Arxiv
Buxoroda 33 yoshli ayol tug‘uruq jarayonida vafot etdi
Buxoro viloyati perinatal markazida 33 yoshli ayol farzand dunyoga keltirayotgan vaqtda vafot etdi. U kasalxonaga tana haroratining 38 darajagacha ko‘tarilishi, qog‘onoq suvlari ketishi va umumiy holsizlik holatida olib kelingan. Ikki nafar mas’ul shifokor boshqa bo‘limga rotatsiya qilingan.
“Biz xuddi askardek, vazifa berildi va uni bajarishimiz kerak” — Temur Kapadze
O‘zbekiston milliy terma jamoasi bosh murabbiyi etib tayinlangan Temur Kapadze jamoa o‘quv mashg‘uloti yig‘inida ishtirok etish uchun Dohaga bordi. “Biz xuddi askardek, vazifa berildi va uni bajarishimiz kerak”, — dedi u. Murabbiy JCHga chiqish uchun futbolchilarning qobiliyati ham, kuchi ham yetishini ta’kidladi.
2025-yil uchun inflyatsiya prognozida gaz va elektr energiyasi tariflari yana oshishi inobatga olingan — MB
Aprel oyida elektr energiyasi va gaz tariflari oshishidan inflyatsiyaga dastlabki qo‘shimcha ta’sir 1,8−1,9 foiz punkt bo‘lishi kutilmoqda. “Bu joriy yil uchun 7−8 foiz atrofida bo‘lishi kutilayotgan inflyatsiya prognozida inobatga olingan”, — dedi Markaziy bank raisi.
Aktyor Matyoqub Matchonov tanishini haqorat qilgan uchun javobgarlikka tortildi
Kinoarboblar ijodiy uyushmasi raisi Matyoqub Matchonov tanishini haqorat qilgani uchun javobgarlikka tortildi. Jabrlanuvchi taniqli aktyor bilan suhbatini diktofonga yozib olgan va uni IIBga bergan. Sud tomonidan Matyoqub Matchonovga 1 mln 125 ming so‘m miqdorida jarima jazosi tayinlandi.
Baytqo‘rg‘on va Parkentni bog‘laydigan temiryo‘l qurilishi boshladi
Toshkent viloyatining Qibray va Parkent tumanlarini bog‘laydigan elektrlashtirilgan temiryo‘l qurilishi boshlandi. Uning umumiy uzunligi 23,8 kilometrdan iborat bo‘ladi.
Toshkentda ozarbayjonlik tadbirkorlardan pul talab qilib kelgan jinoiy guruh faoliyatiga chek qo‘yildi
IIV Tezkor-qidiruv departamenti Toshkentda tadbirkorlik bilan shug‘ullanuvchi ozarbayjonlik aka-ukalardan pul talab qilib kelgan jinoiy guruh faoliyatiga chek qo‘ydi.
Toshkentda quvurga tushib ketgan 6 yoshli bolaning vafoti bo‘yicha aybdorga sud hukmi o‘qildi
Yozda Uchtepa tumanida 6 yoshli bola usti ochiq qoldirilgan issiq suv qudug‘iga tushib ketib halok bo‘lgandi. Quvurda ta’mirlash ishlarini olib borgan 32 yoshli ta’mirlash montajchisi uni ochiq qoldirib, atrofiga to‘siq o‘rnatmagani aniqlandi. Sud unga 2 yil 6 oy muddatga ahloq tuzatish ishlari jazosi tayinladi.
Markaziy bank asosiy stavkani 13,5 foiz darajasida o‘zgarishsiz qoldirdi
MB asosiy stavkani yillik 13,5 foiz darajasida qoldirdi. “Energiya narxlari erkinlashtirilishi ta’siri kamayishi kutilayotganiga qaramasdan, inflyatsion kutilmalar yuqori darajada saqlanib qolayotgani pul-kredit sharoitlarini nisbatan qat’iy darajada saqlab qolishni taqozo etmoqda”, — deya qayd etgan regulyator.
“Forma bo‘lmasa, darvozadan chiqarib yuboraman”. Qashqadaryoda maktab direktori o‘qituvchilarga forma uchun pul yig‘ishga ko‘rsatma berdi
Qarshi shahridagi 23-maktab direktori o‘qituvchilarga o‘quvchilar formasi uchun pul yig‘ishga ko‘rsatma berdi. “Nimchasi bo‘lmasa, darvozadan chiqarib yuboraman, menga formasiz o‘quvchi kerak emas”, — dedi u. Maktab ta’limi boshqarmasi direktor jarimaga tortilgani va bunday holatni keskin qoralashini bildirdi.
Toshkent — Xo‘jakent elektropoyezdi qatnovi “Chinorkent” bekatigacha uzaytirildi
Bo‘stonliq tumanida “Chinorkent” temiryo‘l bekati 22-yanvar kuni foydalanishga topshirildi. Shu munosabat bilan Toshkentdan Xo‘jakentgacha bo‘lgan elektropoyezd qatnovi 1,5 km masofaga — Chorvoq shaharchasida yaqinida joylashgan “Chinorkent” bekatigacha uzaytirildi.
