Архив
Италия президентининг Ўзбекистонга ташрифи чоғида икки давлат ўртасида июнь ойидаги келишувларнинг бажарилиши муҳокама қилинади
Италия президенти Сержо Маттарелласерж 9−11 ноябрь кунлари расмий ташриф билан Ўзбекистонда бўлади. Музокаралар чоғида, жумладан, икки давлат президентларининг июндаги келишувларини амалга ошириш масалалари муҳокама қилинади. Учрашув якунлари бўйича ҳукуматлараро ва идоралараро ҳужжатлар имзоланади.
ПФЛ Ўзбекистон Кубоги финалига бағишланган видеоанонс чиқарди. Бу роликни деярли ҳамма мақтаяпти
«Насаф» ва ОКМК футбол клублари 12 ноябрь куни Ўзбекистон Кубоги финалида тўқнаш келади. Мусобақа ташкилотчиси ЎзПФЛ финал олдидан махсус видеоанонс тайёрлади. Икки жамоа мураббийлари ва футболчилари иштирокида олинган ролик жамоатчилик томонидан асосан илиқ кутиб олинди.
Тошкентда ёшлар иқлим форумида эко-таълим стратегияси имзоланди
Тошкентда иқлим кун тартибига болалар ва ёшларни жалб этишга бағишланган форум бўлиб ўтди. Унда экологик таълимни ташкил этиш бўйича тавсияларни ўз ичига олган минтақавий стратегия имзоланди. Форумда Ўзбекистон, Қирғизистон, Туркия ва Эроннинг биринчи хонимлари ва ёшлар иштирок этди.
«Ортга қайтиш бўлмайди». Марказий банк — валюта конвертацияси қоидаларига ўзгартиришлар киритилаётгани ҳақида
Марказий банк конвертация қоидаларига киритилаётган ўзгартиришлар «валюта операцияларини чеклашни эмас, амалдаги нормаларни аниқлаштириш ва операцияларни амалга ошириш жараёнини соддалаштиришни» англатишини таъкидлади. МБ раиси ўринбосари Бобир Абубакиров «орқага қайтиш бўлмаслигини» айтди.
Ўзбекистонлик олима аёл UNESCO-Карлос Финлей мукофоти билан тақдирланди
Ўзбекистон Миллий университети лабораторияси мудири, микробиология бўйича олима Дилфуза Эгамбердиева UNESCO-Карлос Финлей мукофоти билан тақдирланди. У мукофотни ўсимлик ва микробиомларнинг ўзаро таъсири, тупроқ биологияси ва микроблар хилма-хиллиги соҳасидаги тадқиқотлари учун қўлга киритди.
Давлат ОТМларида профессор-ўқитувчининг ўртача ойлиги 9,5 млн сўмни ташкил этмоқда
Ўзбекистондаги давлат олийгоҳларида илмий унвонга эга профессор-ўқитувчининг ўртача ойлик иш ҳақи миқдори 9,5 млн сўмни ташкил этмоқда. Давлат ОТМларидаги профессор-ўқитувчилар сони 48,5 минг нафар бўлиб, 2024 йилда 50 мингдан ошиши кутиляпти.
Ўзбекистонга чет эл фуқароларини таклиф қилиш учун энди онлайн ариза бериш мумкин
Хориж фуқаролари ва фуқаролиги бўлмаган шахсларни Ўзбекистонга таклиф қилиш хизматлари энди my.gov.uz портали орқали ҳам кўрсатилади. ДХХнинг ҳудудий бошқармаси юборилган сўровномани 7 иш куни ичида текшириб, хулоса беради. Таклифнома 3 ойга амал қилади.
Тошкентдаги Матбуот уйи ўрнида медиа шаҳарча ташкил этилади. Тендер ғолиби — Yangi Zamon Bino
Қурилиш вазирлиги Матбуот уйи мажмуасини («Газета корпуси») реконструкция қилиш ҳамда унинг ўрни ва туташ ҳудудда медиа шаҳарча қуриш бўйича ўтказилган тендер натижаларини эълон қилди. Тендерда 98,8 млрд сўм таклиф қилган Yangi Zamon Bino ғолиб бўлди.
Тошкентдаги 7 та автобуснинг ҳаракат йўналиши ўзгарди
Тошкент шаҳридаги 12, 26, 30, 54, 73, 133 ва 150-сонли автобусларнинг ҳаракат йўналишларига ўзгартириш киритилди ва йўналиш номи ўзгарди.
Шавкат Мирзиёев ИҲТ давлатларини ҳамжиҳатликда ҳаракат қилишга ва хавф-хатарларга қарши биргаликда ечим топишга чақирди
Ўзбекистон президенти ИҲТ саммитидаги чиқишида ўзгариб бораётган дунё сиёсий архитектурасининг хавф-хатарларига жавобан аъзо мамлакатлар ўртасида иқтисодий ҳамкорликни чуқурлаштиришни таклиф қилди. Давлат раҳбари ташкилот ҳудудида ўзаро савдони соддалаштириш бўйича битимни қабул қилишга чақирди.
