Iqtisodiyot
O‘zbekiston Qozog‘istondan ko‘mir importini 1,8 barobar, Qirg‘izistondan esa 2 barobar oshirdi
2023-yil yakunlariga ko‘ra, Qozog‘istondan O‘zbekistonga ko‘mir importi 1,4 mln tonnaga oshib, 3,1 mln tonnaga (+82,3 foiz) yetgan. Qirg‘iziston ko‘miri esa 10 oyda ikki barobar ko‘paygan — deyarli 900 ming tonnagacha. Yanvar-noyabr oylaridagi yetkazib berish hajmi qiymat jihatdan 189,2 mln dollarga baholanmoqda.
2024-yil martidan tadbirkorlar uchun bekor qilinadigan litsenziya va ruxsatnomalar — ro‘yxat
Prezident farmoni bilan 2024-yil 1-martdan boshlab 22 turdagi litsenziya va ruxsat etish xususiyatiga ega hujjatlar bekor qilinadi. 7 ta turdagi ruxsatnomalar to‘liq bekor qilinadi, yana 12 tasi birlashtirish yo‘li bilan bekor qilinadi, 3 tasi esa xabar berish tartibi bilan almashtiriladi. To‘liq ro‘yxat.
“Biznesga litsenziyasiz kirish”. O‘zbekistonda tadbirkorlar uchun maxsus rejim sinovdan o‘tkaziladi
O‘zbekistonda “Biznesga litsenziyasiz kirish” maxsus rejimi bo‘yicha huquqiy eksperiment o‘tkaziladi. Bu yil oxirigacha rentgen uskunalaridan foydalanish va veterinariya laboratoriya-diagnostika ishlarini amalga oshirish bilan bog‘liq faoliyatga taalluqli bo‘ladi.
O‘zbekistonda Qozog‘istonning Yevrosiyo banki shu’ba korxonasi ro‘yxatdan o‘tdi
O‘zbekistonda Qozog‘istonning Yevrosiyo banki shu’ba korxonasi ro‘yxatga olindi. Bank Ibragimovlar oilasi, tadbirkorlar Aleksandr Mashkevich va Fattoh Shodiyevlar boshchiligidagi “Yevrosiyo moliya kompaniyasi” guruhi tarkibiga kiradi.
O‘zbekistonda elektrotexnika jihozlari ishlab chiqaruvchilarning imtiyozlari 2027-yilgacha uzaytirilishi mumkin
O‘zbekistonda elektrotexnika mahsulotlari ishlab chiqaruvchilarga beriladigan imtiyozlar 2027-yilgacha uzaytirilishi mumkin. Ularga eksportda valyuta kursini xedj qilish xizmatlaridan foydalanish xarajatlarini qoplab berish va xom ashyoni import qilishda transport xarajatlarini kompensatsiyalash reja qilinmoqda.
O‘zbekiston import elektrotexnikalar sertifikatlarini qayta tekshiradi
O‘zbekiston hukumati 2021−2022-yillarda qo‘shni mamlakatdan import qilingan “shubhali” elektrotexnika mahsulotlarining CT-1 sertifikatlarini qayta tekshiradi.
O‘zbekistonga maishiy texnika olib kirishda antidemping bojlari joriy etilishi mumkin
O‘zbekiston hukumati maishiy texnika importiga antidemping boji joriy etishni rejalashtirmoqda. Uning hajmi taxminan 10 foiz bo‘lishi kutilmoqda. Elektrotexnika sohasida faoliyat yurituvchi yirik korxonalar va eksportchilarni “vakolatli iqtisodiy operatorlar” ro‘yxatiga kiritish taklif etilmoqda.
Qayta tiklanadigan energiya manbalarini import qilishda bojxona to‘lovlarini kechiktirib to‘lashga ruxsat berildi
Hukumat qarori bilan O‘zbekistonda qayta tiklanuvchi energiya manbalari va ularning asbob-uskunalari, xomashyo, butlovchi va ehtiyot qismlarini import qilishda bojxona to‘lovlarini 120 kun muddatga foizlar undirilmagan holda kechiktirib to‘lashga ruxsat berilishi belgilandi.
Keshbek bo‘yicha cheklov fuqarolarning 98 foiziga ta’sir o‘tkazmaydi — Soliq qo‘mitasi
Davlat soliq qo‘mitasining ma’lum qilishicha, keshbek limiti xaridlarni amalga oshiruvchi fuqarolarning 98 foiziga ta’sir qilmaydi. Qo‘mita cheklovlar ba’zi odamlar boshqa odamlarning cheklarini va bu orqali keshbeklarini o‘zlashtirayotgani sabab joriy etilganini tasdiqladi.
“Kapital sug‘urta” jarimaga tortildi va faoliyati vaqtincha to‘xtatildi
“Kapital sug‘urta” qonunchilikda belgilangan me’yorlarga rioya qilinmagani sabab 162 mln so‘m miqdorida jarimaga tortildi. Shuningdek, sug‘urta faoliyatini amalga oshirish bo‘yicha berilgan litsenziyasi 11-yanvar sanasidan boshlab 10 kun muddatga to‘xtatildi.
“O‘zsanoatqurilishmateriallari” — sement ishlab chiqarish uchun soliq stavkasi pasaytirilgani haqida
“O‘zsanoatqurilishmateriallari” uyushmasi sement ishlab chiqaruvchi korxonalar uchun ohaktosh bo‘yicha soliq stavkasi qariyb 4 baravar kamaytirilganiga izoh berib, bu chora mahalliy zavodlarning raqobatbardoshligini oshirishga qaratilganini yana bir bor ta’kidladi.
