Футбол: U-17 ЖЧ чорак финалида Ўзбекистон Францияга мағлуб бўлди
Футбол бўйича ўсмирлар ўртасидаги Жаҳон чемпионати чорак финалида Ўзбекистон терма жамоаси Францияга 1:0 ҳисобида мағлуб бўлди ва турнирни тарк этди.
Тошкентда «ақлли» бекат ва пулли автотураргоҳлар синовдан ўтказилади
Тошкентнинг Бобур ва Фурқат кўчаларида «ақлли» бекатлар синовдан ўтказилади. Бекатлар келаётган автобусларни кўрсатувчи табло ҳамда Wi-Fi билан жиҳозланади. Муқимий номидаги театр олдида автомобиллар учун пулли, велосипедлар учун эса бепул тўхташ жойларини синовдан ўтказилади.
Ногиронлиги бўлганларга давлат хизматларидан фойдаланишда 50 фоиз чегирма берилади
Сенатда маъқулланган қонунга кўра, энди ногиронлиги бўлган шахсларга давлат хизматларидан фойдаланишда 50 фоизлик чегирма қўлланади. Қонун билан Интеллектуал мулк агентлигининг вазифалари Адлия вазирлигига юклатилмоқда.
Тошкентда совуқ сув ва оқова нархлари ошди
Тошкент шаҳар Кенгаши томонидан пойтахтда ичимлик (совуқ) суви таъминоти тарифлари жисмоний шахслар учун 1400 сўм, юридик шахслар учун 3000 сўмгача оширилиши тасдиқланди.
«Биз об-ҳавонинг ҳар қандай инжиқлиги ва аномал совуққа тайёрмиз» — Ўзбекистон энергетика тизими раҳбарларининг ваъдаси
Президент билан учрашувдан сўнг «Ўзтрансгаз», «Ҳудудгазтаъминот», «Ҳудудий электр тармоқлари», «Ўзэнергоинспекция» ва бошқа корхоналар раҳбарларининг қиш мавсумига тайёргарлик бўйича ҳисоботлари тингланди. Улар энергия тизими «ҳар қандай об-ҳаво инжиқлиги ва аномал совуққа тайёр»лигини маълум қилди.
Нима тайёрлаймиз: Сабзили пишириқлар
Сабзи фақат ош ёки шўрвага эмас, пишириқларга ҳам ажойиб маъза беради. Сабзи солиб маффинлар, пирог, хушбўй кекс, бодом қўшилган сабзили печенье ҳатто торт тайёрласа бўлади. Zira.uz тақдим этган рецептлар билан танишинг.
Ўзбекистонда шарманда қиладиган уйдирмалар билан боғлиқ ҳуқуқбузарлик учун ҳам жавобгарлик белгиланмоқда
Сенат маъқуллаган қонунга кўра, Жиноят кодексида шахсни шарманда қиладиган уйдирмалар билан боғлиқ ҳуқуқбузарлик учун ҳам жавобгарлик белгиланмоқда. Қонунда IMEI билан боғлиқ ҳуқуқбузарликлар ва крипто-активлар айланмаси соҳасидаги қонунчиликни бузганлик учун тегишли жавобгарлик назарда тутилмоқда.
Бухородаги боғчада 2 ёшли болани урган тарбиячи ишдан олинди
Бухородаги хусусий боғча тарбияловчиси 2 ёшли болани ургани акс этган видео тарқалди. Вилоят мактабгача ва мактаб таълими бошқармаси тарбияловчи ишдан олинганини маълум қилди.
СПЕКА мамлакатлари йирик «яшил» лойиҳаларни қўллаб-қувватлаш учун жамғарма ташкил қилиши мумкин
Президент БМТнинг Марказий Осиё иқтисодиётлари учун махсус дастури саммитида сўзлаб, 2024 йилда «яшил» иқтисодиёт, инновациялар, логистика, муқобил энергетика, «ақлли» қишлоқ хўжалиги каби соҳалардаги йирик лойиҳаларни қўллаб-қувватлаш учун СПЕКАнинг Мақсадли жамғармасини тузишни қўллаб-қувватлади.
ҲАМАС гаровга олинган исроилликларнинг биринчи гуруҳини озод қилди
ҲАМАС, Исроил билан тузилган келишувга кўра, гаровга олинган 13 нафар исроилликни Қизил хоч ташкилотига топширди. Гуруҳ, шунингдек, 12 нафар Таиланд фуқаросини ҳам асирликдан озод қилди.
