Iqtisodiyot
«Nima uchun hokimlar 70−80% korxonalarda 1 nafardan xodim ishlayotgani bilan biror marta qiziqib ko‘rmagan?» — prezident
O‘zbekistonning 47 ta tumanida 70−80 foiz korxonalarda ishchilar soni 1 nafarni tashkil etmoqda. Prezident buning uchun hokimlarni tanqid qilib, nima uchun korxonalar ijtimoiy soliq stavkasi tushirilganiga qaramasdan, «adolatli soliq to‘lashga» o‘ta olmayotganini so‘radi.
Turkmaniston O‘zbekistonga energiya taqchilligining bir qismini qoplashga yordam beradi
O‘zbekiston Turkmanistondan tabiiy gaz importini oshirish bo‘yicha kelishuvga erishdi. Uch oy ichida 1,5 mlrd kub metrga yaqin gaz import qilinishi rejalashtirilgan, bu esa qish mavsumida taqchillikni qoplashga yordam beradi.
O‘zbekistonning 2023 yil uchun davlat budjeti loyihasi hanuz parlamentga kiritilmadi
O‘zbekistonning 2023 yilgi davlat budjeti 15 dekabrga qadar qabul qilinishi kerak edi, biroq loyiha hanuz jamoatchilik muhokamasi uchun taqdim etilmadi va parlamentga kiritilmadi. Hukumat ketma-ket to‘rtinchi yil muddatlarni buzmoqda.
UzAuto Motors Damas va Labo avtomobillari uchun arizalarni qabul qilishni to‘xtatdi
Cobalt va Lacetti`dan keyin UzAuto Motors kompaniyasi Damas va Labo avtomobillari bo‘yicha shartnoma tuzishni to‘xtatdi. Ayni paytda xaridorlar uchun budjetli avtomobillardan faqat yetkazib berish muddati 2023 yil 31 dekabr bo‘lgan Onix mavjud.
Banklarda dollarning sotish kursi 11 285 so‘mgacha tushdi
Tijorat banklari 16 dekabr kuni aholidan 1 AQSh dollarini 11 220 — 11 270 so‘mdan sotib olmoqda, sotish kursi esa 11 285 so‘m.
Markaziy bank asosiy stavkani o‘zgartirmadi, biroq inflyatsion xatarlar haqida ogohlantirdi
Markaziy bank ichki va tashqi iqtisodiy omillar hisobiga narxlarga bo‘lgan bosim yuqori qolayotganini qayd etdi. Shuningdek, logistika va tashish narxlarining qimmatlashuvi tovarlar va xizmatlar narxiga salbiy ta’sir ko‘rsatishi mumkin. Yalpi taklifdagi ayrim uzilishlar inflyatsiyani oshirishi ehtimoldan holi emas.
MB asosiy stavkani 15% darajasida o‘zgarishsiz qoldirdi
Markaziy bank asosiy stavkani yillik 15 foiz darajasida o‘zgarishsiz qoldirishga qaror qildi.
Noyabr oyida O‘zbekistonda avtomobillar sotuvi 41 foizga oshdi — ITIM
ITIM tahlillariga ko‘ra, noyabr oyida O‘zbekistonda 160 mingga yaqin avtoulov sotilib, oylik o‘sish 41%ni tashkil etdi. Hududlar kesimi bo‘yicha yuqori faollik Toshkent shahri, Farg‘ona va Surxondaryo viloyatlarida kuzatildi. Shuningdek, mahalliy avtomashinalar 58%ga, xorijiy avtomobillar sotuvi esa 69%ga o‘sdi.
Banklarda dollarning sotish kursi 30 so‘mga arzonlashdi
Tijorat banklari 15 dekabr kuni aholidan 1 AQSh dollarini 11 230 — 11 280 so‘mdan sotib olmoqda, sotish kursi esa aksariyat banklarda 11 310 so‘m.
Uzbekistan Airways`ni isloh qilishga Turkish Airlines`ning sobiq rahbari yordam beradi
Uzbekistan Airways`ni isloh qilishga Turkish Airlines`ning sobiq raisi Ilker Ayji jalb qilindi. U O‘zbekiston prezidentiga aviakompaniyani transformatsiya qilish strategiyasi haqida axborot berdi. Uzbekistan Airways`ni yetakchi mintaqaviy aviakompaniyaga aylantirish rejalashtirilmoqda.
O‘zbekistonda yangi tashkil etilgan Air Samarkand aviakompaniyasi kimga tegishli?