Sement ishlab chiqaruvchilarga imtiyozlar berildi. Buning atrof-muhit va inson salomatligiga ta’siri muhokama qilinishi kerak
Sement ishlab chiqaruvchilar uchun yer qa’ridan foydalanganlik solig‘i miqdori reja qilingani kabi 2 baravar emas, 4 baravarga pasaytirildi. Qaror iqtisodiy rag‘batlantirish deya izohlandi, ammo bu rag‘batning atrof-muhit va inson sog‘lig‘iga ta’siri atroflicha muhokama qilinmadi. “Gazeta.uz” masalani o‘rgandi.
Bir foizli keshbek beriladigan oylik xaridlar summasiga cheklov kiritilmoqda
Endi xaridorlar bir oyda sotib olgan tovarlar (xizmatlar) qiymatining faqat BHMning 60 baravaridan oshmagan qismi uchun 1 foizli keshbek olishi mumkin bo‘ladi. Bu ayni vaqtda oyiga 204 ming so‘mdan ko‘p keshbek ololmaslikni anglatadi. Oldin bu bo‘yicha maksimal summa belgilanmagandi.
“Ijtimoiy himoya yagona reyestri”ga kirganlar sotib olganda QQS qaytariladigan tovarlar ro‘yxati kengaydi
“Ijtimoiy himoya yagona reyestri”ga kiritilgan jismoniy shaxslarning xaridlari uchun QQS qaytarib beriladigan tovarlar ro‘yxatiga un, shakar, dori vositalari va tibbiy xizmatlar ham kiritildi.
Shahrisabz va Parkent tumanlarida dam olish maskanlari quriladi
Shahrisabz va Parkent tumanlarida tog‘ turizmi uchun dam olish maskanlari qurilishi reja qilinmoqda. Shuningdek, Qashqadaryodagi Maydanak platosida yengil konstruksiyali hostellar qurish, mavjud binolarni savdo va xizmat ko‘rsatish uchun qayta foydalanishga topshirish, hududni obodonlashtirish rejalashtirilmoqda.
Prezident bozorlarni rekonstruksiya qilish loyihalari bilan tanishdi
Prezident tarixiy shaharlardagi bozorlarni sayyohlar uchun jozibador maskanlarga aylantirish hamda Toshkent va boshqa shaharlardagi yangi bozorlar loyihalari bilan tanishdi. 515 ta bozorni “tartibga keltirish” uchun alohida dastur ishlab chiqilmoqda.
O‘zbekistonning iqtisodiy o‘sishi 2023-yilda 5,5 foizni tashkil etdi — Jahon banki
Jahon banki O‘zbekistonning 2023-yildagi iqtisodiy o‘sishini 5,5 foizga baholadi. Joriy va kelgusi yilda YIM o‘sishi bir xil darajada saqlanib qolishi prognoz qilinmoqda. Umuman olganda, Yevropa va Markaziy Osiyo mintaqasida o‘sish tezlashdi, ammo Rossiyaning Ukrainaga bosqini hamon o‘z ta’sirini ko‘rsatmoqda.
Taqqoslash: O‘zbekistonda va dunyoda Ai-95 benzinining o‘rtacha narxi
GlobalPetrolPrices portali ma’lumotlariga ko‘ra, O‘zbekiston Ai-95 benzini arzonligi bo‘yicha 51-o‘rinda turadi. Shu bilan birga, mamlakatda ushbu markadagi yonilg‘i Turkmaniston va Qozog‘istonnikidan mos ravishda 2,6 va 2,1 baravar qimmatroq. Mamlakatda bu benzin narxi AQSh va Afg‘onistondagi narxdan ham yuqori.
O‘zbekistonda tadbirkorlar uchun 16 turdagi litsenziya va ruxsatnomalar bekor qilinadi
O‘zbekistonda mart oyidan boshlab tadbirkorlik subyektlari uchun 16 turdagi litsenziya va ruxsatnomalar bekor qilinadi. Bu tadbirkorlarga yiliga qariyb 350 mlrd so‘m mablag‘ni tejash imkonini beradi.
O‘zbekistonda 2024-yilda 5 mln kishini ish bilan ta’minlash rejalashtirilmoqda
O‘zbekistonda yil boshida ishsizlar soni 1,3 mln kishini tashkil etgan bo‘lsa, bu yil yana 2,4 mln kishi mehnat bozoriga kiradi. 2024-yilda 5 mln aholi ish bilan ta’minlanishi kutilmoqda. Prezident, shuningdek, tadbirkorlik subyektlari uchun yagona hisobotlar tizimini joriy etish bo‘yicha ham topshiriq berdi.
Eng ko‘p o‘qilgan xabarlar | So‘nggi yangiliklar
- So‘m beshinchi sessiyadirki dollarga nisbatan mustahkamlanmoqda. Sababi nima? (1)
- Nima uchun banklar nomingizdagi kartalar haqida SMS jo‘natmoqda?
- O‘zbekiston banklaridagi kafolatlangan omonatlar summasi 200 mln so‘mgacha pasaytirildi
- “200 mln so‘mlik kafolat summasi bankka undan ko‘proq pul qo‘yish mumkinmasligini anglatmaydi” — MB
Qo‘shimcha imkoniyatlardan foydalanish uchun saytda ro‘yxatdan o‘ting