Тошкентда Lexus билан тўқнашган Captiva`да ёнғин келиб чиқди
Юнусобод туманида Lexus ва Captiva тўқнашди. Оқибатда Captiva`да ёнғин содир бўлди. Жароҳатланган ҳайдовчилар ва йўловчилар шифохонага ётқизилди.
Тошкентдаги Ғалаба боғида Ленинград монументи қурилади
Тошкент шаҳар ҳокими Жаҳонгир Ортиқхўжаев ва Санкт-Петербург губернатори Александр Беглов пойтахтдаги Ғалаба боғида Ленинград монументига тамал тоши қўйди. Улар, шунингдек, мева-сабзавот, тўқимачилик маҳсулотлари етказиб беришни кенгайтириш, миграция бўйича ҳамкорлик масаласини ҳам муҳокама қилди.
Президент 65 та корхонада ишлаб чиқариш камайгани ва саноат зоналаридаги муаммолар ҳақида гапирди
Президент 65 та йирик корхонада ишлаб чиқариш камайгани, саноат зоналари инфратузилмаси билан боғлиқ муаммолар ва қиммат хом ашё учун мутасаддиларни танқид қилди. Хом ашё импорти ҳисобига захира яратиш ва Европага саноат экспортини кўпайтириш бўйича кўрсатмалар берди.
Банклар долларнинг сотиш ва сотиб олиш курсини янгилади
Ўзбек сўмининг АҚШ долларига нисбатан расмий курсини 11 171,04 сўм этиб белгиланди. Тижорат банклари ҳам долларнинг сотиш ва сотиб олиш бўйича таклифларини янгилади.
Тошкентда эркак 6 ёшли қизалоққа тегажоғлик қилишда айбланмоқда
Тошкентда суд 6 ёшли қизалоққа тегажоғлик қилишда айбланаётган эркакка нисбатан қўзғатилган жиноят ишини кўриб чиқмоқда.
Ўзбекистондан қиймати $10 минггача бўлган заргарлик буюмларини олиб чиқишга рухсат берилади
Президент заргарлик саноатини қўллаб-қувватлашга доир чора-тадбирларни маълум қилди: жисмоний шахсларга қиймати $10 минггача бўлган заргарлик буюмларини Ўзбекистондан олиб чиқишга рухсат берилади, хомашё олиб кириш ва олиб чиқиш лицензияси бекор қилинади ва улар импорт божларидан озод қилинади.
Тошкент шаҳрининг биринчи ярим йилликдаги бюджети қарийб 14 трлн сўмни ташкил этди
Тошкент шаҳар молия бош бошқармаси маълумотларига кўра, пойтахтнинг 1-ярим йилликдаги даромадлари 3,2 трлн сўмни ташкил этиб, маҳаллий бюджетда прогноздан ташқари 412,5 млрд сўм қўшимча маблағ қолган. Туманлар кесимида энг юқори фойда Олмазор, Юнусобод ва Яшнободда қайд этилган.
Давлат иштирокидаги корхоналар кузатув кенгашига оид маълумотлар махсус порталга жойлаштириб борилади
2023 йил 1 январдан давлат иштирокидаги корхоналар томонидан бошқарув ва назорат органларининг таркиби, бўш ўринларга оид маълумотлар ўзгариш бўлган вақтдан 2 иш кунида мажбурий тартибда cns.davaktiv.uz махсус порталга жойлаштирилади.
ЕЧЛ нимчорак финал жуфтликлари маълум бўлди
Чемпионлар Лигасининг 1/8 финал баҳсларида ПСЖ — Бавария, Ливерпуль — Реал Мадрид, Челси — Боруссия Дортмунд каби жамоалар тўқнаш келадиган бўлди.
Uzbekistan Airways кекса ёшдагилар учун чегирма эълон қилди
Uzbekistan Airways компанияси «Кексалар туризми ойи» муносабат билан кекса ёшдаги йўловчилар учун парвозларда 25% чегирма эълон қилди. Чегирма 60 ёшдан ошган эркаклар ҳамда 55 ёшдан юқори аёллар учун 1 ноябрдан 30 ноябригача амал қилади.
Жиззахда она ва унинг икки ўғли ис газидан заҳарланиб вафот этди
Жиззах вилояти Фориш туманида она ва унинг 5 ҳамда 10 ёшли ўғиллари ис газидан заҳарланиб вафот этди.