«Томонларни зудлик билан ҳарбий ҳаракатларни тўхтатишга чақирамиз» — Шавкат Мирзиёев Фаластин-Исроил уруши ҳақида
Шавкат Мирзиёев ИҲТ саммитидаги нутқида Фаластин-Исроил урушининг минтақа бўйлаб ёйилиб кетиш хавфи тобора реал тус олаётганини айтди. «Биз томонларни зудлик билан ҳарбий ҳаракатларни тўхтатишга, тинч музокараларни бошлаш, оқилона муросага келишга чақирамиз», деди президент.
АҚШ Ўзбекистон суверенитети ва ЖСТга аъзо бўлишини қўллаб-қувватлашини яна бир бор тасдиқлади
Тошкентда АҚШ давлат котиби ёрдамчиси Дональд Лу иштирокида стратегик шериклик мулоқотининг учинчи сессияси бўлиб ўтди. Дипломат Қўшма Штатлар Ўзбекистон мустақиллиги ва ҳудудий яхлитлиги, шунингдек, Жаҳон савдо ташкилотига аъзо бўлишини сўзсиз қўллаб-қувватлашини яна бир бор тасдиқлашини билдирди.
Энди Chat GPT`дан Ўзбекистонда расман фойдаланса бўлади
ChatGPT сунъий интеллект билан ишловчи чат ботини ишлаб чиққан OpenAI компанияси ўз сервиси ишлайдиган ҳудудлар рўйхатига Ўзбекистонни қўшди. Эндиликда мамлакатда ChatGPT рўйхатидан расман ўтиш ва уни ишлатиш мумкин.
Тошкентда юридик шахслар ва бюджет ташкилотлари учун иссиқлик таъминоти тарифлари оширилмоқда
Тошкент ҳокимлиги иссиқлик таъминоти хизматлари учун тарифларни оширди. Юридик шахслар учун иссиқлик таъминоти нархи 1,5 баробарга, бюджет ташкилотлари учун эса 1,6 баробарга ошади. Аҳоли учун тариф нархи ўзгаришсиз қолади.
«Ўзбекистон — улкан салоҳият билан ўсиб бораётган бозор» — Буюк Британия савдо комиссари
Буюк Британиянинг савдо комиссари Кенан Полео Савдо ва саноат бўйича Ўзбекистон-Британия кенгаши йиғилиши арафасида «Газета.uz» мухбирининг икки мамлакатнинг сармоявий ва савдо салоҳиятига оид саволларига жавоб берди.
Ўзбекистонлик каратэчилар ёшлар ўртасидаги Осиё чемпионатида 15 та медаль олди
Қозоғистонда ўтган каратэнинг WKF йўналиши бўйича Осиё чемпионатида ўзбекистонлик ёшлар 15 медаль: 3 олтин, 2 кумуш ва 10 та бронзани қўлга киритди. Бу жамоа учун медаллар жамғариш бўйича энг яхши натижа бўлди.
Шавкат Мирзиёев ИҲТ саммитида иштирок этиш учун келган давлат раҳбарлари билан учрашди
Ўзбекистон президенти Иқтисодий ҳамкорлик ташкилоти саммитида иштирок этиш учун мамлакатга ташриф буюрган Покистон бош вазири, Қирғизистон, Туркия, Эрон ва Тожикистон президентлари билан учрашди.
Фурқат Сидиқов ўриндошлик асосида Ўзбекистоннинг Канададаги элчиси этиб тайинланди
Ўзбекистоннинг АҚШ ва Бразилиядаги элчиси Фурқат Сидиқов ўриндошлик асосида мамлакатнинг Канададаги элчиси бўлди. Элчихоналарнинг қароргоҳи Вашингтонда жойлашган.
Сурхондарёда йўл ва айрим хонадонларни сел босди — фото
Бойсун туманидан ўтувчи М-39 халқаро автомагистраль йўли ва айрим хонадонларни сел босди. Сурхондарё вилояти ҳокимлиги ҳодиса оқибатида жабрланганлар йўқлигини билдирди. Хонадон ва бошқа объектларда тозалаш ишлари олиб борилмоқда.
Уят ҳам, шарманда ҳам эмас. Тошкентда NeUyat кўргазмаси ўтмоқда
Тошкентда жинсий зўравонликка жим қараб турмаслик маданиятини шакллантиришни мақсад қилган NeUyat фестивали ўтказилмоқда. Рассомлар жамиятнинг бир қисми жинсий зўравонликни нормал қабул қилишини таъкидлайди. Улар зўравонликка учраганлар эмас, буни қилганларга уят кўзи билан қарашни тарғиб этмоқда.
Энг кўп ўқилган хабарлар | Сўнгги янгиликлар
- Расман: М-25 конидаги аварияда 4 киши ҳалок бўлди
- М-25 конидан яна водород сульфид сизиб чиқди. 4 киши ҳалок бўлгани маълум, жароҳатланганлар бор
- Нурмат Атабеков: Коронавируснинг янги штамми Ўзбекистонда аниқлангани йўқ
- Пахта сотиб олиш бўйича шартнома шартлари фермерлар зарарига қайта кўриб чиқилиши мумкин. Тафсилотлар
Қўшимча имкониятларга эга булиш учун сайтда рўйхатдан ўтинг