Қашқадарёда 14 ёшли қиз 7 ой давомида жинсий қулликда сақлангани айтилмоқда
Болалар омбудсманига Китоб туманида яшовчи 14 ёшли қиз Шаҳрисабз туманида 7 ой мажбуран сақланиб, турли шахслар билан жинсий алоқа қилишга ёллангани ҳақида мурожаат қилинди. Гумонланувчига нисбатан одам савдоси бўйича жиноят иши қўзғатилди. Тергов ҳаракатлари кетмоқда.
Тошкентда дам олиш кунлари қаерларга бориш мумкин? (25−26 ноябрь)
Учта кинопремьера, Конста, Jah Khalib, Нилуфар Усмонова концертлари, кўргазмалар, спектакллар, маҳорат дарслари, дўконлардаги акция ҳамда чегирмалар ва дам олиш кунларидаги бошқа қизиқарли тадбирлар — Afisha.uz жамланмасида.
Сенатда депутатларни аралаш сайлов тизими асосида сайлаш кўзда тутилган қонун маъқулланди
Сенаторлар Қонунчилик палатаси сайлови аралаш сайлов тизими асосида ўтказилишини назарда тутувчи қонунни маъқуллади. Шунингдек, сиёсий партиялар депутатликка номзодлар кўрсатаётганда аёллар сонининг энг кам миқдорини номзодлар умумий сонининг 30 фоиздан 40 фоизга ошириш режалаштирилмоқда.
Тошкент ҳокимлиги «Бувижонлар мактаби» ва «Уч авлод» тадбирларини ўтказишга салкам 12 млрд сўм ажратди
Тошкент шаҳри ҳокими вазифасини бажарувчи ва пойтахт халқ депутатлари кенгаши томонидан «Нуроний» жамғармасига ҳар ойда «Оталар чойхонаси», «Уч авлод учрашуви» ва «Бувижонлар мактаби» тадбирларини ўтказиш учун жами 11,5 млрд сўм ажратилди.
Сурхондарё вилоятида яна зилзила юз берди
Сурхондарё вилояти Қумқўрғон туманида 3,8 магнитудали ер силкиниши қайд этилди. Эътиборлиси, айни шу ҳудудда кечадан бери кетма-кет зилзилалар кузатилмоқда ва бу сафаргиси бешинчиси ҳисобланади.
«Ҳатто болалар овқатларининг ҳам муддати ўтган». Эркинжон Турдимов — дўконлардаги муддати ўтган маҳсулотлар ҳақида
Самарқанд вилояти ҳокими дўконларида яроқлилик муддати ўтган маҳсулотлар сотилаётгани юзасидан йиғилиш ўтказди. Ишчи гуруҳ томонидан 4 кун давомида 41 та савдо шохобчаси текширилиб, 1736 дона яроқсиз товар аниқланган.
ЕИнинг санкциялар бўйича махсус вакили 29−30 ноябрь кунлари Ўзбекистонда бўлади
Европа Иттифоқининг санкциялар бўйича махсус вакили Дэвид О’Салливан 29−30 ноябрь кунлари Ўзбекистонга ташриф буюради. Бу унинг сўнгги етти ой ичида Тошкентга қилган иккинчи ташрифи саналади.
Шахматчи Афруза Ҳамдамова Ўзбекистон тарихида қизлар орасидаги илк жаҳон чемпиони бўлди
Шахматчи Афруза Ҳамдамова Италияда ўтган U-14 ЖЧда муддатидан аввал ғалаба қозониб, Ўзбекистон тарихида қизлар орасидаги илк жаҳон чемпиони бўлди. Эътиборли жиҳати, у Шенген визасини расмийлаштириш кечиккани учун биринчи раундни ўтказиб юборди, аммо техник мағлубиятга қарамай, 9 та ғалабага эришди.
Тошкент метросида 2 та бекатнинг иш тартиби вақтинча қисқаради
25 ноябрдан Тошкент метросининг «Ерусти ҳалқа йўли» йўналишидаги «Технопарк» ва «Яшнобод» бекатларининг иш вақти вақтинча соат 06:00 дан 22:00 гача қисқартирилади. «Тузел"-"Қурувчилар» бекатлари оралиғида эса поездлар ҳаракати маълум соатларда бир томонлама ташкил этилади.
Ўзбекистон ва Озарбайжон президентлари Бокуда музокара ўтказди
БМТнинг Марказий Осиё иқтисодиётлари учун махсус дастури биринчи саммитида қатнашиш учун Бокуга борган Шавкат Мирзиёев Озарбайжон президенти Илҳом Алиев билан музокара олиб борди. 2024 йилни мамлакатлар ўртасидаги кўп қиррали муносабатларни жадал ривожлантириш йили деб эълон қилиш таклиф этилди.
Қўшимча имкониятларга эга булиш учун сайтда рўйхатдан ўтинг