Лондонга учган йўловчиларнинг юклари Тошкентда қолиб кетди
Uzbekistan Airways авиакомпаниясининг «Тошкент-Лондон» рейси йўловчиларининг юклари самолётга ортилмай қолиб кетган. Компания буни Airbus 320neo самолётининг чекланган тижорат юкланиши билан изоҳлади. Багажлар 30 август куни етказиб берилади.
Азиз Воитов қишлоқ хўжалиги вазири лавозимига тасдиқланди
Президент фармони билан Азиз Воитов қишлоқ хўжалиги вазири лавозимига тасдиқланди. Шу муносабат билан у инвестициялар ва ташқи савдо вазирининг биринчи ўринбосари лавозимидан озод этилди.
29 август куни Ўзбекистонда содир бўлган энг муҳим хабарлар дайжести
Урганчда Жалолиддин Мангуберди ҳайкалини очиб берган президент, талабалар онлайн оладиган тўлов-шартнома, болалар учун келган Pfizer вакцинаси, дарахтлари шикастланган янги Миллий боғ, янги Қишлоқ хўжалиги вазири ва бошқалар — «Газета.uz» да кун дайжести.
«Модомики тиббиёт бошқа ҳеч нарса қила олмас экан, яшайлик». Taskin болалар хосписи илк беморларни қабул қилди
«Зангиота-2» ихтисослаштирилган шифохонаси негизида биринчи Taskin болалар хосписи очилди. Муассасада бедаво касалликка чалинган беморларга бепул паллиатив ёрдам кўрсатилади. «Газета.uz» хосписнинг қандай ишлаши ва унинг очилиш тарихини ҳикоя қилади.
Ўзбекистон ва Германия президентлари ЕИ доирасида мулоқотни ривожлантиришни муҳокама қилдилар
Германия президенти Франк-Вальтер Штайнмайер телефон орқали мулоқотда Ўзбекистон раҳбари Шавкат Мирзиёевни мамлакат мустақиллигининг 31 йиллиги билан табриклади. Томонлар минтақавий ҳамкорлик, шу жумладан Европа Иттифоқи доирасидаги конструктив мулоқотни ривожлантириш масалаларини муҳокама қилдилар.
Дзюдо бўйича жаҳон чемпионатида ўзбекистонлик спортчилар 8 та медални қўлга киритди
Сараевода бўлиб ўтган дзюдо бўйича кадетлар ўртасидаги жаҳон чемпионатида Ўзбекистон терма жамоаси 1 та олтин, 4 та кумуш ва 3 та бронза медалига сазовор бўлди. Дзюдочилар жамоавий баҳсларда ҳам қатнашиб, ўз тарихида илк марта бронза медалини қўлга киритди.
Бир қатор дипломатик миссиялар раҳбарларига олий дипломатик мартабалар берилди
Президент фармонлари билан бир гуруҳ дипломатик миссиялар раҳбарларига олий дипломатик мартабалар берилди. Жумладан, икки нафар дипломатга фавқулодда ва мухтор элчи, уч нафарига эса 2-даражали фавқулодда ва мухтор вакил мартабаси берилди.
Экологлар қайта очилган Миллий боғдаги дарахтларга зарар етганини тасдиқлади
Тошкент шаҳар Экология бошқармаси беш йиллик реконструкциядан сўнг, қайта очилган Миллий боғдаги дарахтларга зарар етказилгани ҳақидаги хабарларни тасдиқлади. Кейинроқ эса хабар ўчириб ташланди.
Ўзбекистон илк бор болалар учун ковидга қарши Pfizer вакцинасини қабул қилиб олди
Ўзбекистонга COVAX механизми доирасида илк бор ковидга қарши 201 600 доза Pfizer болалар вакцинаси келтирилди. 5−11 ёш болаларга мўлжалланган вакциналар Европа Иттифоқи ва Швеция ҳукуматининг хайрияси ҳисобланади.
Хорижий ОТМларда ўқиётган айрим талабаларнинг контрактини давлат ҳисобидан тўлаб бериш таклиф этилди
Олий таълим вазирлиги педагогларни тайёрловчи хорижий ОТМларда ўқиётган айрим талабаларнинг тўлов-контракт пулини давлат томонидан тўлаб беришни таклиф қилди. Бунинг учун икки босқичли танлов ўтказилади. Ундан муваффақиятли ўтган талаба ўқишни тамомлагач, камида 3 йил ишлаб бериши керак бўлади.
