Шавкат Мирзиёев пандемия сабабли туризм соҳаси учун 2020 йил охиригача берилган имтиёз ва преференцияларни 2021 йил охирига қадар узайтириш муҳимлигини таъкидлади. Шунингдек, аҳолининг бор-йўғи 19 фоизи жисмоний тарбия ва спорт билан қамраб олингани айтилди. Cпорт инфратузилмасини ривожлантириш масаласига алоҳида эътибор қаратилди.
Инновацион ривожланиш вазирлиги раҳбариятининг 20 та кўнгилли оила аъзолари Хитойдан олиб келинган рекомбинант вакцина билан биринчи дозада эмланган.
Андижондаги кўп қаватли уйларнинг бирида газ портлаши оқибатида 30 кв. метр майдон ёниб зарарланган. Хонадондаги уч киши турли даражадаги куйиш тан жароҳатлари билан шифохонага ётқизилган.
Қашқадарёлик эркак турмуш ўртоғини бошқа кишидан ҳомиладор бўлганликда айблаб, қайнонаси, ҳомиладор хотини ва икки нафар болани пичоқлаб ўлдирди.
Олий Мажлис Қонунчилик палатаси спикери ўринбосари Алишер Қодиров UzAuto Motors`га оид сўнгги янгиликлар юзасидан фикр билдирди. У Жаҳон савдо ташкилотига аъзолик орқали рақобат муҳитини шакллантиришга тайёргарлик кўрилаётганини таъкидлади. «Шу фикрга келиш учун шунча шовқин, шунча популизм… Кимлардир машҳурроқ бўлгандир, Ўзбекистон ютмади», — деди у.
Меҳнат мигрантлари учун очиқ мулоқот имкониятини яратиш мақсадида мурожаатларни онлайн қабул қилиш ва уларга тезкор ҳуқуқий маслаҳат учун қулай бўлган платформаси ишга туширилди. Платформада соҳа мутахассислари фуқароларга онлайн консультациялар бериб боришади.
2025 йил Тошкент илк бор йирик комплекс мусобақа — IV ёшлар Осиё ўйинларига мезбонлик қилади. Шу муносабат билан Ўзбекистон Миллий олимпия қўмитаси Отабек Умаров номзодини Осиё Олимпия Кенгаши вице-президентлигига илгари суради. «ООК вице-президентлигига кўрсатилаётган номзод айни пайтда энг муносиб вакил деб айтишим мумкин», — деди МОҚ президенти.
Давлат тест маркази 2020−2021-ўқув йилида умумтаълим мактаблари, академик лицей ва касб-ҳунар мактабларида қўлланилаётган дарслик ва ўқув-методик қўлланмалар рўйхатини эълон қилди.
Украина 8 январдан 24 январгача карантин эълон қилиниб, унга кўра ушбу муддат давомида мамлакатда барча кинотеатрлар, спортзаллар, савдо марказлари, кафе ва ресторанлар фаолияти чеклаб қўйилади. Ўқув муассасалари таътилда бўлиб, Украинада барча кўнгилочар, оммавий-маъданий тадбирлар тақиқлаб қўйилади.
Ўзбекистонга 6 нафар америкалик профессор ўқитувчилар келиши кутилмоқда. Улар Наманган, Андижон, Самарқанд, Бухоро, Қашқадарё ва Хоразм вилоятларидаги халқ таълими ходимларини қайта тайёрлаш ва малакасини ошириш минтақавий марказларида фаолият олиб боради.
Бухоронинг яна бир туманида газ таъминотидаги узилишлардан норози аҳоли автомобиль йўлини тўсди. Узилишларга газ босими уч бараварига тушиб кетганлиги сабаб бўлганлиги айтилди.
Бухоро вилояти аҳолиси газ таъминоти билан боғлиқ муаммолар туфайли йўлни тўсиб қўйди. Вилоят ҳокимлиги вазиятни ўрганаётганини маълум қилди. Ўтган йили ҳам турли ҳудудлар аҳолиси газ ва электр энергияси тақчиллиги сабабли йўлларни ёпиб қўйишган эди.
Шавкат Мирзиёев 2021 йилдан Европа мамлакатлари, Малайзия, Индонезия, Покистон, Таиланд, Япония билан авиақатновларни босқичма-босқич тиклаш, янги рейсларни йўлга қўйиш бўйича кўрсатма берди. Президент Uzbekistan Airways чипталари нархи баландлиги танқид қилди ва уни арзонлаштириш вазифасини қўйди.
Интерполнинг онлайн фирибгарларга қарши операцияси давомида 20 мингдан ортиқ одам ҳибсга олингани, Олма-Отада аломатсиз бўлган коронавирус беморларининг ҳам касалхонага ётқизилиши, Илон Маскнинг Техасга кўчиши ва бошқа янгиликлар — «Газета.uz»нинг жаҳон янгиликлари дайжестида.
Давлат думаси депутатлари Россия Федерацияси собиқ президентларининг даҳлсизлигини кафолатловчи қонунни қабул қилишди. Унга кўра, собиқ президентнинг жиноий ёки маъмурий жавобгарликка тортилмаслигини, уни ҳибсда ушлаб туриш, сўроқ қилиш, тинтув ўтказиш каби чораларни қўлламасликни кафолатланади.
«Газета.uz» нашри Коррупцияга қарши курашиш агентлигининг танлови доирасида «Коррупцияга қарши тарғиботда энг фаол оммавий ахборот воситалари» номинациясида ғолиб бўлди.
Наманган, Навоий ва Самарқанд вилоятларида «Ҳалқ банки» сайёр кассалари ходимлари пенсия тўлови рўйхати чиқарилганига қарамасдан, пулларни ўз вақтида нафақахўрларга етказиб бермагани аниқланди. Пенсия бир неча ой давомида сабабсиз етказиб берилмаган. Ҳозирда тўловлар кечикишига сабабчи бўлган шахслар ишдан бўшатилган.
Тошкент шаҳар Юнусобод туманидаги «Ўзэкспомарказ»нинг 3- ва 4-павилионларидаги саралаш ва тақсимлаш марказига ва «Универсал» спорт мажмуасидаги саралаш ва тақсимлаш марказига коронавирусга чалинган ва унда гумон қилинган беморларни қабул қилиш тўхтатилди.
Давлат хизматлари агентлиги томонидан ишлаб чиқилган қарор лойиҳасига кўра, Апостиль қўйишни электрон кўринишга ўтказиш белгиланмоқда. Апостильни махсус электрон дастури орқали ҳимояланган электрон ҳужжат шаклида қўйиш таклиф этилмоқда.
Энергетика вазири ўринбосари Беҳзот Нарматов газ ҳажмини ўлчагичларни уланиш нуқтасига олиб чиқиши керак бўлган, лекин бу талабни бажармаган АГТКШларга нисбатан қатъий чора кўрилиши, Президент қароридаги пунктларни бажармаган шаҳобчалар ўчириб қўйилиши ҳақида огоҳлантирди.
Қўшимча имкониятларга эга булиш учун сайтда рўйхатдан ўтинг