Buxoro viloyatida 4 magnitudali zilzila sodir bo‘ldi
Buxoro viloyati Jondor tumanida 4 magnitudali yer silkinishi qayd etildi. Zilzila epitsentri Toshkentdan 526 km uzoqda joylashgan.
22-yanvar kuni e’lon qilingan eng muhim yangiliklar dayjesti
To‘rtinchi bor viloyat hokimi bo‘lgan Erkinjon Turdimov, O‘zbekiston va Rossiya o‘rtasida besh yillik harbiy sheriklik dasturi, paxtani birja orqali sotishning yangi mexanizmi, bo‘lib to‘lash bozorini tartibga solishni o‘ylayotgan Markaziy bank va boshqalar — “Gazeta.uz"ning kunlik dayjestida.
JB O‘zbekistonning 2024-yildagi iqtisodiy o‘sishini 6% ga baholadi
Jahon banki ma’lumotlariga ko‘ra, O‘zbekiston iqtisodiyoti 2024-yilda 6% ga o‘sgan. 2025-yil uchun prognoz 5,8% ni, 2026-yil uchun esa 5,9% ni tashkil etadi, bu Yevropa va Markaziy Osiyo mintaqasidagi davlatlar orasida eng yuqori ko‘rsatkichlardan biri.
MB bo‘lib to‘lash bozorini tartibga solish imkoniyatlarini o‘rganmoqda
Markaziy bank hozirda bank nazoratidan tashqarida bo‘lgan bo‘lib to‘lash bozorini tartibga solish imkoniyatini ko‘rib chiqmoqda. Bo‘lib to‘lashni taqdim etadigan xizmatlar nobank kredit tashkilotlari deb hisoblanishi mumkin.
Kriminologiya tadqiqot instituti pulli xizmatlar ko‘rsata boshlaydi
Kriminologiya tadqiqot instituti jamoat xavfsizligini ta’minlash va jinoyatchilikka qarshi kurashish sohasida shartnoma asosida pulli xizmatlar ko‘rsata boshlaydi. Institut ekspertlik, ilmiy-tadqiqot, noshirlik, matbaa xizmatlarini taqdim etadi. Narxlar bozor kon’yunkturasidan kelib chiqqan holda tasdiqlanadi.
Timur Kapadze O‘zbekiston milliy terma jamoasi bosh murabbiyi etib tayinlandi
O‘zbekiston olimpiya terma jamoasi murabbiyi Timur Kapadze milliy terma jamoa bosh murabbiyi etib tayinlandi. Bunda uning “murabbiylik iste’dodi, mas’uliyati, jamoa a’zolari orasida mavqei” inobatga olindi. Avvalroq sobiq murabbiy Srechko Katanets sog‘lig‘idagi muammolar sabab vazifasidan ozod etilgandi.
Normativ-huquqiy hujjatlar loyihalarining ilmiy asoslanganligi o‘rganiladi
O‘zbekistonda endi tegishli sohadagi davlat ekspertlik va oliy ta’lim muassasalari normativ-huquqiy hujjatlar loyihalarining ilmiy asoslanganligini o‘rganadi. Bunda xulosalar tavsiyaviy xususiyatga ega bo‘ladi, ular inobatga olinmaganda kelishmovchiliklar jadvali tayyorlanadi.
Suv xo‘jaligi vaziriga yangi o‘rinbosar tayinlandi
Prezident qarori bilan Zokir Ishpulatov suv xo‘jaligi vaziri o‘rinbosari — Suv xo‘jaligi obyektlarini ekspluatatsiya qilish agentligi direktori lavozimiga tayinlandi. U bungacha Vazirlar Mahkamasi kotibiyati bosh mutaxassisi bo‘lib ishlagan.
Kapital talablarini bajarmagan ikkita bankning aktiv operatsiyalari cheklab qo‘yildi
O‘zbekistonda 2025-yildan boshlab banklar uchun ustav kapitalining eng kam miqdori 500 milliard so‘mgacha oshirildi. Bugungi kunga qadar to‘rtta bank ushbu talabni bajarmagan, Markaziy bank ulardan ikkitasining aktiv operatsiyalarini cheklab qo‘ydi.
Nukus, Buxoro, Farg‘ona va Namanganda texnika universitetlari tashkil etiladi
Oliygohlarda registrator ofislari ochib, oliy ta’lim va ilm-fan xizmatlarini qamrab olgan yagona raqamli tizim joriy etish rejalashtirilmoqda. Dual ta’limda ishtirok etayotgan korxonalar rag‘batlantiriladi. Nukus, Buxoro, Farg‘ona va Namangan texnika universitetlari tashkil etiladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlardan foydalanish uchun saytda ro‘yxatdan o‘ting