O‘zbekistonda yangi Air Samarkand xususiy aviakompaniyasi tashkil etildi. Uning tovar belgisiga tadbirkor Baxtiyor Fozilov tomonidan ta’sis etilgan Sam Air kompaniyasi egalik qiladi. Aviatashuvchi Rossiya va Osiyoga 14 ta yo‘nalishda parvozlarni amalga oshirishni rejalashtirmoqda.
YeTTB O‘zbekistonda ikkita shamol elektr stansiyasini qurish uchun kredit ajratadi
YeTTB Buxoro viloyatida umumiy quvvati 1 GVt gacha bo‘lgan ikkita shamol elektr stansiyasini qurish uchun 520 mln dollargacha bo‘lgan ikkita sindikatlangan kredit ajratmoqda.
Noyabrda naqd pullar qoldig‘i 2,4 trln so‘mga qisqargan — MB
Markaziy bank 1 dekabr holatiga ko‘ra, O‘zbekistonda milliy valyutadagi pul massasi 0,4 trln so‘mga ko‘payib, 125,1 trln so‘mga yetganini ma’lum qildi. Muomaladagi naqd pullar qoldig‘i esa 2,4 trln so‘mga qisqarib, 41,3 trln so‘mni tashkil etmoqda.
Noyabr oyida Toshkentda ijaraga beriladigan uy-joy narxi 5,8 foizga arzonlashdi
ITIM ma’lumotlariga ko‘ra, O‘zbekiston ko‘chmas mulk bozoridagi faollik 11 oy davomida o‘tgan yilning shu davriga nisbatan 9 foizga oshdi. Ikkilamchi bozorda o‘rtacha narxlar 15,8 foizga, xususan, poytaxtda 22,7 foizga ko‘tarildi. Shu bilan birga, uy-joy ijarasi bozoridagi vaziyat barqarorlashayotgani qayd etildi.
Noyabrda aholi va tadbirkorlarning inflyatsion kutilmalari biroz yuqoriladi. Sabablar
Noyabr oyida aholi va tadbirkorlarning inflyatsiya bo‘yicha kutilmalari biroz oshdi. Respondentlar tomonidan valyuta kursining qadrsizlanishi, yoqilg‘i va energiya resurslari, shuningdek, import qilinadigan xom ashyo va butlovchi qismlar narxining qimmatlashuvi narxlarni oshiruvchi omillar sifatida qayd etildi.
Banklarda dollar kursi yana oshdi
Tijorat banklari 14 dekabr kuni aholidan 1 AQSh dollarini 11 250 — 11 310 so‘mdan sotib olmoqda, sotish kursi esa 11 340 so‘m.
Tadbirkorlarning energiya resurslaridan foydalanish holatlari tekshiriladi
Prezident qarori bilan 1 aprelgacha tadbirkorlarning energiya resurslaridan noqonuniy va samarasiz foydalanish holatlari tekshiriladi. Tekshiruv prezident huzuridagi Tadbirkorlarning huquqlari va qonuniy manfaatlarini himoya qilish bo‘yicha vakil bilan kelishmasdan amalga oshiriladi.
Banklarda dollarning sotish kursi 11 330 so‘mgacha ko‘tarildi
Tijorat banklari 13 dekabr kuni aholidan 1 AQSh dollarini 11 245 — 11 300 so‘mdan sotib olmoqda, sotish kursi esa aksariyat banklarda 11 330 so‘m.
Prezident AI-80 benzinini aksiz solig‘idan ozod qilish to‘g‘risidagi qarorni imzoladi
O‘zbekiston prezidenti AI-80 benzinini 2023 yil 1 martiga qadar aksiz solig‘idan ozod qilishni nazarda tutgan qarorni imzoladi. Hujjatda «O‘zneftgazinspeksiya» va «O‘zenergoinspeksiya»ga biznes ombudsman bilan kelishmasdan tadbirkorlar faoliyatini tekshirishga ruxsat berilmoqda.
Shavkat Mirziyoyev OTP Bank bank boshqaruv raisi Shandor Chani bilan uchrashdi
12 dekabr kuni O‘zbekiston prezidenti OTP Bank bank boshqaruvi raisi Shandor Chanini qabul qildi. Davlat rahbari «Ipoteka-bank»ni xususiylashtirish bo‘yicha bitimi muvaffaqiyatli yakuni va Yevropaning yetakchi bank-moliya instituti O‘zbekiston bozoriga kirib kelgani bilan bank boshqaruvi raisini tabrikladi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting