Ўзбекистонга лифтлар импорти вақтинча тўхтатилди. Бизнес очиқ рақобат муҳитини сўрамоқда
Ўзбекистонга лифт импорт қилувчи тадбиркорлар олган 3 йиллик мувофиқлик сертификатлари амал қилиши 20 мартдан кейин тўхтатиб қўйилди. Бизнес масъул идоралар вазият бўйича асосли жавоб бермаётганини таъкидламоқда. Тадбиркорлар очиқ рақобатни сўраб, импорт чекловларини хато деб атаяпти.
ДХХ пора олишда гумонланган адвокат, солиқ ва МИБ ходимларини ушлади
ДХХ Жиззах шаҳрида судланувчига енгил жазо тайинлатиб бериш учун 10 минг доллар олишда гумонланган адвокатни ушлади. Учқўрғон туманида компанияга жиноий иш очилмаслигига ёрдам бериш эвазига 2 минг доллар талаб қилган МИБ ходимлари қўлга олинди.
10 кунда 500 дан ортиқ машина ҳавога меъёридан ортиқ зарарли моддалар чиқаргани аниқланди
«Тоза ҳаво» ойлиги доирасида 10 кун ичида Ўзбекистон бўйлаб 60 мингга яқин автомобиль экологик назоратдан ўтказилди. Бунда 518 та транспорт воситаси атмосферага меъёридан ортиқ зарарли моддалар чиқаргани аниқланди. 300 дан ортиқ ҳайдовчи жаримага тортилди.
«Ўзбекистонда иммунизация тарихи инсоният ғалабаси тарихидир» — ЮНИСEФ
Ўзбекистонда эмлаш дастури 3,5 млн бола, жумладан, ҳар йили дифтерия, қоқшол ва кўк йўталга қарши 3 дозали вакцина оладиган 950 минг болани қамраб олади. Бутунжаҳон эмлаш ҳафталиги муносабати билан ЮНИСEФ эмлаш ҳаракатлари болаларнинг омон қолиши ва саломатлиги учун нақадар муҳим эканини эслаб ўтди.
Atlas Party`даги аёллар ва уларнинг либосларини ҳақоратлаган эркак 15 суткага қамалди
Суд Тошкентдаги Atlas Party тадбирида қатнашган аёллар ва уларнинг либосларини ҳақорат қилган эркакни 15 сутка маъмурий қамоқ жазосига ҳукм қилди.
Германияда Марказий Осиёдан бўлган 7 киши террорчиликда айбланмоқда
Германия прокуратураси Марказий Осиёнинг етти фуқаросини террорчилик гуруҳи тузиш ва ИШИДни қўллаб-қувватлашда айблади. Улар ўтган ёздан бери ҳибсда сақланмоқда.
Аргентинада юз минглаб одамлар таълим ислоҳотига қарши намойишга чиқди
800 мингга яқин одам Буэнос-Айрес кўчаларига чиқиб, давлат университетлари ривожига сарфланадиган харажатларни қисқартиришга қарши чиқди. Университетларни молиялаштиришни камайтириш қарори Аргентина президенти Хавьер Милей ташаббуси билан қабул қилинганди.
Бухорода эркак рашк сабаб хотинини пичоқлаб ўлдирди
Бухоро вилояти Қоракўл туманида эр хотинини 16 марта пичоқ уриб ўлдирди. Бунга рашк ортидан келиб чиққан жанжал сабаб бўлгани айтилмоқда. Эркакка нисбатан жиноят иши қўзғатилди.
Самарқандда 13 минг куб мармарни ноқонуний қазиб олганлар ушланди
Самарқанднинг Иштихон туманидаги Зарбанд конидан ўзбошимчалик билан 13,1 минг куб мармар қазиб олингани аниқланди. Бунинг оқибатида табиий объектларга 5,1 млрд сўм зарар етказилган. Ҳолат юзасидан жиноят иши қўзғатилди.
Самарқандда 15 ёшли қиз жисмоний тазйиқ остида қолгани аниқланди
Тармоқларда Самарқанд вилояти Пайариқ туманида 7-синфда ўқийдиган қиз мактаб директорининг уйида тазйиқ остида қолгани ҳақида хабарлар тарқалди. Болалар омбудсмани ҳолат назоратга олинганини, туман ИИБ текширув ҳаракатлари олиб бораётганини маълум қилди.