«Моргдан уйига олиб кетаётган бўлган». ИИВ Тошкентда эркак аёлининг мурдасини икки кун машинада олиб юргани ҳақида
Тармоқларда эр ўз аёлини ўлдириб, 2 кун давомида машинада олиб юргани айтилган видео тарқалди. ИИВ тасвирлар аслида, фуқаро аёлининг мурдасини уйига дафн учун олиб кетаётганида суратга олинганини маълум қилди. Марҳума «чап тухумдон кистаси ёрилиши, ички қон йўқотиш»дан вафот этгани айтилмоқда.
Ўзбекистон 7 ойда $422 млнлик буғдой импорт қилди
Январь-июль ойларида Ўзбекистон энг кўп буғдой ($422,4 млн), шакарқамиш ($251,7 млн), маргарин ($173,3 млн) ва қорамол гўшти ($116,4 млн), буғдой уни ($72,7 млн) импорт қилди.
Сирдарёда боланинг оёғи ариқ панжарасига тиқилиб қолди. ФВВ болаларни қаровсиз қолдирмасликка чақирди
Гулистонда оёғи ариққа тиқилиб қолган болага қутқарувчилар ёрдам кўрсатди, у жароҳат олмади. ФВВ ота-оналарни ўз фарзандларини қаровсиз қолдирмасликка чақирди.
Фарғонада онасини калтаклагани учун отасини ўлдирган йигит 10 йилга қамалди
Данғара туманида ногирон онасини ургани учун отасини ўлдириб қўйган 25 ёшли йигитга суд ҳукми ўқилди. Унинг кўрсатмасига кўра, отаси спиртли ичимликка ружу қўйган ва онасини мунтазам калтаклаб келган. Йигит ушбу жинояти учун 10 йилга озодликдан маҳрум қилинди.
Қишлоқ хўжалиги вазири лавозимига Азиз Воитов номзоди маъқулланди
Депутатлар 16 июлдан бери бўш турган қишлоқ хўжалиги вазири лавозимига Азиз Воитовнинг номзодини маъқуллади. У бунга қадар инвестициялар ва ташқи савдо вазирининг биринчи ўринбосари лавозимида фаолият юритган.
ДХХ томонидан учта ҳолатда $45 минг пора олаётган адвокатлар ушланди
Тошкентда адвокат солиқ текширувидаги ҳуқуқбузарлик учун молиявий жарима қўлламаслик эвазига тадбиркордан 23 минг доллар олганликда гумонланмоқда. Яна икки ҳолатда адвокатлар маҳбуслар жазосини енгилроғига алмаштиришни ҳал қилиб бериш учун 22 минг доллар олганликда гумонланиб, қўлга олинган.
Байрам кунлари об-ҳаво бироз иссиқроқ бўлади — Ўзгидромет
Байрам кунлари Ўзбекистон бўйлаб об-ҳаво бироз иссиқроқ бўлади, ҳарорат +37 даражагача кўтарилади. Кечалари ва тонгги вақтларда ҳаво салқинлашади. Ҳафта давомида ёғингарчиликлар кутилмаяпти.
Қашқадарёда автомобиль ёниб кетиши оқибатида ҳайдовчи вафот этди
Қашқадарёнинг Қамаши туманида Lacetti автомашинаси йўлнинг қатнов қисмига чиқиб кетган Gentra автомобили билан тўқнашув натижасида ёниб кетди. Оқибатда Lacetti ҳайдовчиси воқеа жойида вафот этган. Ҳолат юзасидан терговга қадар текширув ишлари олиб борилмоқда.
ДТМ: Апеллация аризаларини қабул қилиш бошланди
Давлат тест маркази ОТМларга кириш имтиҳонлари натижаларидан норози бўлган абитуриентлардан апеллация аризаларини қабул қилишни бошлади. Шикоятларни кўриб чиқиш эса 7 сентябрдан амалга оширилади.
Ўзбекистон 7 ойда $550 млнлик мева ва сабзавотлар экспорт қилди
Ўзбекистон 7 ойда 550 млн долларлик мева ва сабзавотлар экспорт қилди, энг кўп маҳсулот Қозоғистон ва Россияга етказиб берилган. Қолаверса, йил бошидан бери Фарғона (165,8 минг тонна), Самарқанд (106,1 минг тонна) ва Тошкент вилояти (101,9 минг тонна) экспорт борасида етакчиликни сақлаб қолмоқда.
Қўшимча имкониятларга эга булиш учун сайтда рўйхатдан ўтинг