдан олинган йиғилишда «хиёнат қилганга ўрин йўқ», дея таъкидлаганди.
UzAuto Motors вақтида олиб кетилмаган автомобиллар кейинги мижозга берилишидан огоҳлантирди
UzAuto Motors мижозларга автомобилларни дилерлик марказидан 5 иш куни ичида олиб кетишни эслатди. Акс ҳолда компания автомобилни навбат тартиби асосида кейинги мижозга беришга мажбур бўлади.
«Автомобиль арзон, лекин ундан фойдаланиш қиммат бўлиши керак» — Алишер Қодиров
Алишер Қодиров йўллардаги тирбандликларни камайтиришга жамоат транспорти жозибадорлигини ошириш билан эришишни, бунинг учун эса хусусий транспортлардан фойдаланиш ва унга хизмат кўрсатишни қиммат қилиш кераклигини айтди. Спикер ўринбосари бу борада Хитой ва Сингапурни мисол қилиб келтирди.
Пахта хомашёсини етказиш шартномалари биржа орқали тузилади, фермерлар қисман эркинликка эга бўлади
2024 йилги ҳосил мавсумидан пахта хомашёсини етказиб бериш бўйича шартномалар товар-хомашё биржаси орқали тузилади. Фермерлар ортиқча хомашёни, шунингдек, ўз маблағи ҳисобидан етиштирилган пахтани эркин сотиш имкониятига эга бўлади. Фермер ва кластерларни кредитлашнинг янги тизими жорий этилади.
Нефтни қайта ишлаш заводлари бензин ишлаб чиқаришни 21 фоизга оширди
Бензинга талаб ортиб бориши фонида Бухоро ва Фарғона нефтни қайта ишлаш заводлари ёнилғи ишлаб чиқаришни 21,2 фоизга — 4 минг тоннагача оширди. «Ўзбекнефтгаз», шунингдек, маҳаллий SDK Group And компанияси Россиядан Аи-92 К5 бензини импортини оширгани ҳақида хабар берди.
Кореяда ўқиётган 22 нафар ўзбекистонлик талаба мамлакатдан чиқариб юборилди
Кореянинг Ҳаншин университети тил курсида ўқиётган 22 нафар ўзбекистонлик талаба мамлакатдан алдов йўли билан чиқариб юборилгани ҳақида хабар тарқалди. Ўзбекистоннинг Кореядаги элчихонасига кўра, улар олийгоҳ талабларига бўйсунмаган, шунингдек, ноқонуний меҳнат билан шуғулланган. Ҳолат ўрганилмоқда.
Шуҳрат Абдураҳмонов сув таъминоти ходимларига 4 млн сўмдан пул тарқатди (видео)
Андижон вилояти ҳокими кўчада ишлаётган ичимлик суви таъминоти ходимларига 4 миллион сўмдан пул берди. Тарқатилган пуллар ҳомийлик маблағлари ҳисобидан экани маълум қилинди.
МБ асосий ставкани 14 фоиз даражасида ўзгаришсиз қолдирди
Марказий банк асосий ставкани йиллик 14 фоиз даражасида сақлаб қолиш тўғрисида қарор қабул қилди. Иқтисодиётда инфляцион жараёнларнинг секинлашиб боришига қарамасдан, бу тенденциянинг давомийлиги бўйича ноаниқликлар сақланиб қолмоқда.
Тошкентда ўқувчи ток уриб вафот этгани ортидан мактаб «замдиректори» қамоққа олинди
Мирзо Улуғбек туманида 8-синф ўқувчиси ток уриши оқибатида вафот этгани ортидан мактабнинг хўжалик ишлари бўйича директор ўринбосари қамоққа олинди.
Қўшимча имкониятлардан фойдаланиш учун сайтда рўйхатдан ўтинг