Жазоирнинг Ўзбекистондаги янги элчиси ўз фаолиятини бошлади
Ташқи ишлар вазири Владимир Норов Жазоирнинг янги тайинланган элчиси Бумедиан Геннаднинг ишонч ёрлиқлари нусхаларини қабул қилди. Томонлар Жазоир компанияларининг Ўзбекистонда автомобилсозлик, нефть-газ саноати, АКТ ва қишлоқ хўжалиги соҳаларидаги лойиҳаларда иштирокини муҳокама қилди.
Тошкент аэропортидаги ноқулай об-ҳаво шароити туфайли бир неча самолётлар муқобил аэродромларга йўналтирилди
Тошкент халқаро аэропортида ноқулай об-ҳаво шароити туфайли Uzbekistan Airways`нинг Москва ва Жидда парвозлари, шунингдек, Россиянинг Azimut авиакомпаниясига тегишли Минералние Води — Тошкент рейси муқобил аэропортларга йўналтирилди.
«Тинчлик хоҳласангиз, урушга тайёрланинг». Депутат мактабларда ўқув ҳарбий қуроллари етишмаслигини танқид қилди
Иқбол Мирзо мактабларнинг атиги 3 фоизида қуроллар борлигини танқид қилиб, ўқувчиларнинг чақирувгача тайёргарлигига эътибор бериш зарурлигини айтди. У «қўлига қурол ушламаган болада қандай қилиб ватанпарварлик пайдо бўлади», дея савол берди. Депутат сафарбарликдан қочган россияликлар ҳақида гапирди.
Президентнинг шу ҳафтадаги иш режаси маълум қилинди
Шавкат Мирзиёев бу ҳафта давомида Савдо-саноат палатаси тадбиркорлари билан «очиқ мулоқот» ўтказади. Шунингдек, давлат раҳбари 11 ноябрь куни Самарқандда бўладиган Туркий давлатлар ташкилотининг биринчи саммитида иштирок этади.
Сешанба кунидан ҳаво совий бошлайди
Ўзбекистонда сешанба кунидан ҳаво ҳарорати пасая бошлайди, айрим жойларда ёмғир қорга айланиши кутилмоқда. Чоршанбадан бошлаб тунги вақтларда ҳарорат -2 даражагача тушиб кетади. Ҳафта охирида эса ҳаво илиқ бўлиши ва меъёрга яқинлашиши прогноз қилинмоқда.
«Фақатгина битта давлат банки бўлади». Жамшид Қўчқоров — 5 йилдан кейинги Ўзбекистон ҳақида
Бош вазир ўринбосари Жамшид Қўчқоров 5 йилдан кейинги Ўзбекистонга таъриф бера туриб, бу вақтда фақат битта давлат банки қолиши, эски электр станциялари янгиланиши, аҳоли жон бошига ЯИМ $2800 бўлишини айтиб ўтди. ЖБ вакили Анна Бьерде эса секин олиб борилаётган ислоҳотларга тўхталиб ўтди.
ДХХ террорист сифатида гумонланган фарғоналик шахсни Ўзбекистонга олиб келди
Террорист сифатида гумонланган фарғоналик эркак Ўзбекистонга олиб келинди. У 2019 йилда Сурияга бориб, «Тавҳид ва жиҳод катибаси» ташкилоти сафига қўшилган ҳамда жанговар ҳаракатларда қатнашган. Ҳозирда унга нисбатан қўзғатилган жиноят иши доирасида тергов ҳаракатлари олиб борилмоқда.
Паҳлавон Маҳмуд номли давлат стипендияси жорий қилинади
Жисмоний тарбия ва спорт йўналишларида 2023 йил 1 январдан Паҳлавон Маҳмуд номли давлат стипендияси жорий қилинади. Ўзбекистон давлат жисмоний тарбия ва спорт университети ҳамда унинг филиалларида таълим дастурлари халқаро рейтингда юқори бўлган хорижий ОТМ дастурига кўра шакллантирилади.
Ўзбекистон дзюдочилари «Катта дубулға» туркумига кирувчи мусобақада 4 та медаль қўлга киритди
Ўзбекистонлик дзюдочилар Бокудаги «Катта дубулға» туркумига кирувчи турнирда тўртта медаль — 1 та олтин, 1 та кумуш ва 2 та бронза медалини қўлга киритди.
Қўшимча имкониятларга эга булиш учун сайтда рўйхатдан ўтинг