Оролбўйидан 70 млн йиллик динозавр суяги топилди
Словакиялик олимлар Оролбўйи ҳудудида 70 млн йиллик ноёб топилмаларни, жумладан, сувда яшайдиган кичик динозавр турининг суягини аниқлади. Аммо Ўзбекистонда таҳлил қилиш имкони бўлмагани сабабли суяклар Словакияга олиб кетилди.
ANORBANK x eMaktab махсус лойиҳасининг иккинчи босқичи ғолиблари эълон қилинди
Тошкентдаги Central Park`да ANORBANK ва eMaktab ҳамкорлигида йўлга қўйилган «Беш баҳолар сиздан, совғалар биздан» шиори остидаги махсус лойиҳанинг иккинчи босқичи якунлари эълон қилинди.
Машиналар «Меҳр дафтари» жамғармаси ҳисобидан харид қилинмаган. Техник хатолик ҳақида хабар берилди
Қўшимча: Қашқадарё ва Бухоро вилоятлари ҳокимликлари янги автомобиллар «Меҳр дафтари» жамғармасидан харид қилинмаганини маълум қилди. Жамғарма номининг давлат харидлари лотларида кўрсатилиши порталдаги нуқсон билан боғлиқ.
Туркияда 53 ёшли Ўзбекистон фуқароси зинадан йиқилиб вафот этди
Истанбулда вақтинча яшаб, ишлаётган самарқандлик 53 ёшли эркак иш жойида зинадан йиқилиб тушиш оқибатида ҳушини йўқотиб, воқеа жойида вафот этди. Унинг жасади моргда сақланмоқда, бош консулхона марҳумнинг қариндошларидан мурожаат қилишни сўради.
АҚШ Конгресси ниҳоят Украина, Исроил ва Тайван учун ёрдам пакетларини тасдиқлади. Асосий маълумотлар
АҚШ Сенати Вакиллар палатасидан сўнг Украина, Исроил ва Тайванга 95 млрд долларлик ёрдам ажратиш тўғрисидаги қонун лойиҳасини маъқуллади. Лойиҳа юзасидан келишиб олишга салкам олти ой вақт кетди. Президент Байден ҳужжатни дарҳол имзолашга ваъда берди.
Тўлдирилди: Давлат идоралари ўз автопаркини электромобиллар билан янгиламоқда
Давлат идоралари электр ва гибрид автомобилларга ўтишни бошлади. Давлат харидлари порталидаги маълумотлар бир қатор ҳокимликлар машиналарни етим болаларни қўлловчи «Меҳр дафтари» жамғармаси орқали сотиб олганини айтмоқда. Қашқадарё вилояти ҳокимлиги техник хатолик бўлганини маълум қилди.
ТИВда Кипр ва Чилининг янги элчиларидан ишонч ёрлиқлари қабул қилинди
Ташқи ишлар вазири Бахтиёр Саидов Кипр ва Чилининг Ўзбекистондаги янги фавқулодда ва мухтор элчилари — Кипрос Йоргаллис ҳамда Эдуардо Эскобардан ишонч ёрлиқларини қабул қилиб олди.
Тошкентда навбатдаги «Автомобилсиз кун» акцияси — фото, видео
24 апрель куни Тошкентда навбатдаги «Автомобилсиз кун» доирасида раҳбарлар ва ходимлар пиёда ёки жамоат транспортида ишга борди. Улар орасида экология вазири Азиз Абдуҳакимов ва бош прокурор ўринбосари Светлана Артикова бор. «Газета.uz» жараён акс этган видео ва суратларни бир саҳифага жамлади.
Жиззахда 8 ёшли ўғлига пичоқ тираган эркакка нисбатан жиноят иши қўзғатилди
Жиззах вилоятида яшовчи фуқаро Кореяда ишлаётган рафиқаси билан телефон орқали жанжаллашиб, 8 ёшли ўғлининг бўғзига пичоқ тиради. Маълум бўлишича, у олдин ҳам хотинига нисбатан зўравонлик қилган. Ҳолат юзасидан жиноий иш очилди. Болага унинг бувиси вақтинчалик васий этиб тайинланди.
Ўзбекистон биринчи чоракда 360,2 млн долларлик газ импорт қилди
2024 йилнинг дастлабки уч ойида Ўзбекистонга газ импорти 360 млн доллардан ошди (мартда — 152,9 млн доллар), бу ўтган йилнинг шу даврига нисбатан 2,4 баробар кўпдир. Бу даврда «мовий ёнилғи» экспорти 45,4 млн долларни ташкил этди. Етказиб беришдаги фарқ 314,8 млн доллар бўлди.
Қўшимча имкониятлардан фойдаланиш учун сайтда рўйхатдан ўтинг